ជាតិ
នយោបាយជាតិ
×![]()
ថ្វីដ្បិតតែលោក ចៅ សែន កុសលឈុំ បានទទួលមរណភាពកាលពីថ្ងៃទី២២ ខែមករា ឆ្នាំ២០០៩ ទៅហើយក្តី ប៉ុន្តែរហូតមកពេលនេះ អតីតនាយករដ្ឋមន្ត្រីកម្ពុជារូបនេះ នៅស្ថិតក្នុងកំណត់ត្រាជាមេដឹកប្រទេសដែលមានអាយុវែងជាងគេលើពិភពលោកដដែល។
លោក ចៅ សែនកុសល ឈុំ ដែលជាអ្នកនយោបាយដ៏ជិតស្និទ្ធជាមួយសម្តេចឪ នរោត្តម សីហនុ បានធ្វើនាយករដ្ឋមន្ត្រីស្តីទីរបស់កម្ពុជា ចន្លោះពីថ្ងៃទី៦ ខែសីហា ដល់ថ្ងៃទី៦ ខែតុលា ឆ្នាំ១៩៦២ ហើយបានទទួលងារជាសម្តេចនៅក្នុងឆ្នាំ១៩៩៣ ។
អតីតប្រមុខរដ្ឋាភិបាល និងប្រធានសភារូបនេះ កើតនៅខេត្តមាត់ជ្រូក ទឹកដីកម្ពុជាក្រោម នាថ្ងៃទី៩ ខែកញ្ញា ឆ្នាំ១៩០៥ ហើយបានទទួលអនិច្ចកម្មនៅថ្ងៃទី ២២ ខែមករា ឆ្នាំ២០០៩ ពោលគឺលោកមានអាយុ ១០៣ឆ្នាំ និង១៣៥ ថ្ងៃ។ អាយុដ៏វែងនេះ បាននាំឲ្យលោករក្សាតំណែងជាអតីតប្រមុខរដ្ឋាភិបាល និងប្រមុខរដ្ឋ ដែលមានអាយុវែងជាងគេ។
អ្នកដែលឈរចំណាត់ថ្នាក់ទីពីរ គឺអតីតនាយករដ្ឋមន្ត្រី និងប្រធានាធិបតីតួកគី លោក Celal Bayar ដែលបានស្លាប់ក្នុងអាយុ១០៣ឆ្នាំ និង៩៨ថ្ងៃ ខណៈអតីតនាយករដ្ឋមន្ត្រី បារាំង លោក Antoine Pinay ស្លាប់ក្នុងអាយុ១០២ឆ្នាំ និង៣៤៨ថ្ងៃ។ អ្នកដែលរំពឹងថា អាចបំបែកកំណត់ត្រាបាននៅគឺលោក Telmo Vargas អតីតប្រមុខរដ្ឋអេក្វាឌ័រ ដោយបច្ចុប្បន្ន លោកកំពុងរស់រៀនមានជីវិតនៅឡើយ។ អតីតឧត្តមសេនីយ៍ និងប្រធានាធិបតីអេក្វាឌ័ររូបនេះ កើតនៅថ្ងៃទី៩ ខែតុលា ឆ្នាំ១៩១២ ។
អតីតមេដឹកនាំផ្សេងទៀតដែលមានអាយុវែង និងបន្តរស់រៀនមានជីវិតដូចជា អតីតនាយករដ្ឋមន្ត្រី ហូឡង់ Piet de Jong (កើត១៩១៥) អតីតនាយករដ្ឋមន្ត្រីវៀតណាម Do Muoi (កើត១៩១៧) អតីតប្រធានាធិបតីតួកគី Kenan Evren (កើត១៩១៧) អតីតនាយករដ្ឋមន្ត្រីជប៉ុន Yasuhiro Nakasone (កើត១៩១៨) អតីតនាយករដ្ឋមន្ត្រីក្រិក Konstantinos Mitsotakis (កើត១៩១៨) អតីតប្រធានាធិបតីស៊ីលី Patricio Aylwin (កើត១៩១៨) និងអតីតអធិការបតីអាល្លឺម៉ង់ខាងលិច Helmut Schmidt (កើត១៩១៨) ជាដើម។
លោក នួន ជា អតីតនាយករដ្ឋមន្ត្រីស្តីទីនៃរបបកម្ពុជាប្រជាធិបតេយ្យ (ខែកញ្ញា ឆ្នាំ១៩៧៦ ដល់ខែមករា ឆ្នាំ១៩៧៧) ស្ថិតក្នុងចំណោមប្រមុខរដ្ឋាភិបាលដែលមានអាយុចំណាស់ជាងគេផងដែរ ដោយលោកបានកើតនៅថ្ងៃទី៧ ខែកក្កដា ឆ្នាំ១៩២៦ ដោយបច្ចុប្បន្នមានអាយុ៨៨ឆ្នាំ។ លោក ប៉ែន សុវណ្ណ អតីតនាយករដ្ឋមន្ត្រីនៃរបបសាធារណរដ្ឋប្រជាមានិតកម្ពុជា កើតនៅថ្ងៃទី១៥ ខែមេសា ឆ្នាំ១៩៣៦ (បច្ចុប្បន្នអាយុ៧៨ឆ្នាំ)៕
លោក ចៅ សែនកុសល ឈុំ ដែលជាអ្នកនយោបាយដ៏ជិតស្និទ្ធជាមួយសម្តេចឪ នរោត្តម សីហនុ បានធ្វើនាយករដ្ឋមន្ត្រីស្តីទីរបស់កម្ពុជា ចន្លោះពីថ្ងៃទី៦ ខែសីហា ដល់ថ្ងៃទី៦ ខែតុលា ឆ្នាំ១៩៦២ ហើយបានទទួលងារជាសម្តេចនៅក្នុងឆ្នាំ១៩៩៣ ។
អតីតប្រមុខរដ្ឋាភិបាល និងប្រធានសភារូបនេះ កើតនៅខេត្តមាត់ជ្រូក ទឹកដីកម្ពុជាក្រោម នាថ្ងៃទី៩ ខែកញ្ញា ឆ្នាំ១៩០៥ ហើយបានទទួលអនិច្ចកម្មនៅថ្ងៃទី ២២ ខែមករា ឆ្នាំ២០០៩ ពោលគឺលោកមានអាយុ ១០៣ឆ្នាំ និង១៣៥ ថ្ងៃ។ អាយុដ៏វែងនេះ បាននាំឲ្យលោករក្សាតំណែងជាអតីតប្រមុខរដ្ឋាភិបាល និងប្រមុខរដ្ឋ ដែលមានអាយុវែងជាងគេ។
អ្នកដែលឈរចំណាត់ថ្នាក់ទីពីរ គឺអតីតនាយករដ្ឋមន្ត្រី និងប្រធានាធិបតីតួកគី លោក Celal Bayar ដែលបានស្លាប់ក្នុងអាយុ១០៣ឆ្នាំ និង៩៨ថ្ងៃ ខណៈអតីតនាយករដ្ឋមន្ត្រី បារាំង លោក Antoine Pinay ស្លាប់ក្នុងអាយុ១០២ឆ្នាំ និង៣៤៨ថ្ងៃ។ អ្នកដែលរំពឹងថា អាចបំបែកកំណត់ត្រាបាននៅគឺលោក Telmo Vargas អតីតប្រមុខរដ្ឋអេក្វាឌ័រ ដោយបច្ចុប្បន្ន លោកកំពុងរស់រៀនមានជីវិតនៅឡើយ។ អតីតឧត្តមសេនីយ៍ និងប្រធានាធិបតីអេក្វាឌ័ររូបនេះ កើតនៅថ្ងៃទី៩ ខែតុលា ឆ្នាំ១៩១២ ។
អតីតមេដឹកនាំផ្សេងទៀតដែលមានអាយុវែង និងបន្តរស់រៀនមានជីវិតដូចជា អតីតនាយករដ្ឋមន្ត្រី ហូឡង់ Piet de Jong (កើត១៩១៥) អតីតនាយករដ្ឋមន្ត្រីវៀតណាម Do Muoi (កើត១៩១៧) អតីតប្រធានាធិបតីតួកគី Kenan Evren (កើត១៩១៧) អតីតនាយករដ្ឋមន្ត្រីជប៉ុន Yasuhiro Nakasone (កើត១៩១៨) អតីតនាយករដ្ឋមន្ត្រីក្រិក Konstantinos Mitsotakis (កើត១៩១៨) អតីតប្រធានាធិបតីស៊ីលី Patricio Aylwin (កើត១៩១៨) និងអតីតអធិការបតីអាល្លឺម៉ង់ខាងលិច Helmut Schmidt (កើត១៩១៨) ជាដើម។
លោក នួន ជា អតីតនាយករដ្ឋមន្ត្រីស្តីទីនៃរបបកម្ពុជាប្រជាធិបតេយ្យ (ខែកញ្ញា ឆ្នាំ១៩៧៦ ដល់ខែមករា ឆ្នាំ១៩៧៧) ស្ថិតក្នុងចំណោមប្រមុខរដ្ឋាភិបាលដែលមានអាយុចំណាស់ជាងគេផងដែរ ដោយលោកបានកើតនៅថ្ងៃទី៧ ខែកក្កដា ឆ្នាំ១៩២៦ ដោយបច្ចុប្បន្នមានអាយុ៨៨ឆ្នាំ។ លោក ប៉ែន សុវណ្ណ អតីតនាយករដ្ឋមន្ត្រីនៃរបបសាធារណរដ្ឋប្រជាមានិតកម្ពុជា កើតនៅថ្ងៃទី១៥ ខែមេសា ឆ្នាំ១៩៣៦ (បច្ចុប្បន្នអាយុ៧៨ឆ្នាំ)៕
© រក្សាសិទ្ធិដោយ thmeythmey.com
