ជាតិ
×![]()
ដោយ: ថ្មីៗ
បុគ្គល មិនគួរមើលងាយបាបថា មានប្រមាណតិច នឹងមិនឲ្យផលដូច្នេះឡើយ វាប្រៀបដូចក្អមទឹក រមែងពេញបានដោយតំណក់ទឹកដែលធ្លាក់ចុះមកពីលើមេឃយ៉ាងណា បុគ្គលដែលសន្សំបាប សូម្បីបន្តិចម្តង ៗ គង់ពេញបានដូច្នោះដែរ។
បុគ្គល គួរខ្លាច គួរចៀសវាងនូវបាបទាំងឡាយ ឲ្យដូចពាណិជ្ជ ដែលមានទ្រព្យច្រើន តែមានគ្នាតិចចៀសវាងផ្លូវដែលគួរខ្លាច ឬដូចជាបុរសប្រាថ្នារស់នៅ ចៀសវាងថ្នាំពិស ដូច្នោះដែរ ។
បើដំបៅមិនមានក្នុងបាតដៃទេ បុគ្គលគប្បីនាំយកថ្នាំពិសដោយបាតដៃ ថ្នាំពិសមិនអាចជ្រាបចូលទៅកាន់បាតដៃដែលគ្មានដំបៅបាន យ៉ាងណា បាបរមែងមិនមានដល់បុគ្គលអ្នកមិនធ្វើ យ៉ាងនោះដែរ ។
បុគ្គលណា ជាអ្នកធ្វើបាបកម្មហើយ ទោះបីចូលទៅឰដ៏អាកាស ក្នុងកណ្តាលសមុទ្រ ឬទៅកាន់ចន្លោះភ្នំទាំងឡាយ ក៏មិនអាចរួចចាកបាបកម្មបានឡើយ ព្រោះប្រទេសលើ ផែនដីដែលបុគ្គលឋិតនៅហើយ គប្បីអាចរួចចាកបាបកម្មបាននោះមិនដែលមានទេ ។
ដកស្រង់ចេញពីសៀវភៅ ឱវាទព្រះសាស្តាភាគទី ១ បណ្តាំលោកគ្រូ
រៀបរៀងដោយៈ វ៉ាង ស៊ីណា ហៅម៉ុម
© រក្សាសិទ្ធិដោយ thmeythmey.com
