សង្គមអន្តរជាតិ
អន្តរជាតិ
Angelina Jolie និង Bill Gates ជាបុគ្គលដែលគេសរសើរច្រើនជាងគេក្នុងពិភពលោក
×![]()
ក្រុមហ៊ុនស្រាវជ្រាវទីផ្សារអន្តរជាតិ YouGovបានធ្វើការស្ទង់មតិតាមរយៈការបោះឆ្នោតជាសកលមួយនៅក្នុងប្រទេសចំនួន ៣៤ដើម្បីស្វែងរក ថាតើបុគ្គលរូបណាដែលត្រូវបានគេសរសើរច្រើនជាងគេបំផុតនៅលើពិភពលោកក្នុងឆ្នាំ២០១៤ ។លទ្ធផលបានបង្ហាញថាមនុស្សដែលគួរឱ្យកោតសរសើរជាងគេ គឺរួមមានមេដឹកនាំរបស់ប្រទេសមហាអំណាចធំៗនៅលើពិភពលោកអ្នកធ្វើការមនុស្សធម៌ និងតារាភាពយន្ដ ជាដើម។
ក្រុមហ៊ុន YouGovបានប្រមូលផ្តុំលទ្ធផលនៃការបោះឆ្នោត ដើម្បីចងក្រងជាបញ្ជីដែលមាន បុរស ២៥ នាក់ និងស្ត្រី ២៥នាក់ ដែលត្រូវបានគេបោះឆ្នោតជ្រើសរើស ជាមនុស្សដែលគួរឲ្យសរសើរខ្លាំងបំផុតក្នុងឆ្នាំ ២០១៤ កន្លងទៅនេះ។
លទ្ធផលនៃការបោះឆ្នោតបានបង្ហាញថា បុរសដែលគេសរសើរច្រើនជាងគេបំផុតនៅលើពិភពលោក គឺលោក Bill Gates ស្ថាបនិកក្រុមហ៊ុន Microsoft និងជាអ្នកផ្ដល់ជំនួយសប្បុរសធម៌ទៀតផងនោះ។ ចំណែកឯ ប្រធានាធិបតីអាមេរិកលោកបារ៉ាក់អូបាម៉ា បានជាប់ចំណាត់ថ្នាក់ទី២ ខណៈប្រធានាធិបតីចិនលោកស៊ីជីនពីង ស្ថិតនៅចំណាត់ថ្នាក់ទី៣ ហើយប្រធានាធិបតីរុស្ស៊ី វ្លាឌីមៀ ពូទីន បានជាប់ចំណាត់ថ្នាក់ទី១១ ។
ដោយឡែកបើតាមការស្ទង់មតិរបស់ ក្រុមហ៊ុន YouGovដដែលនេះ ស្ត្រីដែលទទួលបានការសរសើរច្រើនជាងគេបំផុត ពីអ្នកបោះឆ្នោតគឺតារាហូលីវូតដ៏ល្បីល្បាញ នាង Angelina Jolie បន្ទាប់មកគឺម្ចាស់ពានរង្វាន់ណូបែលសន្តិភាព ២០១៤ ដែលជាសកម្មជនសិទ្ធិមនុស្សប៉ាគីស្ថាននាង MalalaYousafzai ខណៈពេលដែល អតីតរដ្ឋមន្ត្រីការបរទេសអាមេរិក លោកស្រី ហ៊ីលឡារីគ្លីនតុនស្ថិតនៅចំណាត់ថ្នាក់ទី៣ ។
ក្រៅពីនេះស្ត្រីល្បីៗជាច្រើនទៀតក៏បានជាប់ក្នុងបញ្ជី ស្ត្រីដែលទទួលបានការសរសើរច្រើនជាងគេ គឺមានជាបន្តបន្ទាប់ដូចជា ម្ចាស់ក្សត្រី Elizabeth II របស់អង់គ្លេស លោកស្រី Michelle Obama និងលោកស្រី អង់សានស៊ូជី ជាដើម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
