សង្គមអន្តរជាតិ
អន្តរជាតិ
មីយ៉ាន់ម៉ា៖ ជនភៀសខ្លួនរាប់ម៉ឺននាក់រត់ចូលទឹកដីចិនដោយសារជម្លោះប្រដាប់អាវុធ
×![]()
ការប្រយុទ្ធគ្នានៅភាគខាងជើងប្រទេសមីយ៉ាន់ម៉ានៅជាប់ព្រំដែនចិន កើនឡើងកាន់តែខ្លាំងរហូតដល់មានការប្រើយន្តហោះ និងកាំភ្លើងធំផង។ ជនភៀសខ្លួនជាច្រើននាក់ឆ្លងចូលប្រទេសចិនដើម្បីស្វែងរកសុវត្ថិភាព ចំណែកចំនួនអ្នកស្លាប់ឬ របួសមិនទាន់មានរបាយការណ៍បញ្ជាក់ឡើយ ប៉ុន្តែគ្រាន់តែម្សិលមិញសាកសពមនុស្សប្រហែល២០នាក់មានស្រីមានប្រុសនៅតាមផ្លូវក្បែរតំបន់ប្រយុទ្ធ។
កងកម្លាំងឧទ្ទាមដែលជាជនជាតិភាគតិចចិន បន្តប្រយុទ្ធគ្នាកាន់តែខ្លាំងឡើងៗជាមួយកងកម្លាំងរដ្ឋាភិបាលមីយ៉ាន់ម៉ា ដែលគោលបំណងក្រុមឧទ្ទាមគឺចង់បានស្វ័យភាពបន្ថែមនៅក្នុងតំបន់។ ការប្រយុទ្ធគ្នានេះ រហូតដល់មានការបាញ់ផ្លោងកាំភ្លើងធំលើតំបន់ Kokangនៃរដ្ឋសាន ពេញមួយថ្ងៃសៅរ៍ម្សិលមិញនេះ។ គេឃើញប្រជាជននៅក្នុងតំបន់ពី៣ ទៅ ៥ម៉ឺននាក់បានរត់ភៀសខ្លួនចូលក្នុងខេត្តយូណានប្រទេសចិន ដើម្បីគេចអោយផុតពីគ្រោះថ្នាក់ ប៉ុន្តែមិនមានរបាយការណ៍ណាមួយបញ្ជាក់អោយច្បាស់ពីចំនួនអ្នកស្លាប់និងរបួសឡើយ។ បើតាមអ្នកយកព័ត៌មាន Al Jazeera សាកសពចំនួន២០ មានប្រុសមានស្រី ដេករណូករណែលនៅលើផ្លូវ នៅក្នុងទីក្រុង Laukkaiនៃប្រទេសមីយ៉ាន់ម៉ា។
ទាក់ទងការប្រយុទ្ធទាមទារស្វ័យភាពបន្ថែម តំបន់ដែលកំពុងមានជម្លោះប្រដាប់អាវុធនោះមានជនជាតិហាន (ចិន) ភាគច្រើនកំពុងរស់នៅនិងកាន់កាប់តំបន់នោះ។ ហើយតំបន់មួយនេះក៏តែងតែមានជម្លោះកើតឡើងជាប្រចាំ ហើយការប្រយុទ្ធគ្នាកើតឡើងកាន់តែខ្លាំងតាំងពីថ្ងៃ ៩កុម្ភៈរវាងកងកម្លាំងសម្ព័ន្ធទាហានប្រជាធិបតេយ្យជាតិមីយ៉ាន់ម៉ា។
បើតាមមន្ត្រីយោធាជាកងកម្លាំងរដ្ឋាភិបាល ក្រុមឧទ្ទាមដែលកំពុងប្រយុទ្ធជាមួយកងកម្លាំងរដ្ឋាភិបាលទទួលបានការគាំទ្រពីក្រុមឧទ្ទាមជនជាតិភាគតិចផ្សេងទៀត និងអតីតទាហានចិន ដែលជាទាហានស៊ីឈ្នួលផងដែរ។ ក្រុមទាំងអស់នោះសុទ្ធតែប្តូរផ្តាច់ប្រយុទ្ធដើម្បីស្វែងរកស្វ័យភាពបន្ថែមពីរដ្ឋាភិបាលក្រុងណៃពីដ៏។ ក្រុមកងម្លាំងផ្សេងទៀតបានស្នើសុំអោយរដ្ឋាភិបាលកណ្តាលព្រមចរចាជាមួយក្រុមឧទ្ទាមនៅតំបន់ Kokangនិងទទួលស្គាល់ការទាមទារស្វ័យភាពនេះ ដើម្បីឈានទៅសម្រេចបានសន្តិភាពជាមួយក្រុមឧទ្ទាមផ្សេងទៀតផងដែរ។បច្ចុប្បន្ននេះតំបន់ដែលកំពុងមានជម្លោះប្រដាប់អាវុធរបស់មីយ៉ាន់ម៉ាកំពុងស្ថិតក្រោមច្បាប់អាជ្ញាសឹក ហើយមីយ៉ាន់ម៉ាបានប្រកាសដាក់រដ្ឋក្នុងភាពអាសន្នរួចរាល់ហើយ៕
កងកម្លាំងឧទ្ទាមដែលជាជនជាតិភាគតិចចិន បន្តប្រយុទ្ធគ្នាកាន់តែខ្លាំងឡើងៗជាមួយកងកម្លាំងរដ្ឋាភិបាលមីយ៉ាន់ម៉ា ដែលគោលបំណងក្រុមឧទ្ទាមគឺចង់បានស្វ័យភាពបន្ថែមនៅក្នុងតំបន់។ ការប្រយុទ្ធគ្នានេះ រហូតដល់មានការបាញ់ផ្លោងកាំភ្លើងធំលើតំបន់ Kokangនៃរដ្ឋសាន ពេញមួយថ្ងៃសៅរ៍ម្សិលមិញនេះ។ គេឃើញប្រជាជននៅក្នុងតំបន់ពី៣ ទៅ ៥ម៉ឺននាក់បានរត់ភៀសខ្លួនចូលក្នុងខេត្តយូណានប្រទេសចិន ដើម្បីគេចអោយផុតពីគ្រោះថ្នាក់ ប៉ុន្តែមិនមានរបាយការណ៍ណាមួយបញ្ជាក់អោយច្បាស់ពីចំនួនអ្នកស្លាប់និងរបួសឡើយ។ បើតាមអ្នកយកព័ត៌មាន Al Jazeera សាកសពចំនួន២០ មានប្រុសមានស្រី ដេករណូករណែលនៅលើផ្លូវ នៅក្នុងទីក្រុង Laukkaiនៃប្រទេសមីយ៉ាន់ម៉ា។
ទាក់ទងការប្រយុទ្ធទាមទារស្វ័យភាពបន្ថែម តំបន់ដែលកំពុងមានជម្លោះប្រដាប់អាវុធនោះមានជនជាតិហាន (ចិន) ភាគច្រើនកំពុងរស់នៅនិងកាន់កាប់តំបន់នោះ។ ហើយតំបន់មួយនេះក៏តែងតែមានជម្លោះកើតឡើងជាប្រចាំ ហើយការប្រយុទ្ធគ្នាកើតឡើងកាន់តែខ្លាំងតាំងពីថ្ងៃ ៩កុម្ភៈរវាងកងកម្លាំងសម្ព័ន្ធទាហានប្រជាធិបតេយ្យជាតិមីយ៉ាន់ម៉ា។
បើតាមមន្ត្រីយោធាជាកងកម្លាំងរដ្ឋាភិបាល ក្រុមឧទ្ទាមដែលកំពុងប្រយុទ្ធជាមួយកងកម្លាំងរដ្ឋាភិបាលទទួលបានការគាំទ្រពីក្រុមឧទ្ទាមជនជាតិភាគតិចផ្សេងទៀត និងអតីតទាហានចិន ដែលជាទាហានស៊ីឈ្នួលផងដែរ។ ក្រុមទាំងអស់នោះសុទ្ធតែប្តូរផ្តាច់ប្រយុទ្ធដើម្បីស្វែងរកស្វ័យភាពបន្ថែមពីរដ្ឋាភិបាលក្រុងណៃពីដ៏។ ក្រុមកងម្លាំងផ្សេងទៀតបានស្នើសុំអោយរដ្ឋាភិបាលកណ្តាលព្រមចរចាជាមួយក្រុមឧទ្ទាមនៅតំបន់ Kokangនិងទទួលស្គាល់ការទាមទារស្វ័យភាពនេះ ដើម្បីឈានទៅសម្រេចបានសន្តិភាពជាមួយក្រុមឧទ្ទាមផ្សេងទៀតផងដែរ។បច្ចុប្បន្ននេះតំបន់ដែលកំពុងមានជម្លោះប្រដាប់អាវុធរបស់មីយ៉ាន់ម៉ាកំពុងស្ថិតក្រោមច្បាប់អាជ្ញាសឹក ហើយមីយ៉ាន់ម៉ាបានប្រកាសដាក់រដ្ឋក្នុងភាពអាសន្នរួចរាល់ហើយ៕
© រក្សាសិទ្ធិដោយ thmeythmey.com
