ជាតិ
បទវិភាគ
×![]()
ការប្រកាសវិលត្រឡប់ចូលគណបក្ស ហ្វ៊ុនស៊ិនប៉ិច វិញរបស់សម្តេចក្រុមព្រះ នរោត្តន រណឫទ្ធិ ត្រូវបានគេមើលឃើញថាជាការផ្សងព្រេងក្រោមហេតុផលបង្រួបបង្រួមអ្នក រាជា និយម។ ពាក្យបង្រួបបង្រួមមិនត្រឹមតែពិរោះស្តាប់ប៉ុណ្ណោះទេ ប៉ុន្តែ វាក៏ជាពាក្យដែលមានអត្ថន័យយ៉ាងខ្លាំងផងដែរ។ ប៉ុន្តែ វាពិតជាមិនងាយស្រួលឡើយសម្រាប់គណបក្សរាជានិយម ហ្វ៊ុនស៊ិនប៉ិច។ ពេលនេះសញ្ញានៃបរាជ័យបានបង្ហាញហើយ។
នៅពេលវិលត្រឡប់មក ហ្វ៊ុនស៊ិនប៉ិច វិញ សម្តេចក្រុមព្រះ នរោត្តម រណប្ញទ្ធិ បានប្រើពាក្យបង្រួមអ្នករាជានិយម និងសីហនុនិយម ជាបេសកកម្មចម្បងជាងគេ។ ការបង្រួបបង្រួមស្តាប់ទៅហាក់ដូចជាទំនង និងពិតជាមានន័យណាស់សម្រាប់គណបក្សដែលបែកបាក់ជាកម្ទេចតូចតាចអស់មួយនេះ។ ប៉ុន្តែ ដូចដែលគេបានមើលឃើញជាមុនអ៊ីចឹងថាសម្តេច ក្រុមព្រះពិបាកសម្រេចគោលដៅនេះណាស់។
ពិបាកម្យ៉ាងដោយសារតែគណបក្សរាជានិយមបើទោះជាបានបែកបាក់ខ្ទេចខ្ទីអស់ក៏ដោយ ក៏ភាគីដែលបែកបាក់នោះនៅតែបែកខ្ញែកជាពីរបីចំណែកបន្តទៀត។ រីឯម្យ៉ាងទៀត ពីព្រោះតែសម្តេចក្រុមព្រះមិនអាចតំណាងឲ្យតួអង្គអ្នកបង្រួបបង្រួមនោះទេ ជាពិសេសសម្តេចក្រុមព្រះនិងលោក ញ៉ឹក ប៊ុនឆៃ ត្រូវគេមើលឃើញថា ជាទឹកនិងប្រេងដែលពិបានរលាយចូលគ្នា។
គេនៅចាំបានថា កាលពីមុនការបោះឆ្នោតឃុំសង្កាត់ឆ្នាំ ២០១២ សម្តេចក្រុមព្រះនិងលោក ញ៉ឹក ប៊ុនឆៃ ធ្លាប់បានចុះហត្ថលេខាជាមួយគ្នាម្តងហើយក្រោមការសម្របសម្រួលពីលោក នាយករដ្ឋមន្ត្រី ហ៊ុន សែន។ ប៉ុន្តែ មិនទាំងបានប៉ុន្មានផង អ្នកទាំងពីរក៏ចែកផ្លូវគ្នាដើរដដែល។ នេះគឺដោយសារការមិនចុះសម្រុងគ្នាយ៉ាងខ្លាំងរវាងអតីតបងប្អូនគូសត្រូវទាំងពីរ។ មេរៀននៃការបែកបាក់បានផ្តល់ឲ្យអ្នករាជានិយមជាថ្មីទៀតគឺការបាត់បង់ទីតាំងឈរជើងទាំងស្រុងពីក្នុងរដ្ឋសភា។ ប្រសិនបើមេរៀននេះត្រូវបានដកបទពិសោធ ការបង្រួបបង្រួមទំនងជាមិនពិបាកទៀតទេ។ ប៉ុន្តែ អ្នកណាក៏ដឹងដែរថា តួអង្គសំខាន់ៗក្នុង ហ្វ៊ុនស៊ិនប៉ិច មិនបានរៀនសូត្រពីបរាជ័យរបស់ខ្លួនទាល់តែសោះ។
គេអាចយល់បានហើយថា សម្រាប់ប្រទេសកម្ពុជាបច្ចុប្បន្ន ការបង្កើតគណបក្សនយោបាយថ្មីមួយឬក៏ការបង្រួបបង្រួមគណបក្សដែលបែកបាក់ខ្ទេចខ្ទីមិនងាយដណ្តើមបានសំឡេង គាំទ្រក្នុងសភាទេ។ ម្យ៉ាងទៀត តួអង្គសម្តេចក្រុមព្រះធ្លាប់ស្គាល់បរាជ័យយ៉ាងជូរចត់បំផុតក្នុងជីវិតនយោបាយរួចទៅហើយ។ ដូច្នេះ ព្រះអង្គច្បាស់ជាពិបាករកសំឡេងគាំទ្រពីមហាជនខ្មែរជាថ្មីម្តងទៀតណាស់។ ក្តីសង្ឃឹមមានតែរំពឹងលើអ្នកដែលធ្លាប់មានសមានចិត្តជាមួយគណបក្សរាជានិយមនេះឯង។
ដូច្នេះ ការប្រមែប្រមូលអ្នកទាំងនោះឲ្យមកនៅក្រោមដំបូលគណបក្សតែមួយគឺជារឿងចាំបាច់។ ចាំបាច់ពីព្រោះ ម្យ៉ាង វាអាចពូតផ្តុំគ្នាបានសំឡេងច្រើនជាងមុន និងម្យ៉ាងទៀតវាក៏អាចទាក់ទាញអ្នកស្រឡាញ់គណបក្សរាជានិយមខ្លះទៀតឲ្យងាកមកសាកល្បងបោះឆ្នោតឲ្យសម្តេចព្រះជាថ្មីម្តងទៀតក៏ថាបានពីព្រោះការបង្រួបបង្រួមអាចផ្តល់ក្តីសង្ឃឹមថ្មីដល់ពួកគេខ្លះជាមិនខាន។
សូមកុំភ្លេចថា ប្រសិនបើសម្តេចក្រុមព្រះរកបានតែពីរកៅអីក្នុងសភាក៏ព្រះអង្គអាច មានទឹកមាត់ប្រៃយ៉ាងខ្លាំងមិនចាញ់គណបក្សធំៗដែរពីព្រោះ គណបក្សធំៗនឹងប្រជែងជើងគ្នាទាក់ទាញព្រះអង្គជាមិនខាន។ ក្នុងន័យនេះ ល្បែងបង្រួបបង្រួមគួរតែត្រូវបានចាត់ទុជាអាទិភាពជាចាំបាច់។ ការមើលរំលងចំណុចនេះមិនមែនជាភាពឈ្លាវៃខាងនយោបាយនោះឡើយ។
ប៉ុន្តែ គ្រាន់តែចាប់ផ្តើមជីវិតនយោបាយថ្មីជាមួយគណបក្សចាស់មិនបានប៉ុន្មានផង ការបែកបាក់ក៏បានកើតឡើងជាថ្មី។ នេះបង្ហាញថា ព្រះអង្គនិងលោក ញ៉ឹក ប៊ុនឆៃ មិនប្រើភាពឆ្លាតវៃដើម្បីផលប្រយោជន៍គណបក្សទេ។ ផ្ទុយទៅវិញ ពួកគេនៅតែប្រើស្នៀតចាស់ដដែលៗគឺស្នៀតចាញ់នេះឯង។ ហេតុផលដែលនាំឲ្យព្រះអង្គមិនអាចដើរតួជាអ្នកបង្រួបបង្រួមបានមានដូចជា ការចូលចិត្តប្រកាន់ភាពជាប្រធានដែលមានសិទ្ធិធ្វើអ្វីតាមចិត្ត និង គំនិតបក្សពួកនិយមនៅតែយកឈ្នះប្រជាធិបតេយ្យក្នុងបក្ស។
ក្នុងស្ថានភាពនេះ តើសម្តេចក្រុមព្រះអាចប្រមែប្រមូលអ្នកគាំទ្រ ឲ្យបោះឆ្នោតថ្វាយព្រះអង្គម្តងទៀតបានយ៉ាងដូចម្តេច? សូមកុំភ្លេចថា ពេលនេះគណបក្សរាជានិយមបាត់បង់ ទីតាំងឈរជើងទាំងស្រុងពីក្នុងរដ្ឋសភាទៅហើយពីព្រោះតែគណបក្សនេះបានធ្វើឲ្យអ្នកគាំទ្រខកចិត្តជាបន្តបន្ទាប់។ ដូច្នេះ សម្តេចក្រុមព្រះមិនអាចពឹងលើឱកាសដោយខ្វះការបង្រួបបង្រួមបានឡើយពីព្រោះនេះជាឱកាសចុងក្រោយហើយសម្រាប់ជីវិតនយោបាយរបស់ព្រះអង្គក៏ដូចជារបស់ ហ្វ៊ុនស៊ិនប៉ិច ដែរ៕
នៅពេលវិលត្រឡប់មក ហ្វ៊ុនស៊ិនប៉ិច វិញ សម្តេចក្រុមព្រះ នរោត្តម រណប្ញទ្ធិ បានប្រើពាក្យបង្រួមអ្នករាជានិយម និងសីហនុនិយម ជាបេសកកម្មចម្បងជាងគេ។ ការបង្រួបបង្រួមស្តាប់ទៅហាក់ដូចជាទំនង និងពិតជាមានន័យណាស់សម្រាប់គណបក្សដែលបែកបាក់ជាកម្ទេចតូចតាចអស់មួយនេះ។ ប៉ុន្តែ ដូចដែលគេបានមើលឃើញជាមុនអ៊ីចឹងថាសម្តេច ក្រុមព្រះពិបាកសម្រេចគោលដៅនេះណាស់។
ពិបាកម្យ៉ាងដោយសារតែគណបក្សរាជានិយមបើទោះជាបានបែកបាក់ខ្ទេចខ្ទីអស់ក៏ដោយ ក៏ភាគីដែលបែកបាក់នោះនៅតែបែកខ្ញែកជាពីរបីចំណែកបន្តទៀត។ រីឯម្យ៉ាងទៀត ពីព្រោះតែសម្តេចក្រុមព្រះមិនអាចតំណាងឲ្យតួអង្គអ្នកបង្រួបបង្រួមនោះទេ ជាពិសេសសម្តេចក្រុមព្រះនិងលោក ញ៉ឹក ប៊ុនឆៃ ត្រូវគេមើលឃើញថា ជាទឹកនិងប្រេងដែលពិបានរលាយចូលគ្នា។
គេនៅចាំបានថា កាលពីមុនការបោះឆ្នោតឃុំសង្កាត់ឆ្នាំ ២០១២ សម្តេចក្រុមព្រះនិងលោក ញ៉ឹក ប៊ុនឆៃ ធ្លាប់បានចុះហត្ថលេខាជាមួយគ្នាម្តងហើយក្រោមការសម្របសម្រួលពីលោក នាយករដ្ឋមន្ត្រី ហ៊ុន សែន។ ប៉ុន្តែ មិនទាំងបានប៉ុន្មានផង អ្នកទាំងពីរក៏ចែកផ្លូវគ្នាដើរដដែល។ នេះគឺដោយសារការមិនចុះសម្រុងគ្នាយ៉ាងខ្លាំងរវាងអតីតបងប្អូនគូសត្រូវទាំងពីរ។ មេរៀននៃការបែកបាក់បានផ្តល់ឲ្យអ្នករាជានិយមជាថ្មីទៀតគឺការបាត់បង់ទីតាំងឈរជើងទាំងស្រុងពីក្នុងរដ្ឋសភា។ ប្រសិនបើមេរៀននេះត្រូវបានដកបទពិសោធ ការបង្រួបបង្រួមទំនងជាមិនពិបាកទៀតទេ។ ប៉ុន្តែ អ្នកណាក៏ដឹងដែរថា តួអង្គសំខាន់ៗក្នុង ហ្វ៊ុនស៊ិនប៉ិច មិនបានរៀនសូត្រពីបរាជ័យរបស់ខ្លួនទាល់តែសោះ។
គេអាចយល់បានហើយថា សម្រាប់ប្រទេសកម្ពុជាបច្ចុប្បន្ន ការបង្កើតគណបក្សនយោបាយថ្មីមួយឬក៏ការបង្រួបបង្រួមគណបក្សដែលបែកបាក់ខ្ទេចខ្ទីមិនងាយដណ្តើមបានសំឡេង គាំទ្រក្នុងសភាទេ។ ម្យ៉ាងទៀត តួអង្គសម្តេចក្រុមព្រះធ្លាប់ស្គាល់បរាជ័យយ៉ាងជូរចត់បំផុតក្នុងជីវិតនយោបាយរួចទៅហើយ។ ដូច្នេះ ព្រះអង្គច្បាស់ជាពិបាករកសំឡេងគាំទ្រពីមហាជនខ្មែរជាថ្មីម្តងទៀតណាស់។ ក្តីសង្ឃឹមមានតែរំពឹងលើអ្នកដែលធ្លាប់មានសមានចិត្តជាមួយគណបក្សរាជានិយមនេះឯង។
ដូច្នេះ ការប្រមែប្រមូលអ្នកទាំងនោះឲ្យមកនៅក្រោមដំបូលគណបក្សតែមួយគឺជារឿងចាំបាច់។ ចាំបាច់ពីព្រោះ ម្យ៉ាង វាអាចពូតផ្តុំគ្នាបានសំឡេងច្រើនជាងមុន និងម្យ៉ាងទៀតវាក៏អាចទាក់ទាញអ្នកស្រឡាញ់គណបក្សរាជានិយមខ្លះទៀតឲ្យងាកមកសាកល្បងបោះឆ្នោតឲ្យសម្តេចព្រះជាថ្មីម្តងទៀតក៏ថាបានពីព្រោះការបង្រួបបង្រួមអាចផ្តល់ក្តីសង្ឃឹមថ្មីដល់ពួកគេខ្លះជាមិនខាន។
សូមកុំភ្លេចថា ប្រសិនបើសម្តេចក្រុមព្រះរកបានតែពីរកៅអីក្នុងសភាក៏ព្រះអង្គអាច មានទឹកមាត់ប្រៃយ៉ាងខ្លាំងមិនចាញ់គណបក្សធំៗដែរពីព្រោះ គណបក្សធំៗនឹងប្រជែងជើងគ្នាទាក់ទាញព្រះអង្គជាមិនខាន។ ក្នុងន័យនេះ ល្បែងបង្រួបបង្រួមគួរតែត្រូវបានចាត់ទុជាអាទិភាពជាចាំបាច់។ ការមើលរំលងចំណុចនេះមិនមែនជាភាពឈ្លាវៃខាងនយោបាយនោះឡើយ។
ប៉ុន្តែ គ្រាន់តែចាប់ផ្តើមជីវិតនយោបាយថ្មីជាមួយគណបក្សចាស់មិនបានប៉ុន្មានផង ការបែកបាក់ក៏បានកើតឡើងជាថ្មី។ នេះបង្ហាញថា ព្រះអង្គនិងលោក ញ៉ឹក ប៊ុនឆៃ មិនប្រើភាពឆ្លាតវៃដើម្បីផលប្រយោជន៍គណបក្សទេ។ ផ្ទុយទៅវិញ ពួកគេនៅតែប្រើស្នៀតចាស់ដដែលៗគឺស្នៀតចាញ់នេះឯង។ ហេតុផលដែលនាំឲ្យព្រះអង្គមិនអាចដើរតួជាអ្នកបង្រួបបង្រួមបានមានដូចជា ការចូលចិត្តប្រកាន់ភាពជាប្រធានដែលមានសិទ្ធិធ្វើអ្វីតាមចិត្ត និង គំនិតបក្សពួកនិយមនៅតែយកឈ្នះប្រជាធិបតេយ្យក្នុងបក្ស។
ក្នុងស្ថានភាពនេះ តើសម្តេចក្រុមព្រះអាចប្រមែប្រមូលអ្នកគាំទ្រ ឲ្យបោះឆ្នោតថ្វាយព្រះអង្គម្តងទៀតបានយ៉ាងដូចម្តេច? សូមកុំភ្លេចថា ពេលនេះគណបក្សរាជានិយមបាត់បង់ ទីតាំងឈរជើងទាំងស្រុងពីក្នុងរដ្ឋសភាទៅហើយពីព្រោះតែគណបក្សនេះបានធ្វើឲ្យអ្នកគាំទ្រខកចិត្តជាបន្តបន្ទាប់។ ដូច្នេះ សម្តេចក្រុមព្រះមិនអាចពឹងលើឱកាសដោយខ្វះការបង្រួបបង្រួមបានឡើយពីព្រោះនេះជាឱកាសចុងក្រោយហើយសម្រាប់ជីវិតនយោបាយរបស់ព្រះអង្គក៏ដូចជារបស់ ហ្វ៊ុនស៊ិនប៉ិច ដែរ៕
© រក្សាសិទ្ធិដោយ thmeythmey.com
