ជាតិ
សេដ្ឋកិច្ច
×![]()
ដោយ: ខន ចំប៉ា
ទឹកប្រាក់វិនិយោគលើវិស័យសំណង់នៅកម្ពុជាក្នុងឆ្នាំ២០១៤មានចំនួន២,៥០០លានដុល្លារលើគម្រោងចំនួន១៩៦០គម្រោង។ទំហំវិនិយោគនេះថយចុះជិត១០ភាគរយបើធៀបនឹងឆ្នាំ២០១៣ដែលមានទឹកប្រាក់ចំនួន២,៧៧៣លានដុល្លារវិនិយោគលើគម្រោងចំនួន១,៦៤១គម្រោង។នេះបើយោងតាមទិន្នន័យពីក្រសួងរៀបចំដែនដីនគរូបនីយកម្មនិងសំណង់។
របាយការណ៍ដដែលបានបង្ហាញថាសាធារណរដ្ឋកូរ៉េ គឺជាប្រទេសដែលឈរនៅលំដាប់ទី១ដែលមានទុនវិនិយោគក្នុងឧស្សាហកម្មសំណង់ច្រើនជាងគេ គឺចំនួន១,៨៨៧លានដុល្លារលើគម្រោងវិនិយោគចំនួន៤៣ខណៈដែលប្រទេសចិន ឈរនៅលំដាប់ទី៣ដែលមានគម្រោងសាងសង់ធំៗចំនួន៨៥មានទឹកប្រាក់ចំនួន៩៥២លានដុល្លារ។
បើតាមរបាយការណ៍ដដែល ចំណាត់ថ្នាក់លេខ៣គឺបានទៅលើប្រទេសអង់គ្លេសដែលបានបោះទុនវិនិយោគចំនួន១៣៩លានដុល្លារលើគម្រោងសាងសង់ចំនួន៩នៅកម្ពុជាប្រទេសថៃស្ថិតនៅលេខរៀងទី៤ដែលមានគម្រោងសាងសង់ចំនួន១៩ទឹកប្រាក់វិនិយោគចំនួន១២០លានដុល្លាររីឯប្រទេសជប៉ុន ស្ថិតនៅលំដាប់ទី៥ក្នុងចំណោមប្រទេសដែលបានបោះទុនវិនិយោគលើវិស័យសំណង់នៅកម្ពុជា ដែលមានគម្រោងសាងសង់ចំនួន១៩ក្នុងទឹកប្រាក់វិនិយោគចំនួន១០១លានដុល្លារ៕
© រក្សាសិទ្ធិដោយ thmeythmey.com
