×![]()
ភ្នំពេញ៖ តារាសម្តែងនិងបង្ហាញម៉ូដកញ្ញាសោភ័ណ្ឌលីនដាដែលជាទើបឈានជើងចូល វិស័យសិល្បៈរយៈពេលជាង២ឆ្នាំមកនេះគេកត់សម្គាល់ឃើញថាប្រជាប្រិយភាពនិងការគាំទ្រចំពោះនាងចាប់ផ្តើមមានសន្ទុះនិងងកើនឡើងទៅមុខគួរឲ្យកត់សម្គាល់។
អំឡុងនៃការបន្សាត់ខ្លួនចូលចាប់យកអាជីពជាអ្នកសិល្បៈក្នុងរយៈពេលជិតមួយឆ្នាំមកនេះតារាវ័យក្មេងកញ្ញាសោភ័ណ្ឌលីនដាបានបង្ហាញវត្តមានតាមរយៈការសម្តែងឈុតកាយវិកាខារ៉ាអូខេនិងការដើរបង្ហាញម៉ូដនៅតាមបណ្តាកម្មវិធីតូចធំមួយចំនួនរបស់បណ្តាស្ថានីយប៉ុស្តិ៍ទូរទស្សន៍ផងដែរ។
ជួបជាមួយគេហទំព័រ “ថ្មី”កញ្ញាសោភ័ណ្ឌលីនដាបាននិយាយប្រាប់យ៉ាងដូច្នេះថា“ចាស៎បង!ខ្ញុំបានចូលខ្លួនប្រឡូកសិល្បៈជិតមួយឆ្នាំមកហើយ។ ដំបូងឡើយខ្ញុំគ្រាន់តែជាអ្នកដើរបង្ហាញម៉ូដនោះទេតែក្រោយមកទៀតក៏មានម្ចាស់ផលិតកម្មមួយចំនួនបានទាក់ទងហៅខ្ញុំឲ្យទៅសម្តែងឈុតកាយវិកាខារ៉ាអូខេ។តារាសម្តែងដែលមានដើមកំណើតមកពីខេត្តព្រៃវែងរូបនេះបានឲ្យដឹងបន្តទៀតថាបច្ចុប្បន្ននេះការងារសិល្បៈរបស់នាងគឺមានភាពមមាញឹកគួរសមព្រោះនាងត្រូវចេញដើរបង្ហាញម៉ូដក៏ដូចជាការថតសម្តែងជាឈុតកាយវិកាខារ៉ាអូខេ។ផលិតកម្មដែលនាងបង្ហាញវត្តមានរយៈការសម្តែងឈុតខារ៉ាអូខេមានដូចជាផលិតកម្មសាន់ដេផលិតកម្មថោននិង ផលិតកម្មភ្លេងរីខដ។
ជាមួយនឹងជោគជ័យនិងសន្ទុះនៃការគាំទ្រកំពុងតែឈានឡើងបណ្តើៗទៅមុខនេះដែរស្រីស្រស់វ័យក្មេងសោភ័ណ្ឌលីនដាក៏បានដាក់ក្តីសង្ឃឹមថាអាជីពសិល្បៈរបស់នាងនិងទទួលបានភាពជោគជ័យកាន់តែខ្លាំងឡើងថែមទៀតទៅថ្ងៃមុខតាមរយៈការជួយចូលរួមគាំទ្រពីសំណាក់ទស្សនិកជន៕
© រក្សាសិទ្ធិដោយ thmeythmey.com
