ព័ត៍មានសុខភាព
×![]()
ដោយ: ថ្មីៗ
មានរឿងជាច្រើនដែលអាចប៉ះពាល់ដល់សមត្ថភាពរបស់បុរសក្នុងការឈានដល់ចំនុចកំពូលនៃការរួមភេទ។ បញ្ហាទាំងនេះ ជាញឹកញាប់ត្រូវបានភ្ជាប់ជាមួយនឹងការបញ្ចេញទឹកកាម ប៉ុន្តែកត្តាផ្សេងៗទៀតក៏រួមចំណែកផងដែរ ដែលមានដូចជា ៖
• ជំងឺលិង្គងាប់
• ការបញ្ចេញទឹកកាមបញ្ច្រាស់ទៅក្រោយ
• ការបញ្ចេញទឹកកាមលឿនពេក
• ការបញ្ចេញទឹកកាមយូរពេក
• ការមិនអាចបញ្ចេញទឹកកាមបាន។
តើមានអ្វីកើតឡើងក្នុងអំឡុងពេលដល់ចំនុចកំពូលនៃការរួមភេទ?
ទឹកកាម ត្រូវបានបង្កើតឡើងដោយមេជីវិតឈ្មោលដែលបានផលិតនៅក្នុងពងស្វាស ក៏ដូចជាសារធាតុរាវពីក្រពេញប្រូស្តាត និងក្រពេញនានានៃប្រព័ន្ធបន្តពូជបុរស។ ពេលដែលបុរសម្នាក់ឈានដល់ចំនុចកំពូល ជាធម្មតាពេលនោះគាត់នឹងបញ្ចេញទឹកកាម។
ការដល់ចំនុចកំពូលរបស់បុរស គឺគ្រាន់តែមុនពេលដែលទឹកកាមដំបូងបានចេញរហូតដល់ទឹកកាមចុងក្រោយត្រូវបានបញ្ចេញ។ ម្តងម្កាល បុរសមួយចំនួនមានបទពិសោធន៍នៃការដល់ចំនុចកំពូលដោយគ្មានការបញ្ចេញទឹកាមនោះទេ៕
ដោយ www.health.com.kh
© រក្សាសិទ្ធិដោយ thmeythmey.com
