ជាតិ
ពិព័រណ៌ថតរូបលំហ និងស្ថាបត្យកម្មបង្ហាញទំនាក់ទំនងរវាងកម្ពុជា និងបារាំង
×![]()
ដោយ: ថ្មីៗ
ភ្នំពេញ៖ ពិព័រណ៌រូបថត ការថតរូបលំហ និងស្ថាបត្យកម្ម ដែលបង្ហាញពីស្ថាបត្យកម្ម និង សំណង់រវាងកម្ពុជាត្រូវបានបើកជាផ្លូវការ នារសៀលថ្ងៃទី ១២ខែ មីនា នៅវិទ្យាស្ថានបារាំង។ ពិព័រណ៌រូបថតដែលបង្ហាញពីស្ថាបត្យកម្មរវាងកម្ពុជា និងបារាំង នឹងដាក់ឲ្យទស្សនាដោយសេរី រហូតដល់ថ្ងៃទី៣០ ខែមីនា ឆ្នាំ២០១៥ ។
នៅថ្ងៃទី១២ ម្សិញមិលនេះ កម្មសិក្សាការីថតរូបជាង ១០នាក់មកពីស្ទូឌីយោថតរូប Studio Images របស់វិទ្យាស្ថានបារាំង (Institut Français de Cambodge) បានបង្ហាញស្នាដៃរូបថត របស់ខ្លួន ស្តីពីស្ថាបត្យកម្មសំណង់ក្នុងព្រលានយន្តហោះអន្តរជាតិភ្នំពេញ និងខេត្តសៀមរាប។ ការថតរូបដែលដឹកនាំដោយដោយ លោក អាលបង់ លេគុយេរ (Alban Lécuyer) អ្នកថតរូប បារាំង និងលោក សុវណ្ណ ភីឡុង អ្នកថតរូបខ្មែរនេះ ក្នុងគោលបំណងសិក្សាពីការសាងសង់ ក្នុងការដ្ឋាននៃចំណតយន្តហោះអន្តរជាតិរវាងកម្ពុជា និងបារាំង។
ពិព័រណ៌រូបថតនេះ ក៏ដូចជានិវាសដ្ឋានរបស់ លោក អាលបង់ លេគុយយេរ ត្រូវបានបង្កើត ឡើងដដោយទទួលបាននការគាំទ្រពីព្រលានយន្តហោះកម្ពុជា ដែលជាដៃគូរបស់វិទ្យាស្ថាន បារាំងក្នុងក្របខណ្ឌនៃគម្រោងអភិវឌ្ឍន៍សិល្បៈរូបថតនៅកម្ពុជា។
លោក អាលបង់ លេគុយេរ (Alban Lécuyer) អ្នកថតរូបបារាំង បាននិយាយថា ពិព័រណ៌រូបថត នេះ បង្ហាញពីគំនិត និងបច្ចេកទេសនៃស្នាដៃថតរូបរបស់កម្មសិក្សាការីថតរូបកម្ពុជា។ លោក បានចាត់ទុកពិព័រណ៌រូបថតដែលបានបង្កប់អត្ថន័យនៃទំនាក់ទំនងស្ថាបត្យកម្មបារាំង និង កម្ពុជានេះ យ៉ាងដូច្នេះថា៖«បង្ហាញពីការផ្លាស់ប្តូរយ៉ាងលឿន»។
អ្នកដឹកនាំ និងកម្មសិក្សាការីថតរូប ក្នុងពិព័រណ៌នេះ រួមមាន លោក អាលបង់ លេគុយយេរ លោក សុវណ្ណ ភីឡុង កញ្ញា ប៉ាន់ សុភា លោក អឿន រស់នៅអមរើន ជាដើម។
ការតាំងពិព័រណ៌រូបថតរវាងបារាំង និងកម្ពុជានេះ ត្រូវចាប់ផ្តើមឡើងតាំងពីឆ្នាំ ២០០៨មកម្លេះ។ ពិព័រណ៌នេះ មានគោលបំណងរក្សាទំនាក់ទំនងមិត្តភាពរវាងប្រទេសទាំងពីរ កម្ពុជា និងបារាំង៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
