×![]()
ភ្នំពេញ៖តារាចម្រៀងប្រចាំផលិតកម្មថោន ដែលមានស្ទីលសម្លេងស្អក គឺលោក ខេម ត្រូវបានគេកត់សម្គាល់ឃើញថា កំពុងទទួលបានការគាំទ្រយ៉ាងខ្លាំង ពិសេសគឺយុវវ័យដែលទីណាកន្លែងណាក៏ឮតែបទចម្រៀងរបស់ ខេម ចាក់តាមទូរស័ព្ទដែរ ពិសេសបទ “ទឹកភ្នែកជនពាល។ មិនតែប៉ុណ្ណោះបទ “ទឹកភ្នែកជនពាល” នេះក៏មានដាក់បញ្ចូលក្នុងខ្សែភាពយន្តថៃ ដែលបានចាក់ផ្សាយលើកញ្ចក់ទូរទស្សន៍ផងដែរ។
ការស្រូបទាញយកបាននូវប្រជាប្រិភាព និងការគាំទ្រដ៏ច្រើនពីសំណាក់ស្រទាប់មហាជន នាពេលបច្ចុប្បន្ននេះ មិនថាយុវវ័យ ឬមនុស្សវ័យកណ្ដាលឡើយ តែងតែនិយមបទចម្រៀងរបស់លោក ខេម គួរឲ្យកត់សម្គាល់ ខណៈការគាំទ្ររបស់ តារាចម្រៀង ខេមរៈ សិរីមន្ត និងលោក ឆាយ វីរៈយុទ្ធ និង ព្រាប សុវត្ថិ ហាក់ថមថយការគាំទ្រ។
ភាពជោគជ័យ ក្នុងអាជីពជាអ្នកចម្រៀង របស់លោក ខេម ត្រូវបានមហាជន គ្រប់មជ្ឈដ្ឋាន មើលឃើញថា តារាចម្រៀងសម្លេងស្អក ប្រចាំផលិតកម្មថោន លោក ខេម កំពុងតែក្តោបបានឱកាសជោគជ័យ យ៉ាងខ្លាំង ក្នុងការឆក់យកទីផ្សារសិល្បៈ ដែលអាចរកចំណូលបានខ្ពស់ពីការឡើង ច្រៀងក្នុងកម្ម វិធីប្រគំតន្ត្រីតាមស្ថានីយទូរទស្សន៍ និង ការចេញចម្រៀង តាមបណ្តាខេត្តជិតឆ្ងាយមួយចំនួន។អ្នកតាមដានសង្គមសិល្បៈមួយចំនួនបានមើលឃើញថា កាលពីអំឡុងឆ្នាំ២០១៤ កំពូលតារាចម្រៀងស្អករូបនេះ ហាក់មានប្រជាប្រិយភាពនៅប្រដមប្រសងនឹងកំពូលតារាចម្រៀង៣រូបទៀតនៅឡើយ មានដូចជា ខេមរៈ សិរីមន្ត ឆាយ វីរៈយុទ្ធ និង ព្រាប សុវត្ថ។ ប៉ុន្តែរហូតមកដល់ដើមឆ្នាំ២០១៥ តារាចម្រៀងដែលកំពុងតែស្ថិតនៅក្នុងបេះដូងយុវវ័យលោក ខេម មិនត្រឹមតែទទួលបាននូវភាពជោគជ័យ ពីការចម្រៀងប៉ុណ្ណោះទេ ថែមទាំងបានបង្កើននូវភាពល្បីល្បាញបានកាន់តែងខ្លាំងឡើងផងដែរ។ ភាពលេចធ្លោពីមួយឆ្នាំទៅមួយឆ្នាំយ៉ាងលឿនមិននឹកស្មានដល់នេះ បានធ្វើឱ្យតារាចម្រៀងប្រចាំផលិតកម្មថោន រូបនេះ កាន់តែកាក់កបជាមួយអាជីពជាសិល្បៈ ហើយនេះក៏ជាឱកាសមួយដ៏ល្អសម្រាប់ការរកលុយបានច្រើនដែរ។
តារាចម្រៀងស្រគត់ស្រគំរូបនេះ ហាក់ទទួលបានការគាំទ្រយ៉ាងឆាប់រហ័សពីសំណាក់យុវវ័យ ដែលធ្វើឲ្យផលិតកម្មថោន កាន់តែលេចធ្លោនៅក្នុងទីផ្សារប្រកួតប្រជែង ខណៈដែលក្នុងឱកាសចូលឆ្នាំថ្មីខាងមុខនេះ ខេម ក៏មានបទថ្មីៗជាច្រើនដើម្បីបម្រើអារម្មណ៍អ្នកស្តាប់ និងសម្រាប់រាំកម្សាន្តលេងនារដូវបុណ្យចូលឆ្នាំនេះប្រពៃណីខ្មែរផងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
