ក្រឡានខេត្តក្រចេះប្រើឫស្សីខ្មែរ តែនាំអង្ករដំណើបមួយផ្នែកពីប្រទេសឡាវ

ជាតិ

បទយកការណ៍ / បទសម្ភាសន៍

ក្រឡានខេត្តក្រចេះប្រើឫស្សីខ្មែរ តែនាំអង្ករដំណើបមួយផ្នែកពីប្រទេសឡាវ

28, Mar 2015 , 7:45 pm

រូបភាព

ដោយ: គី សុខលីម (Ky Soklim)

ខេត្តក្រចេះ៖ លោក ឡេង ចន្ថា អាយុ៥៥ឆ្នាំ ជាអ្នកលក់ក្រឡានម្នាក់នៅក្រុងក្រចេះដាក់ម៉ាក ផល្លា បានមានប្រសាសន៍ថា គ្រួរសាររបស់លោកបានលក់នំក្រឡានអស់រយៈពេលប្រមាណជា១៥ឆ្នាំមកហើយ ហើយអាចទទួលបានប្រាក់ចំណេញរហូតដល់ទៅដល់ជិត១ពាន់ដុល្លារក្នុង១ខែ។

លើលពីនេះទៅទៀត លោក ឡេង ចន្ថា ដែលត្រូវជាស្វាមីអ្នកស្រី ផល្លា អ្នកលក់ក្រឡានធំជាងគេបង្អស់នៅក្នុងខេត្តក្រចេះ បានពន្យល់ពីការធ្វើនំក្រឡានអោយមានរសជាតិឆ្ងាញ់របស់អ្នកខេត្តក្រចេះយ៉ាងដូច្នេះថា៖«ពេលធ្វើនំក្រឡាន ត្រូវមានសណ្តែក ប្រើអង្ករដំណើបសុទ្ធ និងប្រើខ្ទិះដូងសុទ្ធ មិនត្រូវលាយកាកដូងទេ។ បន្ទាប់មកយកវាទៅដុត មិនមែនយកទៅស្ងោរ ឬចំហុយនោះទេ»។ប៉ុន្តែ អ្នកលក់ក្រឡាននៅខេត្តក្រចេះទាំងអស់ បានទិញអង្ករដំណើបពីប្រទេសឡាវ ព្រោះវាសុទ្ធល្អជាងអង្ករដំណើបរបស់ខ្មែរ និងប្រើបំពង់ឬស្សីរបស់ខ្មែរ។ យីហោម៉ាក ផល្លា លក់ក្រឡានជាមធ្យមអស់៦៥០គីឡូក្រាមក្នុង១ថ្ងៃ។ ក្រឡាន១គីឡូក្រាមថ្លៃ៦ពាន់រៀល។ ក្រឡានខេត្តក្រចេះ គឺជាក្រឡានដែលឆ្ងាញ់ជាងគេនៅក្នុងប្រទេសកម្ពុជា។

ដើម្បីជ្រាបព័ត៌មានលម្អិត សូមអញ្ជើញស្តាប់បទសម្ភាសន៍រវាងលោក គី សុខលីម អគ្គនាយកសារព័ត៌មានអេឡិចត្រូនិកថ្មីៗ ជាមួយនឹងលោក ឡេង ចន្ថា អ្នកលក់ក្រឡាននៅក្រុងក្រចេះ៕