ព័ត៍មានសុខភាព
សុខភាព៖ របៀបតាមដានការឈានដល់ចំណុចកំពូលពេលរួមភេទ
× ការឈានដល់ចំណុចកំពូលនៃការរួមភេទច្រើនតែបណ្តាលមកពីការភ្ញោចទៅលើប្រដាប់ភេទ។ ការឈានដល់ចំណុចកំពូលត្រូវបានគ្រប់គ្រងដោយប្រព័ន្ធសរសៃប្រសាទបញ្ជាអឆន្ទៈ (ប្រព័ន្ធសរសៃប្រសាទដែលបញ្ជាដោយខ្លួនឯង) មានន័យថា ជាសញ្ញា និងសកម្មភាពរាងកាយដែលកើតឡើងក្នុងពេលឈានដល់ចំណុចមិនស្ថិតក្រោមការគ្រប់គ្រងដោយឆន្ទៈ។ ការឈានដល់ចំណុចកំពូលទាំងបុរស និងស្ត្រីគឺជាអារម្មណ៍នៃការសប្បាយរីករាយមួយព្រមទាំងជាសញ្ញាផ្សេងៗទៀតផងដែរ ដូចជាការកន្ត្រាក់សាច់ដុំជាដើម។ ខាងក្រោមនេះគឺជាដំណាក់កាលទាំងបួនដែលរៀបរាប់ពីអារម្មណ៍នៃការឈានដល់ចំណុចកំពូលនៃការរួមភេទរបស់មនុស្សទាំងពីរភេទ។
ជំហានទី១
ចូរយល់ដឹងអំពីការប្រែប្រួលជាច្រើនដែលកើតឡើងភ្លាមៗមុនពេលឈានដល់ឈានដល់ចំណុចកំពូល។ មុនពេលឈានដល់ចំណុចកំពូល បុរសនឹងមានអារម្មណ៍ថាឈឺឆៀបៗនៅបំពង់បង្ហួរនោមដែលវាច្រើនតែបញ្ជាក់ពីអារម្មណ៍ស្រដៀងគ្នានឹងការចង់នោមអញ្ចឹង។ ចំពោះស្ត្រី បបេរទ្វារមាសខាងក្រៅរបស់ពួកគេនឹងកាន់តែខ្មៅ បន្ទាប់មកផ្នែកមួយភាគបីខាងក្រៅរបស់ទ្វារមាសនឹងរួមតូចព្រោះតែទ្វារមាសទាំងមូលរីកទំហំ ហើយនោះក៏ជាដំណើរការនៃការឈានដល់ចំណុចកំពូលផងដែរ។
ជំហានទី២
ចូរដឹងអំពីការកន្ត្រាក់សាច់ដុំ។ ខណៈពេលដែលអ្នកគឺជាមនុស្សបុរស ឬមនុស្សស្រី ការឈានដល់ចំណុចកំពូលនៃការរួមភេទមានការចូលរួមពីការកន្ត្រាក់សាច់ដុំជាច្រើន។ សម្រាប់បុរស ការកន្ត្រាក់សាច់ដុំកើតឡើងលើសាច់ដុំខ្ជឹប, ជាពិសេសប្រូស្តាត និងសាច់ដុំក្នុងលិង្គតែម្តង។ ខណៈពេលដែលអ្នកមិនអាចមានអារម្មណ៍ដឹងពីសាច់ដុំទាំងនេះធ្វើចលនា វានឹងធ្វើអោយអ្នកមើលឃើញលទ្ធផលរបស់វាបានតាមរយៈការបាញ់ទឹកកាមចេញ។ ការបាញ់ទឹកកាមកើតឡើងពីការបញ្ចេញទឹកកាមចេញពីចុងលិង្គ ហើយវាក៏ជាសញ្ញាបញ្ជាក់យ៉ាងងាយថាបុរសនោះឈានដល់ចំណុចកំពូលនៃការរួមភេទហើយ។ ចំពោះស្ត្រីវិញ ពួកគេនឹងមានការកន្ត្រាក់សាច់ដុំរន្ធគូថ, ស្បូន, ទ្វារមាស និងសាច់ដុំអាងត្រគៀក។
ជំហានទី៣
ចូររកមើលរលកនៃការសប្បាយ។ ការឈានដល់ចំណុចកំពូលមានទំនាក់ទំនងជាមួយនឹងការឡើងស្រឺតភ្លាមៗនៃអារម្មណ៍សប្បាយរីករាយ ដោយអារម្មណ៍ធម្មជាតិមួយនេះមានលក្ខណៈខុសៗគ្នាពីមនុស្សម្នាក់ទៅមនុស្សម្នាក់ទៀត។ វាកើតឡើងលើមនុស្សទាំងពីរភេទតែក្រោយពេលឈានដល់ចំណុចកំពូលប៉ុណ្ណោះ។
ជំហានទី៤
ចូរតាមដានចង្វាក់បេះដូង និងសម្ពាធឈាម។ ក្នុងពេលឈានដល់ចំណុចកំពូល ចង្វាក់បេះដូង និងសម្ពាធឈាមនឹងកើនឡើង។ ដូច្នេះបើសិនជាអ្នកមានរលកនៃការសប្បាយខ្លាំងក្លាផ្សំគ្នានឹងការកន្ត្រាក់សាច់ដុំ និងចង្វាក់បេះដូងលោតញាប់ទៀតនោះ អ្នកពិតជាឈានដល់ចំណុចកំពូលហើយ៕
ផ្តល់សិទ្ធិដោយគ្រូពេទ្យwww.health.com.kh
© រក្សាសិទ្ធិដោយ thmeythmey.com