កីឡាជាតិ
AFC U23៖ យុវជនកូរ៉េខាងជើងកំពុងនាំមុខកម្ពុជា ២-០ នៅតង់ទីមួយ
× ក្រុមកូរ៉េខាងជើងនាំមុខកម្ពុជា ២-០ ក្នុងការប្រកួតពូល G នៃវគ្គជម្រុះ AFC U-23 Championship នៅកីឡដ្ឋាន Rajamangala ក្នុងទីក្រុងបាងកក ប្រទេសថៃ។
កូរ៉េខាងជើងដែលឈ្នះហ្វីលីពីន ៤-០ កាលពីថ្ងៃសុក្រកន្លងមក បានបើកការវាយសម្រុកលើកម្ពុជាតាំងពីវិនាទីតំបូង។ នៅនាទី ទី១៥ ខ្សែប្រយុទ្ធ Ho Myong Chol បានស៊ុតគ្រាប់បាល់បញ្ចូលទីគ្រាប់ទីមួយ ហើយកីឡាកររូបនេះ ត្រូវបានដាក់ជំនួសដោយ Jo Kwang នៅនាទី ទី៣៥ ។
នៅនាទី ទី៣៨ ខ្សែប្រយុទ្ធ Kim Ju Song បានបន្ថែមគ្រាប់ទីពីរសម្រាប់ក្រុមដែលដឹកនាំដោយលោក Ra Pong Gi។ ឱកាសតែមួយគត់របស់កម្ពុជា គឺកើតឡើងនៅក្នុងនាទី ទី២២ ប៉ុន្តែប្រធានក្រុមប្រាក់ មុន្នី ឧត្តម បានស៊ុតបាល់ខុសគោលដៅ។ អ្នកចាំទី អ៊ុំ សិរីរ័ត្ន និងខ្សែការពារកម្ពុជា មានការមមាញឹកយ៉ាងខ្លាំងនៅរយៈពេល៤៥នាទីដំបូងនេះ។
ជម្រើសរបស់លោក Lee Tae Hoon មាន៖
ក្រុមកីឡាករកម្ពុជា៖
អ្នកចាំទី៖ អ៊ុំ សេរីរ័ត្ន
ខ្សែការពារ៖ សឿយ វិសាល, សំអឿន ពិដោ, នេន សុធារ័ត្ន, ណុប តុលា និង រស់ សំអឿន
ខ្សែបម្រើ៖ សារី ម៉ាត់ណូរ៉ូទីន, ហួយ ផល្លីន, ង៉យ ស្រ៊ីន, ផានី អ៊ីរដ្ឋា
ខ្សែប្រយុទ្ធ៖ ប្រាក់ មុន្នីឧត្តម
© រក្សាសិទ្ធិដោយ thmeythmey.com