ជាតិ
×![]()
ដោយ: ខន ចំប៉ា
អង្គការសម្ព័ន្ធខ្មែរជំរឿន និងការពារសិទ្ធិមនុស្ស ហៅកាត់ថាលីកាដូ បានទាមទារឲ្យរាជរដ្ឋាភិបាលបង្ហាញជាសាធារណៈ នូវរបាយការណ៍ទាក់ទិននឹងទិន្នន័យដីសម្បទានសេដ្ឋកិច្ចទាំងអស់ដែលរដ្ឋាភិបាលបានផ្តល់ទៅឲ្យក្រុមហ៊ុនឯកជន ។ 
សេចក្តីថ្លែងការណ៍របស់លីកាដូចេញផ្សាយនៅថ្ងៃទី៣០មីនានេះ បានឲ្យដឹងថា អង្គការលីកាដូ នឹងចេញផ្សាយជាសាធារណៈ នូវទិន្នន័យអំពីដីសម្បទានរបស់ខ្លួន។ ទិន្នន័យដែលចេញផ្សាយនេះ ត្រូវបានចងក្រងរយៈពេល៥ឆ្នាំ នៃការស៊ើបអង្កេតរបស់អង្គការលីកាដូ លើវិស័យនេះ។ យ៉ាងណាក៏ដោយ លីកាដូ បានបញ្ជាក់ថា ព័ត៌មានដែលខ្លួនបានចងក្រងក្នុងរយៈពេល៥ឆ្នាំនេះនៅមិនទាន់ពេញលេញ និងមិនទាន់ច្បាស់លាស់ ដោយសារតែខ្វះតម្លាភាពរបស់រាជរដ្ឋាភិបាល។
លោកស្រី ណាលី ពីឡូក នាយិកាអង្គការលីកាដូ បានមានប្រសាសន៍ថា៖ដីសម្បទានទំហំធំៗ ធ្លាប់មានប្រវត្តិប៉ះពាល់ដល់ជីវភាពរស់នៅរបស់ប្រជាពលរដ្ឋ ធនធានធម្មជាតិ ព្រមទាំងមានផលអវិជ្ជមានដល់ការអនុវត្តគម្រោងនានាផងដែរ»។ លោកស្រី បន្តថា៖«ប្រសិនបើរាជរដ្ឋាភិបាលតាំងចិត្តធ្វើឲ្យប្រសើរឡើង ក្នុងគោលនយោបាយទៅលើវិស័យដីធ្លីនោះ រដ្ឋាភិបាលត្រូវតែប្តេជ្ញាក្នុងការអនុវត្តការងារប្រកបដោយតម្លាភាព ក្នុងការផ្តល់ដីសម្បទានរបស់រដ្ឋ» ។
សេចក្តីថ្លែងការណ៍របស់អង្គការលីកាដូ បានលើកឡើងថា នៅខែឧសភា ឆ្នាំ២០១២ លោកនាយករដ្ឋមន្ត្រីបានចុះហត្ថលេខាលើបទបញ្ជាមួយស្តីពីការផ្អាកផ្តល់ដីសម្បទានសេដ្ឋកិច្ចថ្មីៗជាបន្តទៀត និងការប្រកាសឲ្យមានការពិនិត្យឡើងវិញនូវដីសម្បទានសេដ្ឋកិច្ចពីមុនៗ ។
អង្គការលីកាដូបានបន្តទៀតថា រហូតមកដល់ពេលនេះ រដ្ឋាភិបាលមិនបង្ហាញទិន្នន័យឲ្យអស់ ពីដីសម្បទានសេដ្ឋកិច្ចដែលបានផ្តល់ទៅឲ្យក្រុមហ៊ុនឯកជននោះទេ ។ ក្រសួងកសិកម្ម រុក្ខាប្រមាញ់ និងនេសាទ បានចេញផ្សាយតែបញ្ជីឈ្មោះក្រុមហ៊ុនមួយដែលមិនមានលក្ខណៈពេញលេញ ចំណែកឯក្រសួងបរិស្ថាន គ្រាន់តែបង្ហាញចំនួនក្រុមហ៊ុនសរុប និងចំនួនដីសម្បទានដែលបានផ្តល់ប៉ុណ្ណោះ ពោលគឺក្រសួងទាំងពីរ មិនបានបង្ហាញទីតាំងជាក់លាក់នៃទំហំដី២.១លានហិចតា ដែលជាដីសម្បទានសេដ្ឋកិច្ចនោះទេ។
អង្គការលីកាដូ សូមទទូចដល់រាជរដ្ឋាភិបាល និងដៃគូអភិវឌ្ឍន៍នានាមេត្តាអនុវត្តន៍ការវាយតម្លៃជាសាធារណៈនៃការទទួលបានដីសម្បទានធំៗទាំងអស់ តាមរយៈការប្រកាសឲ្យបានពេញលេញពីគ្រប់ក្រសួងពាក់ព័ន្ធ នូវប្រាក់ចំណូលចូលរដ្ឋ ដែលបានមកពីការផ្តល់ដីសម្បទានទាំងនោះ៕
សេចក្តីថ្លែងការណ៍របស់លីកាដូចេញផ្សាយនៅថ្ងៃទី៣០មីនានេះ បានឲ្យដឹងថា អង្គការលីកាដូ នឹងចេញផ្សាយជាសាធារណៈ នូវទិន្នន័យអំពីដីសម្បទានរបស់ខ្លួន។ ទិន្នន័យដែលចេញផ្សាយនេះ ត្រូវបានចងក្រងរយៈពេល៥ឆ្នាំ នៃការស៊ើបអង្កេតរបស់អង្គការលីកាដូ លើវិស័យនេះ។ យ៉ាងណាក៏ដោយ លីកាដូ បានបញ្ជាក់ថា ព័ត៌មានដែលខ្លួនបានចងក្រងក្នុងរយៈពេល៥ឆ្នាំនេះនៅមិនទាន់ពេញលេញ និងមិនទាន់ច្បាស់លាស់ ដោយសារតែខ្វះតម្លាភាពរបស់រាជរដ្ឋាភិបាល។
លោកស្រី ណាលី ពីឡូក នាយិកាអង្គការលីកាដូ បានមានប្រសាសន៍ថា៖ដីសម្បទានទំហំធំៗ ធ្លាប់មានប្រវត្តិប៉ះពាល់ដល់ជីវភាពរស់នៅរបស់ប្រជាពលរដ្ឋ ធនធានធម្មជាតិ ព្រមទាំងមានផលអវិជ្ជមានដល់ការអនុវត្តគម្រោងនានាផងដែរ»។ លោកស្រី បន្តថា៖«ប្រសិនបើរាជរដ្ឋាភិបាលតាំងចិត្តធ្វើឲ្យប្រសើរឡើង ក្នុងគោលនយោបាយទៅលើវិស័យដីធ្លីនោះ រដ្ឋាភិបាលត្រូវតែប្តេជ្ញាក្នុងការអនុវត្តការងារប្រកបដោយតម្លាភាព ក្នុងការផ្តល់ដីសម្បទានរបស់រដ្ឋ» ។
សេចក្តីថ្លែងការណ៍របស់អង្គការលីកាដូ បានលើកឡើងថា នៅខែឧសភា ឆ្នាំ២០១២ លោកនាយករដ្ឋមន្ត្រីបានចុះហត្ថលេខាលើបទបញ្ជាមួយស្តីពីការផ្អាកផ្តល់ដីសម្បទានសេដ្ឋកិច្ចថ្មីៗជាបន្តទៀត និងការប្រកាសឲ្យមានការពិនិត្យឡើងវិញនូវដីសម្បទានសេដ្ឋកិច្ចពីមុនៗ ។
អង្គការលីកាដូបានបន្តទៀតថា រហូតមកដល់ពេលនេះ រដ្ឋាភិបាលមិនបង្ហាញទិន្នន័យឲ្យអស់ ពីដីសម្បទានសេដ្ឋកិច្ចដែលបានផ្តល់ទៅឲ្យក្រុមហ៊ុនឯកជននោះទេ ។ ក្រសួងកសិកម្ម រុក្ខាប្រមាញ់ និងនេសាទ បានចេញផ្សាយតែបញ្ជីឈ្មោះក្រុមហ៊ុនមួយដែលមិនមានលក្ខណៈពេញលេញ ចំណែកឯក្រសួងបរិស្ថាន គ្រាន់តែបង្ហាញចំនួនក្រុមហ៊ុនសរុប និងចំនួនដីសម្បទានដែលបានផ្តល់ប៉ុណ្ណោះ ពោលគឺក្រសួងទាំងពីរ មិនបានបង្ហាញទីតាំងជាក់លាក់នៃទំហំដី២.១លានហិចតា ដែលជាដីសម្បទានសេដ្ឋកិច្ចនោះទេ។
អង្គការលីកាដូ សូមទទូចដល់រាជរដ្ឋាភិបាល និងដៃគូអភិវឌ្ឍន៍នានាមេត្តាអនុវត្តន៍ការវាយតម្លៃជាសាធារណៈនៃការទទួលបានដីសម្បទានធំៗទាំងអស់ តាមរយៈការប្រកាសឲ្យបានពេញលេញពីគ្រប់ក្រសួងពាក់ព័ន្ធ នូវប្រាក់ចំណូលចូលរដ្ឋ ដែលបានមកពីការផ្តល់ដីសម្បទានទាំងនោះ៕
© រក្សាសិទ្ធិដោយ thmeythmey.com
