ជាតិ
CCHR៖ រដ្ឋាភិបាលគួរធ្វើជាគំរូ ក្នុងការលើកកម្ពស់និងការពារសិទ្ធិអ្នកប្តូរភេទ
×![]()
ដោយ: ខន ចំប៉ា
មជ្ឈមណ្ឌលសិទ្ធិមនុស្សកម្ពុជា CCHR នៅថ្ងៃទី៣១ខែមីនានេះបានចេញសេចក្តីថ្លែងការណ៍មួយដោយបានទទូចឲ្យរាជរដ្ឋាភិបាលបោះជំហានទៅមុខជាវិជ្ជមាន ក្នុងការលើកកម្ពស់និងការពារសិទ្ធិរបស់អ្នកប្តូរភេទនៅកម្ពុជា។
នៅថ្ងៃទី៣១មីនានេះគឺជាខួបលើកទី៦នៃអ្នកប្តូរភេទអន្តរជាតិដោយបើកចំហរ។ទិវានេះត្រូវបានគេប្រារព្ធឡើងដើម្បីអបអរដល់សហគមន៍អ្នកប្តូរភេទនៅជុំវិញពិភពលោកនិងដើម្បីចងចាំ ព្រមទាំងឧទ្ទិសមនុស្សដែលត្រូវបានសម្លាប់ដោយសារការរើសអើងនិងការបង្ហាញអត្តសញ្ញាណយេនឌ័រ។
សេចក្តីថ្លែងការណ៍របស់CCHRដែលចេញផ្សាយនៅថ្ងៃនេះបានលើកឡើងថានៅកម្ពុជាបញ្ហារបស់អ្នកប្តូរភេទមិនទាន់បានស្រាវជ្រាវឲ្យបានទូលំទូលាយនៅឡើយហើយក៏មិនមានទិន្នន័យច្បាស់លាស់ទាក់ទងនឹងការរើសអើងប្រឆាំងនឹងអ្នកប្តូរភេទនោះដែរ។
ជាមួយគ្នានោះតាមរយៈគម្រោងនិន្នាការភេទនិងអត្តសញ្ញាណយេនឌ័រ(គម្រោងសូជី)របស់CCHRដែលបានធ្វើការជាមួយបណ្តាញនៃក្រុមអ្នកប្តូរភេទនៅទូទាំងប្រទេស បានរកឃើញថាអ្នកប្តូរភេទត្រូវបានសាធារណជន រើសអើង ទាំងនៅកន្លែងធ្វើការ និងនៅសាលារៀន។
លោកនួនស៊ីដារ៉ាអ្នកសម្របសម្រួលគម្រោងនិន្នាការភេទនិងអត្តសញ្ញាណយេនឌ័របានលើកឡើងថា៖« អ្នកប្តូរភេទនៅកម្ពុជាទាំងសហគមន៍ស្រីស្រឡាញ់ស្រីប្រុសស្រឡាញ់ប្រុសនិងអ្នកស្រឡាញ់បានទាំង២ភេទតែងជួបបញ្ហាប្រឈមនឹងការមិនអត់ឱននិងការរើសអើងពីក្រុមគ្រួសារនិងពីសង្គមយ៉ាងខ្លាំង» ។លោកបន្ថែមថា៖«យើងចង់ផ្លាស់ប្តូរឥរិយាបថមួយដែលជួយឲ្យអ្នកប្តូរភេទមានអារម្មណ៍ថាខ្លួនឯង ត្រូវបានគេទទួលស្គាល់មិនសុវត្ថិភាព នៅក្នុងសហគមន៍ដែលខ្លួនរស់នៅ។រដ្ឋាភិបាលគួរធ្វើជាគំរូក្នុងការលើកកម្ពស់និងការពារសិទ្ធិរបស់បុរស ស្ត្រី ដែលបានប្តូរភេទ ដើម្បីឲ្យពួកគាត់រស់នៅ ដោយគ្មានការរើសអើង» ។
ការសិក្សាលំអិតពីការរើសអើងប្រឆាំងនឹងក្រុមមនុស្សដែលប្តូរភេទ ក៏ត្រូវបានធ្វើផងដែរនៅកន្លែងផ្សេងទៀតនៅលើពិភពលោកហើយលទ្ធផលនៃការសិក្សានោះគឺពិតជាគួរឲ្យព្រួយបារម្ភ។នៅចន្លោះឆ្នាំ២០០៨-២០១៤គម្រោងឃ្លាំមើលឃាតកម្មទៅលើអ្នកប្តូរភេទអឺរ៉ុប បានរកឃើញថាមានឃាតកម្មចំនួន១,៥០៩ករណី បានកើតឡើងលើអ្នកប្តូរភេទនៅទូទាំងពិភពលោក។នៅចក្រភពអង់គ្លេស ការសិក្សាមួយនៅឆ្នាំ២០១៤បានរកឃើញថា៤៨ភាគរយ នៃអ្នកប្តូរភេទក្រោមអាយុវ២៦ឆ្នាំបានព្យាយាមធ្វើអត្តឃាត៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
