ពីនេះ ពីនោះ
×![]()
ដោយ: ថ្មីៗ
មនុស្សភាគច្រើន ច្រើនតែប្រើពាក្យពីរនេះដោយមិនដឹងថា ពាក្យមួយណាប្រើក្នុងន័យណាមួយឡើយ។ បើនៅក្នុងវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យទាំងពីរនេះប្រើក្នុងន័យផ្សេងគ្នា។
ទី១ ពាក្យ «រង» ជាកិរិយាសព្ទ មានន័យថា ទ្រពីក្រោម, ទទួលបន្ទុក, ទស់ទប់ការពារ, ទទួលទុក្ខវេទនា។ ឧទាហរណ៍៖ យករនេសដាក់រងឈើហុប, រងក្តីជួសគេ, យកដំបងរងមុខដាវ, រងទុក្ខ, រងគ្រោះថ្នាក់។ ប្រសិនជា«នាម»វិញ មានន័យថា ពំនូកដីដែលពូនជាភ្លឺដាំដំឡូងជាដើម មានជ្រលងទាបត្រង់ចន្លោះ។ ឧទាហរណ៍៖ រងដំឡូង, រងត្រាវ, លើករងខ្ញី, ពូនរងដំឡូង។
ទី២ ពាក្យ «រង់» ជាកិរិយាសព្ទ មានន័យថា បង្អង់ចាំ, ឈប់បង្អង់។ ឧទាហរណ៍៖ រង់មួយស្របក់សិន, រង់ចាំបន្តិចសិន។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
