ជាតិ
លោក ហ្សង់ ហ្វ្រង់ស័រកូតាន់ លេងបាល់ទះ និងភ្លក់ស្រាពាងជនជាតិដើមភាគតិច
×![]()
ដោយ: ធឿន បញ្ញាឬទិ្ធ
មណ្ឌលគីរី៖ ឯកអគ្គរដ្ឋទូតសហភាពអឺរ៉ុប លោក ហ្សង់ ហ្វ្រង់ស្វ័រ កូតាន់ (Jean-François Cautain) លេងបាល់ទះជាមួយប្រជាជនជាតិដើមភាគតិច នៅភូមិស្រែធំ។ ទន្ទឹមនឹងនេះលោក ក៏បានសរសើររស់ជាតិស្រាពាងរបស់ជនជាតិដើមភាគតិចថា «ខ្លាំង»ផងដែរ។ សហភាពអឺរ៉ុបចុះជួបប្រជាជនជាតិដើមភាគតិចនៅខេត្តមណ្ឌលគីរី រយៈពេល៤ថ្ងៃ ដើម្បីចង់ដឹងពីបញ្ហាប្រឈមរបស់ពួកគេ។
ក្រោយពីបានជួបជាមួយប្រជាជនជាតិដើមភាគតិច នៅភូមិស្រែធំអស់រយៈពេល២ម៉ោង ដើម្បីសួរនាំពីបញ្ហាប្រឈមក្នុងការរស់នៅរបស់ពួកគេរួចមក ឯកអគ្គរដ្ឋទូតសហភាពអឺរ៉ុប លោក ហ្សង់ ហ្វ្រង់ស្វ័រ កូតាន់ បានចូលរួមលេងបាល់ទះជាមួយប្រជាជនភាគតិចទាំងនោះទាំងមេឃក្ដៅហែង ដោយទឹកមុខរីករាយ។
ក្រៅពីលេងបាល់ទះជាមួយជនជាតិដើមភាគតិច ឯកអគ្គរដ្ឋទូតសហភាពអឺរ៉ុបរូបនេះ ក៏បានភ្លក់រស់ជាតិស្រាពាងរបស់ជនជាតិដើមភាគតិច ដោយលោកសរសើរថា៖« មានរស់ជាតិនិងគុណភាពខ្លាំង»។
បន្ទាប់ពីចុះជួបនិងសាកសួរបញ្ហារបស់ជនជាតិដើមភាគតិចរួច លោក ហ្សង់ ហ្វ្រង់ស្វ័រ កូតាន់ សន្យាថានឹងជួយបញ្ហាប្រឈមនានារបស់ពួកគេ ជាពិសេសការទទួលប័ណ្ណកម្មសិទ្ធិកាន់កាប់ដីធ្លីស្របច្បាប់ របស់ជនជាតិដើមភាគតិច។
គួរបញ្ជាក់ថា ដំណើរទស្សនកិច្ចរបស់ឯកអគ្គរដ្ឋទូតសហភាពអឺរ៉ុប ហ្សង់ ហ្វ្រង់ស្វ័រ កូតាន់ នៅខេត្តមណ្ឌលគីរី មានរយៈ៤ថ្ងៃ ចាប់ពីថ្ងៃទី១ ដល់ថ្ងៃទី៤ មេសា ដើម្បីត្រួតពិនិត្យសមិទ្ធផលសមាជិកគម្រោងដែលផ្ដល់
មូលនិធិដោយសហភាពអឺរ៉ុប និងដើម្បីស្វែងយល់ពីបញ្ហាប្រឈមនានារបស់ប្រជាសហគមន៍ជនជាតិដើមភាគតិចកំពុងជួបប្រទះកន្លងមក៕
ក្រោយពីបានជួបជាមួយប្រជាជនជាតិដើមភាគតិច នៅភូមិស្រែធំអស់រយៈពេល២ម៉ោង ដើម្បីសួរនាំពីបញ្ហាប្រឈមក្នុងការរស់នៅរបស់ពួកគេរួចមក ឯកអគ្គរដ្ឋទូតសហភាពអឺរ៉ុប លោក ហ្សង់ ហ្វ្រង់ស្វ័រ កូតាន់ បានចូលរួមលេងបាល់ទះជាមួយប្រជាជនភាគតិចទាំងនោះទាំងមេឃក្ដៅហែង ដោយទឹកមុខរីករាយ។
ក្រៅពីលេងបាល់ទះជាមួយជនជាតិដើមភាគតិច ឯកអគ្គរដ្ឋទូតសហភាពអឺរ៉ុបរូបនេះ ក៏បានភ្លក់រស់ជាតិស្រាពាងរបស់ជនជាតិដើមភាគតិច ដោយលោកសរសើរថា៖« មានរស់ជាតិនិងគុណភាពខ្លាំង»។
បន្ទាប់ពីចុះជួបនិងសាកសួរបញ្ហារបស់ជនជាតិដើមភាគតិចរួច លោក ហ្សង់ ហ្វ្រង់ស្វ័រ កូតាន់ សន្យាថានឹងជួយបញ្ហាប្រឈមនានារបស់ពួកគេ ជាពិសេសការទទួលប័ណ្ណកម្មសិទ្ធិកាន់កាប់ដីធ្លីស្របច្បាប់ របស់ជនជាតិដើមភាគតិច។
គួរបញ្ជាក់ថា ដំណើរទស្សនកិច្ចរបស់ឯកអគ្គរដ្ឋទូតសហភាពអឺរ៉ុប ហ្សង់ ហ្វ្រង់ស្វ័រ កូតាន់ នៅខេត្តមណ្ឌលគីរី មានរយៈ៤ថ្ងៃ ចាប់ពីថ្ងៃទី១ ដល់ថ្ងៃទី៤ មេសា ដើម្បីត្រួតពិនិត្យសមិទ្ធផលសមាជិកគម្រោងដែលផ្ដល់
មូលនិធិដោយសហភាពអឺរ៉ុប និងដើម្បីស្វែងយល់ពីបញ្ហាប្រឈមនានារបស់ប្រជាសហគមន៍ជនជាតិដើមភាគតិចកំពុងជួបប្រទះកន្លងមក៕
© រក្សាសិទ្ធិដោយ thmeythmey.com
