×![]()
ភ្នំពេញ៖ តារាចម្រៀងរបស់ផលិតកម្មរស្មីហង្សមាសឈិតសុវណ្ណបញ្ញា មួយរយៈចុងក្រោយនេះ កំពុងត្រូវបានបក់បោកដោយព្យុះព័ត៌មានអាស្រូវចេញផ្សាយជាបន្តបន្ទាប់ពាក់ព័ន្ធនឹងរឿងរ៉ាវស្នេហាដែលលេចឮថាមានសង្សាររស់នៅប្រទេសកាណាដាធ្វើឲ្យតារារូបនេះសម្តែងការមិនសប្បាយចិត្តនិងថែមបានចេញមុខមកបំភ្លឺរឿងរ៉ាវរបស់នាងទៀតផង។
ឈិតសុវណ្ណបញ្ញាដែលបានចូលរួមក្នុងកម្មវិធីរបស់ស្ថានីយទូរទស្សន៍អប្សរា កាលពីពេលកន្លងទៅនាងបានសម្តែងការហួសចិត្តនឹងព័ត៌មានផ្សាយថានាងមានសង្សារនៅប្រទេសកាណាដា បណ្តាលឲ្យនាងមិនសប្បាយចិត្តនឹងការចុះផ្សាយបែបនេះ ដែលនាងអះអាងថា វាមិនមែនជាការពិតនោះ។
ឈិតសុវណ្ណបញ្ញាបានសង្កត់ធ្ងន់ថានាងពិតជាមិនសប្បាយចិត្តនឹងមានព័ត៌មានដែលផ្សាយថានាងមានសង្សារនៅប្រទេសកាណាដានិងជិតរៀបការទៀតផង។នាងបញ្ជាក់ថាប៉ុន្មានថ្ងៃក្រោយមកក៏ស្រាប់តែមិត្តភក្តិមួយចំនួនបានទូរស័ព្ទមកសួរនាងថាតើបញ្ញាឯងរៀបការខែណា?ម៉េចក៏មិនឃើញចែកធៀបការ?ឈិតសុវណ្ណបញ្ញាបន្ថែមថាពេលនោះហើយដែលនាងហួសចិត្តនិងចាំតែឆ្លើយតបបញ្ជាក់ទៅមិត្តភក្តិវិញដែលបានទូរស័ព្ទមកសួរនាងជាបន្តបន្ទាប់។
យ៉ាងណាក៏ដោយឈិតសុវណ្ណបញ្ញាបានបញ្ជាក់ជុំវិញការមានគូស្រករផងដែរថាបើនាងពិតជាមានគម្រោងរៀបការពិតមែនគឺនាងមិនធ្វើស្ងាត់ៗតែពីរនាក់ទេប្រាកដជាត្រូវធ្វើដោយចេញមុខ បើកចំហដូចគេឯង និងប្រាកដជាលេចឮសុះសាយមិនខាន៕
© រក្សាសិទ្ធិដោយ thmeythmey.com
