សង្គមអន្តរជាតិ
អន្តរជាតិ
លោកស្រី ហ៊ីលឡារី ធ្លាប់យកសៀវភៅវាយក្បាលលោក ប៊ីលគ្លីនតុន ព្រោះរឿងលួចមានស្រី
×
ក្នុងអំឡុងពេលនៃរឿងអាស្រូវស្នេហាលួចលាក់ជាមួយ នាង MonicaLewinsky អតីតប្រធានាធិបតីអាមេរិក លោក ប៊ីល គ្លីនតុន ធ្លាប់ត្រូវបានភរិយារបស់លោក គឺលោកស្រី ហ៊ីលឡារី គ្លីនតុន យកសៀវភៅវាយក្បាលរបស់លោករហូតហូរឈាមយ៉ាងច្រើន។ នេះបើយោងតាម លោក Kate Anderson Browerដែលជាអ្នកកាសែតនយោបាយម្នាក់ ក្រោយពេលលោកបានសាកសួរអ្នកបំរើសេតវិជាច្រើនរូប ពីប្រវត្តិផ្ទាល់ខ្លួនរបស់ប្រធានាធិបតីអាមេរិក។
បើយោងតាមការចុះផ្សាយរបស់កាសែត New York Post លោកBrower បានសាកសួរអ្នកបម្រើនៅសេតវិមានពីរឿងរ៉ាវរបស់លោក ប៊ីលគ្លីនតុន និងភរិយារបស់គាត់។ អ្នកបម្រើរូបនោះបានប្រាប់លោកថា នៅថ្ងៃមួយគាត់មានបានចូលទៅបោសសម្អាតបន្ទប់គេងរបស់លោក គ្លីនតុន និងភរិយាហើយបានភ្ញាក់ផ្អើលជាខ្លាំង ដោយសារតែគ្រែដេករបស់អ្នកទាំងពីរ គ្របដណ្តប់ទៅដោយឈាម។
ឈាមនេះគឺជាឈាមរបស់លោកប៊ីលគ្លីនតុន ហើយលោកក៏បានប្រកាសជាសាធារណៈថាឈាមនេះគឺដោយសារតែលោកបានបុកជាមួយទ្វារបន្ទប់ទឹកដែលនៅក្នុងពាក់កណ្តាលយប់។ប៉ុន្តែបុគ្គលិកសេតវិមានម្នាក់ទៀត បានប្រាប់និពន្ធBrowerថា យើងប្រាកដណាស់ថា លោកស្រី ហ៊ីលឡារីគ្លីនតុនបានប្រើសៀវភៅមួយ វាយក្បាលរបស់ប្ដីគាត់។ លោក Brower បានឲ្យដឹងទៀតថា យ៉ាងហោចណាស់ មានសៀវភៅប្រហែល ២០ ក្បាល នៅលើតុក្បែរគ្រែ ដែលងាយស្រួលឲ្យភរិយារបស់គាត់ទាញយក។
សូមបញ្ជាក់ថា អ្នកកាសែតនយោបាយនៃកាសែតNew York Post លោកBrower បានសម្ភាសន៍អតីតបុគ្គលិកសេតវិមានជាង ១០០ នាក់ក៏ដូចជាអតីតស្ត្រីទីមួយរបស់ប្រធានាធិបតីអាមេរិកពីររូប គឺលោកស្រី Laura លោកស្រី Barbara Bush និងលោកស្រី Rosalynn Carter ផងដែរ ដើម្បីសាកសួរពីរឿងរ៉ាវផ្ទាល់ខ្លួន របស់ប្រធានាធិបតីអាមេរិកជាច្រើនរូប៕
© រក្សាសិទ្ធិដោយ thmeythmey.com