រូបត្លុក
យុវជនខ្មែរខ្លះ យកលេសនៃពិធីចូលឆ្នាំ ដើម្បីជួបជុំសេពគ្រឿងស្រវឹង
× ជាការពិត ពិធីចូលឆ្នាំប្រពៃណីខ្មែរ គឺជាពិធីនៃការជួបជុំសមាជិកគ្រួសារ បងប្អូនជិតឆ្ងាយនៃពលរដ្ឋប្រទេសកម្ពុជា។ បន្ទាប់ពីការជួបជុំនេះ ស្មារតីនៃពិធីបុណ្យចូលឆ្នាំខ្មែរ ក៏បានបង្កប់នូវទំនៀមបែបវប្បធម៌ និងសាសនាដែរ។ បានន័យថា ក្រៅពីការជួបជុំសមាជិកគ្រួសារ ញាតិសន្តានហើយនោះ វាក៏ជាពេលវេលានៃការគោរពប្រណិប័តន៍ព្រះសង្ឃនៅវត្ត រៀបចំចង្ហាន់ប្រគេនព្រះសង្ឃ និងឧទ្ទិសទៅដល់ដូនតាផងដែរ។ បន្ទាប់មក គឺការលេងល្បែងកម្សាន្តប្រជាប្រិយ។
ប៉ុន្តែយុវជនខ្លះវិញ នេះគឺជាពេលវេលានៃការជួបជុំ សេពគ្រឿងស្រវឹងទៅវិញ។ បើទោះជាគ្មានលុយ ឬមានបន្តិចបន្តួច ក៏ត្រូវតែខំចំណាយដើម្បីទិញគ្រឿងស្រវឹងសិនដែរ។ ពួកគេបានឲ្យនិយមន័យនៃការសប្បាយ ការជួបជុំ នៅលើរសជាតិគ្រឿងស្រវឹងទាំងនេះ៕
© រក្សាសិទ្ធិដោយ thmeythmey.com