ជាតិ
អាវអង្គរសង្ក្រាន្តត្រូវបានផលិតលក់តាមផ្សារសម្រាប់ទេសចរ
× សៀមរាប៖ មិនមែនមានត្រឹមតែអាវរូបអង្គរវត្ត រូបអង្គរធំ និងប្រសាទផ្សេងៗឡើយ សម្រាប់ព្រឹត្តិការណ៍អង្គរសង្ក្រាន្ត២០១៥ ក៏មានអាវរូបសញ្ញាអង្គរសង្ក្រាន្តនេះដែរ។ នៅតាមហាងលក់វត្ថុអនុស្សាវរីយ៍នៅក្នុងផ្សារចាស់ ផ្សាររាត្រី អាវយឺតរូបអង្គរសង្រ្កាន្តគ្រប់ពណ៌ត្រូវបានព្យួរលក់នៅក្បែរអាវយឺតដែលមានសរសេរ I love Cambodia។
មានតែអាវយឺតដៃខ្លី កស្រួច កមូល សម្រាប់មនុស្សប្រុស មនុស្សស្រី ពណ៌ផ្ទៃមេឃ ពណ៌ខៀវ ប្រផេះ ក្រហមជាដើមត្រូវបានគេដាក់តាំងលក់ហូរហែរ។ អាវមួយតម្លៃ២ដុល្លារកន្លះ ៣ដុល្លារ និងដល់៤ដុល្លារតាមប្រភេទរបស់វា។ អ្នកលក់នៅផ្សារចាស់ម្នាក់បានប្រាប់ថា គេលក់អាវនេះដាច់គួរសម ហើយថាមានទាំងអ្នករស់នៅខេត្តសៀមរាប និងអ្នកទេសចរមកពីខេត្តផ្សេងៗ ដែលទិញអាវនេះពាក់ក្នុងខេត្តសៀមរាប ក្នុងព្រឹត្តិការណ៍សង្ក្រាន្តនេះ៕
© រក្សាសិទ្ធិដោយ thmeythmey.com