ជាតិ
សុខភាព
ឆ្នាំ២០១៤ ស្ត្រីជិត២ម៉ឺននាក់បានសម្រាលកូននៅមន្ទីរពេទ្យគន្ធបុប្ផា
×
នៅឆ្នាំ២០១៤មន្ទីរពេទ្យគន្ធបុប្ផា បានសម្រាលកូននៅផ្នែកសម្ភពបានចំនួន១៩,៣៦១កំណើត ក្នុងនោះការសម្រាលកូនដោយវះកាត់មានចំនួន៨ភាគរយ។ តួលេខនេះ ត្រូវបានបង្ហោះនៅក្នុងគេហទំព័រហ្វេកប៊ុក របស់លោក បេអាត រីចឆ្នឺរ ប្រធាន និងជាស្ថាបនិកនៃមន្ទីរពេទ្យគន្ធបុប្ផា កាលពីថ្ងៃទី១០ខែមេសាកន្លងទៅ។
លិខិតដែលក៏បានបញ្ជាក់ដែរថា ភាគច្រើននៃស្ត្រីមានគ៌តទាំងនោះ មានជីវភាពទីទ័លក្រ រីឯស្ត្រីដែលមានជីវភាពធូរធារ ក៏បានមកសម្រាលកូននៅមន្ទីរពេទ្យគន្ធបុប្ផាកាន់តែច្រើនផងដែរ។
បច្ចុប្បន្នមន្ទីរពេទ្យគន្ធបុប្ផាបានចំណាយថវិកាបានចំណាយថវិកាចំនួន១២ម៉ឺនដុល្លារក្នុងមួយថ្ងៃៗ ដើម្បីព្យាបាលជំងឺដោយឥតគិតថ្លៃដល់កុមារកម្ពុជា។ ចាប់តាំងពីឆ្នាំ១៩៩២មកមន្ទីរពេទ្យគន្ធបុប្ផាបានចំណាយថវិកាអស់ប្រមាណ៥៦០លានដុល្លារ ក្នុងនោះ ៣,៥ភាគរយបានមកពីភាគីរាជរដ្ឋាភិបាលកម្ពុជា៤,៥ភាគរយជាថវិកាបានមកពីរដ្ឋាភិបាលស្វ៊ីសនិង៩២,៥ភាគរយជាថវិកាដែលប្រមូលបានមូលនិធិសប្បុរសជន។
សូមបញ្ជាក់ថា នៅឆ្នាំ២០១៤កន្លងទៅ មន្ទីរពេទ្យគន្ធបុប្ផាបានចំណាយថវិកាប្រមាណ៤០លានដុល្លារដើម្បីពិនិត្យ និងព្យាបាលជំងឺដល់កុមារកម្ពុជាជិត១លាននាក់៕
© រក្សាសិទ្ធិដោយ thmeythmey.com