Royal Belumឧទ្យានធម្មជាតិដ៏ទាក់ទាញនៅភាគខាងជើងប្រទេសម៉ាឡេស៊ី

អន្តរជាតិ

Royal Belumឧទ្យានធម្មជាតិដ៏ទាក់ទាញនៅភាគខាងជើងប្រទេសម៉ាឡេស៊ី

28, Jun 2015 , 2:20 pm

រូបភាព

ដោយ: ថ្មីៗ

ឧទ្យានធម្មជាតិ Royal Belum គឺឧទ្យានដ៏ធំមហាសាលល្វឹងល្វើយដែលស្ថិតនៅក្នុងរដ្ឋ Perak ក្នុងភាគខាងជើងនៃប្រទេសម៉ាឡេស៊ី។ Royal Belum មិនទាន់ក្លាយជាឧទ្យានជាតិរបស់ប្រទេសម៉ាឡេស៊ីនៅឡើយទេ។ ដូច្នេះរដ្ឋាភិបាលនៃរដ្ឋនេះនៅអាចទទួលគម្រោងវិនិយោគ និងអភិវឌ្ឍឧទ្យានធម្មជាតិដ៏ស្រស់ត្រកាលនេះ។

Royal Belumកំពុងតែក្លាយគោលដៅនៃទេសចរណ៍ធម្មជាតិដ៏មានសក្តានុពលរបស់ម៉ាឡេស៊ី។ នៅក្នុងព្រឹត្តិការណ៍ MegaMeet ២០១៥ ដែលក្រសួងទេសចរណ៍ម៉ាឡេស៊ីរៀបចំឡើងដើម្បីផ្សព្វផ្សាយអំពីគោលដៅទេសចរណ៍របស់ខ្លួននោះ Royal Belum គឺជាគោលដៅមួយ។

ក្រុមហ៊ុនភ្នាក់ងារទេសចរណ៍របស់កម្ពុជាចំនួន៤ និងអង្គភាពសារព័ត៌មានមួយត្រូវបានអញ្ជើញឲ្យទៅទស្សនកិច្ចរមណីយដ្ឋានលើជ្រលងភ្នំដែលមានទឹកបឹងធំធេងរាប់រយគីឡូម៉ែត្រការ៉េ។
មានសកម្មភាព និងទីកន្លែងជាច្រើនដែលអ្នកទេសចរណ៍អាចកម្សាន្តបានដូចជា៖ ការដើរក្នុងព្រៃពេលយប់ ទស្សនាភូមិជនជាតិភាគតិច ទស្សនាពូជផ្កា និងសត្វកម្រជាច្រើនប្រភេទដែលជាផ្នែកមួយនៃជីវចម្រុះនៅក្នុងឧទ្យានធម្មជាតិនោះ។

ស្ថិតនៅលើភ្នំមែន ប៉ុន្តែនៅតាមជ្រលងភ្នំ គឺជាបឹងដ៏ធំធេង។ ដូច្នេះការធ្វើដំណើរកម្សាន្តទៅគោលដៅផ្សេងៗ ត្រូវធ្វើឡើងតាមរយៈកាណូត ឬអូប័រ។
Royal Belum ស្ថិតនៅចំងាយជិត៤០០គីឡូម៉ែត្រពីទីក្រុងគូឡាឡាំពួរ។ គេអាចជិះរថភ្លើង រថយន្ត ដើម្បីទៅដល់ឧទ្យានធម្មជាតិនោះ៕