ជាតិ
ពីនេះ ពីនោះ
ប្រើរបៀបគ្រប់គ្រង ឬ ប្រើរបៀបដឹកនាំ មួយណាធ្វើឲ្យស្ថាបនរីកចម្រើនជាង?
× នៅពេលប្រធានឬចៅហ្វាយនាយប្រើរបៀបគ្រប់គ្រង គឺអនុវត្តន៍តាមច្បាប់ តាមវិន័យ និងតាមដានត្រួតពិនិត្យរាល់ការបំពេញការងាររបស់បុគ្គលិក នោះបុគ្គលិកម្នាក់ៗប្រាកដជាមិនសប្បាយចិត្តឡើយ ហើយថែមទាំងរអ៊ូរទាំជាញឹកញាប់ទៀតថា ប្រធានឬចៅហ្វាយនាយរបស់ខ្លួន ប្រើតែរបៀបផ្តាច់ការមកលើបុគ្គលិក និងមិនយល់ពីអារម្មណ៍បុគ្គលិករបស់ខ្លួនឡើយ។ ការគ្រប់គ្រងបែបនេះនឹងធ្វើឲ្យបុគ្គលិកគ្មានកម្លាំងចិត្តបំពេញការងារទេ គឺពួកគេធ្វើការឲ្យរួចពីដៃប៉ុណ្ណោះ មិនគិតពីគុណភាព និងប្រសិទ្ធភាពឡើយ។
ផ្ទុយមកវិញ ប្រសិនជាប្រធានឬចៅហ្វាយនាយទាំងនោះ ប្រើរបៀបនៃការដឹកនាំ ដោយផ្តល់សិទ្ធិនិងឯករាជ្យភាពដល់បុគ្គលិក ដោយមិនសូវតឹងរ៉ឹងពីវិន័យ ឬមិនសូវត្រួតពិនិត្យពីការបំពេញការងាររបស់បុគ្គលិក នោះបុគ្គលិកម្នាក់ៗតែងតែសប្បាយចិត្ត ហើយពួកគេថែមទាំងនិយាយថា ប្រធានរបស់ខ្លួនជាមេដឹកនាំដ៏ល្អ ដែលផ្តល់សិទ្ធិសេរីភាពដល់បុគ្គលិករបស់ខ្លួន។ ប៉ុន្តែ ដឹកនាំដោយរបៀបនេះអាចបណ្តាលឲ្យបុគ្គលិកមិនសូវយកចិត្តទុកដាក់ពីគុណភាពនៃការបំពេញការងារ និងមិនមានការទទួលខុសត្រូវខ្ពស់ចំពោះការងារឡើយ។
នេះមានន័យថា ប្រើរបៀបគ្រង់គ្រង ឬរបៀបដឹកនាំតែមួយមុខ គឺមិនអាចពង្រឹងគុណភាពស្ថាបន និងពង្រឹងសម្ថភាពបុគ្គលិកបានល្អនោះទេ។ ហើយប្រសិនជា ប្រើរបៀបគ្រប់គ្រងតឹងរ៉ឹងពេកក៏មិនល្អ ប្រើរបៀបដឹកនាំធូរពេកក៏មិនល្អដែរ។ ដូច្នេះ ប្រធានឬចៅហ្វាយនាយទាំងអស់ត្រូវតែប្រើទាំងពីររបៀបឲ្យមានតុល្យភាពរវាងការគ្រប់គ្រង និងការដឹកនាំ ប៉ុន្តែ ប្រធានឬចៅហ្វាយនាយ ត្រូវតែដឹងថា ពេលណាត្រូវប្រើរបៀបគ្រប់គ្រង ពេលណាត្រូវប្រើរបៀបដឹកនាំទៅកាន់បុគ្គលិក។ ការធ្វើបែបនេះនឹងធ្វើឲ្យស្ថាបន័ និងបុគ្គលិករបស់កាន់តែរីកម្រើន៕
© រក្សាសិទ្ធិដោយ thmeythmey.com