ជាតិ
នយោបាយជាតិ
×![]()
ដោយ: ថ្មីៗ
អនុប្រធានគណបក្សសង្គ្រោះជាតិ លោក កឹម សុខា មានប្រសាសន៍ថា វប្បធម៌សន្ទនា មិនមែនជំនួសយន្តការប្រជាធិបតេយ្យនោះទេ។ លោកថា បក្សប្រឆាំងនៅតែអាចរិះគន់រដ្ឋាភិបាល ហើយតំណាងរាស្ត្រក្នុងរដ្ឋសភាគឺនៅតែមានសិទ្ធិក្នុងការកោះហៅមន្ត្រីរដ្ឋាភិបាលមកសួរនាំដដែល។
ក្នុងកិច្ចសម្ភាសជាមួយវិទ្យុអាស៊ីសេរីកាលពីយប់ថ្ងៃព្រហស្បតិ៍ លោក កឹម សុខា បានបញ្ជាក់ជាថ្មីថា៖«វប្បធម៌សន្ទនាគឺនៅក្នុងសង្គមប្រជាធិបតេយ្យគេធ្វើ តែគេអត់ត្រូវជំនួសយន្តការប្រជាធិបតេយ្យទេ។ មិនមែនថាមានវប្បធម៌សន្ទនាហើយ ទុកឲ្យមេទាំងពីរជជែកគ្នាទៅ តំណាងរាស្ត្រឈប់តវ៉ា ឈប់និយាយ ឈប់ទាមទារ ឈប់រិះគន់រដ្ឋាភិបាល មិនមែនទេ គឺយន្ដការប្រជាធិបតេយ្យនៅតែធ្វើដដែល គឺតួនាទីរបស់ស្ថាប័នសំខាន់ៗនៅតែមានដដែល ដូចតួនាទីរបស់រដ្ឋសភា កោះហៅរដ្ឋមន្ត្រីមកសួរដេញដោល បោះឆ្នោតផ្ដល់សេចក្ដីទុកចិត្ត មិនទុកចិត្តនៅតែធ្វើដដែល»។
កន្លងមកអនុប្រធានគណបក្សសង្គ្រោះជាតិលោក កឹម សុខា បានបញ្ជាក់ថា គណបក្សរបស់លោកមិនមែនជាបក្សរណបហែហមគណបក្សកាន់អំណាចនោះទេ តែផ្ទុយទៅវិញគណបក្សសង្គ្រោះជាតិ គឺជាគណបក្សដែលត្រូវយកឈ្នះគណបក្សកាន់អំណាច ដើម្បីឈានទៅដឹកនាំប្រទេសនាពេលខាងមុខ។ លោក កឹម សុខា ស្នើឲ្យមេដឹកនាំគណបក្សសង្គ្រោះជាតិទាំងអស់ ត្រូវរក្សារូបភាពនយោបាយឲ្យបានល្អ កុំឲ្យដូចគណបក្ស ហ្វ៊ុនស៊ិនប៉ិច។ ការលើកឡើងរបស់លោក កឹម សុខា ស្របពេលដែលលោក សម រង្ស៊ី និងលោក ហ៊ុន សែន កំពុងអនុវត្តវប្បធម៌សន្ទនាគ្នាយ៉ាងស្អិតល្មួតជាមួយគ្នា ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
