ជាតិ
នយោបាយជាតិ
អ្នកជំនាញផ្នែកបោះឆ្នោតជប៉ុន នឹងសិក្សានីតិវិធីនៃការចុះបញ្ជីបោះឆ្នោតនៅកម្ពុជាក្នុងខែឧសភា
×![]()
ដោយ: ថ្មីៗ
សមាជិកគណៈកម្មាធិការជាតិរៀបចំការបោះឆ្នោតថ្មី បានជួបជាមួយមន្ត្រីសហភាពអ៊ឺរ៉ុប និងមន្ត្រីស្ថានទូតជប៉ុនដំបូង ក្រោយពីសមាជិកគ.ជ.ប ថ្មីចូលកាន់ដំណែងកាលពីថ្ងៃទី ១៣ ខែមេសា កន្លងទៅ។ ជំនួបនេះ បានផ្តោតទៅលើកិច្ចសហប្រតិបត្តិការជប៉ុន និងសហភាពអ៊ឺរ៉ុប ជាមួយគ.ជ.ប ថ្មី ហើយជប៉ុន នឹងបញ្ជូនអ្នកជំនាញការបោះឆ្នោតរបស់ខ្លួនមកកម្ពុជាជាថ្មីម្តងទៀត នៅខែឧសភា ខាងមុខនេះ។ 
ក្រោយរដ្ឋសភា បោះឆ្នោតទទួលស្គាល់សមាជិកគណៈកម្មាធិការជាតិរៀបចំការបោះឆ្នោតថ្មី បានប្រមាណ ២ សប្តាហ៍ សមាជិកគណៈកម្មាធិការនេះ បានជួបស្វាមគមន៍ គណប្រតិភូសហភាពអ៊ឺរ៉ុប និងគណប្រតិភូស្ថានទូតជប៉ុនជាលើកដំបូង នៅស្នាក់ការកណ្តាល គ.ជ.ប ក្នុងបរិវេណក្រសួងមហាផ្ទៃ នារសៀលថ្ងៃសុក្រទី ២៤ ខែមេសា ។ ក្រោយជំនួបនោះ អ្នកនាំពាក្យគ.ជ.ប លោក ហង្ស ពុទ្ធា បានអះអាងថា នៅខែឧសភា ឆ្នាំ ២០១៤ ខាងមុនេះ ក្រុមអ្នកជំនាញការបោះឆ្នោតរបស់ជប៉ុននឹងមកសិក្សាពីដំណើរការបោះឆ្នោតនៅក្នុងប្រទេសកម្ពុជាបន្ថែមទៀត« អ្នកជំនាញការបោះឆ្នោតជប៉ុន នឹងមកសិក្សាបន្ថែមអំពីដំណើរការបោះឆ្នោតទាំងមូល ជាពិសេសគឺការអប់រំអ្នកបោះឆ្នោត អំពីនីតិវិធីនៃការបោះឆ្នោត ដែលពលរដ្ឋត្រូវដឹង និងការរៀបចំបញ្ជីចុះឈ្មោះបោះឆ្នោតថ្មី ។ នេះជាការបញ្ជាក់របស់លោក ហង្ស ពុទ្ធា ។
បើតាមលោក ហង្ស ពុទ្ធា សហភាពអ៊ឺរ៉ុប និងរដ្ឋាភិបាលជប៉ុន ពេញចិត្ត និងគាំទ្រគ.ជ.ប ថ្មីនេះ ហើយសហភាពអ៊ឺរ៉ុប និងរដ្ឋាភិបាលជប៉ុននឹងបន្តបេសកកម្មការងារជាមួយគ.ជ.ប ថ្មី ដើម្បីឲ្យការបោះឆ្នោតនៅកម្ពុជា ប្រព្រឹត្តទៅដោយសេរី ត្រឹមត្រូវ និងយុត្តិធម៌។
ទាក់ទងនឹងការប្រព្រឹត្តទៅរបស់ស្ថាប័ននេះវិញ លោក ហង្ស ពុទ្ធា បញ្ជាក់ថា ពេលនេះសមាជិកគ.ជ.ប កំពុងតែពិនិត្យលើព្រះរាជក្រឹត្យ ស្តីពីក្របខណ្ឌមន្ត្រីរាជការរបស់គ.ជប និងពិនិត្យលើការងារអគ្គលេខាធិការដ្ឋាន ព្រមទាំងបទបញ្ជាផ្ទៃក្នុងគ.ជ.ប ៕
ក្រោយរដ្ឋសភា បោះឆ្នោតទទួលស្គាល់សមាជិកគណៈកម្មាធិការជាតិរៀបចំការបោះឆ្នោតថ្មី បានប្រមាណ ២ សប្តាហ៍ សមាជិកគណៈកម្មាធិការនេះ បានជួបស្វាមគមន៍ គណប្រតិភូសហភាពអ៊ឺរ៉ុប និងគណប្រតិភូស្ថានទូតជប៉ុនជាលើកដំបូង នៅស្នាក់ការកណ្តាល គ.ជ.ប ក្នុងបរិវេណក្រសួងមហាផ្ទៃ នារសៀលថ្ងៃសុក្រទី ២៤ ខែមេសា ។ ក្រោយជំនួបនោះ អ្នកនាំពាក្យគ.ជ.ប លោក ហង្ស ពុទ្ធា បានអះអាងថា នៅខែឧសភា ឆ្នាំ ២០១៤ ខាងមុនេះ ក្រុមអ្នកជំនាញការបោះឆ្នោតរបស់ជប៉ុននឹងមកសិក្សាពីដំណើរការបោះឆ្នោតនៅក្នុងប្រទេសកម្ពុជាបន្ថែមទៀត« អ្នកជំនាញការបោះឆ្នោតជប៉ុន នឹងមកសិក្សាបន្ថែមអំពីដំណើរការបោះឆ្នោតទាំងមូល ជាពិសេសគឺការអប់រំអ្នកបោះឆ្នោត អំពីនីតិវិធីនៃការបោះឆ្នោត ដែលពលរដ្ឋត្រូវដឹង និងការរៀបចំបញ្ជីចុះឈ្មោះបោះឆ្នោតថ្មី ។ នេះជាការបញ្ជាក់របស់លោក ហង្ស ពុទ្ធា ។
បើតាមលោក ហង្ស ពុទ្ធា សហភាពអ៊ឺរ៉ុប និងរដ្ឋាភិបាលជប៉ុន ពេញចិត្ត និងគាំទ្រគ.ជ.ប ថ្មីនេះ ហើយសហភាពអ៊ឺរ៉ុប និងរដ្ឋាភិបាលជប៉ុននឹងបន្តបេសកកម្មការងារជាមួយគ.ជ.ប ថ្មី ដើម្បីឲ្យការបោះឆ្នោតនៅកម្ពុជា ប្រព្រឹត្តទៅដោយសេរី ត្រឹមត្រូវ និងយុត្តិធម៌។
ទាក់ទងនឹងការប្រព្រឹត្តទៅរបស់ស្ថាប័ននេះវិញ លោក ហង្ស ពុទ្ធា បញ្ជាក់ថា ពេលនេះសមាជិកគ.ជ.ប កំពុងតែពិនិត្យលើព្រះរាជក្រឹត្យ ស្តីពីក្របខណ្ឌមន្ត្រីរាជការរបស់គ.ជប និងពិនិត្យលើការងារអគ្គលេខាធិការដ្ឋាន ព្រមទាំងបទបញ្ជាផ្ទៃក្នុងគ.ជ.ប ៕
© រក្សាសិទ្ធិដោយ thmeythmey.com
