អន្តរជាតិ
នយោបាយអន្តរជាតិ
×![]()
គណបក្សភឿថៃ និង គណបក្សប្រជាធិបតេយ្យ បានព្រមព្រៀងគ្នាដោយពន្យារពេលបោះឆ្នោតដែលគេរំពឹងថានឹងប្រព្រឹត្តឡើងនៅឆ្នាំ ២០១៦ ខាងមុខនេះ។ ការស្នើរឲ្យមានការពន្យារពេលនេះ មិនមែនជាការគាំទ្ររបបដឹកនាំយោធានោះទេ តែដើម្បីធានាដំណើរការនៃផ្សះផ្សាប្រកបដោយជោគជ័យ។ ជាពិសេសនោះ ដើម្បីធានាថារដ្ឋធម្មនុញ្ញមួយថ្មីមានភាពត្រឹមត្រូវយុត្តិធម៌ ស្របតាមបទដ្ឋានអន្តរជាតិ និង មានការទទួលស្គាល់ពីប្រជាជន។ 
នៅក្នុងជំនួបពិភាក្សាជាមួយនឹងអង្គភាពរបស់ក្រុមប្រឹក្សាជាតិដើម្បីសន្តិភាព និង សណ្តាប់ធ្នាប់ម្សិលមិញនេះ តំណាងគណបក្សធំពីររបស់ថៃ និង រណសិរ្សដើម្បីប្រជាធិបតេយ្យប្រឆាំងរបបផ្តាច់ការ បានឯកភាពគ្នាពន្យារពេលបោះឆ្នោត ដើម្បីធានាឲ្យបានការផ្សះផ្សាជាតិពិតប្រាកដ ។
ការបញ្ចប់សេចក្តីព្រាងច្បាប់រដ្ឋធម្មនុញ្ញថ្មី គឺជាក្តីសង្ឃឹមសម្រាប់ការបោះឆ្នោត ដើម្បីជ្រើសរើសរដ្ឋាភិបាលតាមបែបប្រជាធិបតេយ្យមួយពិតប្រាកដនៅក្នុងឆ្នាំ ២០១៦ ។ យ៉ាងណាក៏ដោយ បញ្ហាដែលត្រូវដោះស្រាយបន្ទាប់នោះគឺ រដ្ឋធម្មនុញ្ញថ្មីនោះ ត្រូវតែមានភាពត្រឹមត្រូវ និង មានការទទួលស្គាល់ពីប្រជាជន។
ទាក់ទិនជាមួយបញ្ហានេះដែរ លោក អាភីស៊ីត វីចាជីវ៉ា ប្រធានគណបក្សប្រជាធិបតេយ្យបានបញ្ជាក់ថា ការបោះឆ្នោត មិនអាចធ្វើឡើងក្នុងស្ថានភាពបន្ទាន់បង្ខំនោះទេ។ដូច្នេះគេអាចពន្យារកាលបរិច្ឆេទបោះឆ្នោតបាន។ ក៏ប៉ុន្តែការបោះឆ្នោត ត្រូវតែធានាឲ្យបាននូវភាពយុត្តិធម៌ ស្របតាមរដ្ឋធម្មនុញ្ញ និង ទទួលស្គាល់ពីប្រជាពលរដ្ឋតាមរយៈការធ្វើប្រជាមតិជាមុនសិន។ អ្វីដែលលោកប្រធានគណបក្សប្រជាធិបតេយ្យ ចង់បាននោះ ការបោះឆ្នោតដែលល្អ តែមិនមែនបន្ទាន់នោះទេ។
ស្របជាមួយគ្នានេះ ប្រធានរណសិរ្សដើម្បីប្រជាធិបតេយ្យ ប្រឆាំងនឹងរបបផ្តាច់ការ ក៏បានគាំទ្រឲ្យមានការពន្យារ ពេលនៃការបោះឆ្នោតនេះដែរ។ ក្នុងនោះលោកបានបន្ថែមទៀតថា ការបោះឆ្នោតនៅតែប្រព្រឹត្តទៅក្នុងរយៈពេលពីរ ឬបីឆ្នាំក្រោយទៀត។ យ៉ាងណាក៏ដោយ នៅក្នុងកិច្ចប្រជុំកំពូលអាស៊ី-អាហ្វ្រិកនៅឥណ្ឌូនេស៊ី លោកនាយករដ្ឋមន្ត្រី ប្រាយុទ្ធ ចាន់អូចា បានបញ្ជាក់ទៅកាន់លោកប្រធានាធិបតីឥណ្ឌូនេស៊ី ចូកូ វីដូដូ ថា ការបោះឆ្នោតនឹងត្រូវប្រារព្ធឡើងនៅក្នុង ដើមឆ្នាំ២០១៦ ខាងមុខនេះ។
គួរបញ្ជាក់ផងដែរ ការបញ្ចប់នៃសេចក្តីព្រាងរដ្ឋធម្មនុញ្ញថ្មី មិនមែនមានន័យថាបញ្ហានយោបាយនឹងត្រូវបញ្ចប់ផងដែរនោះទេ។ ច្បាប់នេះ ទាមទារឲ្យមានការធ្វើប្រជាមតិពីសំណាក់ប្រជាជន និង អនុម័តទទួលស្គាល់ពីសភា ជាមុនសិន ទើបអាចប្រកាសឲ្យប្រើប្រាស់ជាផ្លូវការ និងដំណើរការនីតិវិធីនៃការបោះឆ្នោតបាន។ ជាមួយគ្នានេះ អ្វីដែលមានភាពមិនច្បាស់លាស់ ថាតើលោកប្រាយុទ្ធ នឹងព្រមឲ្យមានប្រជាមតិឬអត់។ មួយវិញទៀត ប្រសិនបើមានការជំទាស់ពីប្រជាពលរដ្ឋ ជាពិសេសនោះ លើបញ្ញត្តិនៃការឡើងកាន់អំណាចរបស់នាយករដ្ឋមន្ត្រី មិនចាំបាច់កើតចេញពីការបោះឆ្នោតពីប្រជាពលរដ្ឋ ថាតើនឹងមានបញ្ហាអ្វីត្រូវកើតឡើងជាបន្តបន្ទាប់ទៀត៕
នៅក្នុងជំនួបពិភាក្សាជាមួយនឹងអង្គភាពរបស់ក្រុមប្រឹក្សាជាតិដើម្បីសន្តិភាព និង សណ្តាប់ធ្នាប់ម្សិលមិញនេះ តំណាងគណបក្សធំពីររបស់ថៃ និង រណសិរ្សដើម្បីប្រជាធិបតេយ្យប្រឆាំងរបបផ្តាច់ការ បានឯកភាពគ្នាពន្យារពេលបោះឆ្នោត ដើម្បីធានាឲ្យបានការផ្សះផ្សាជាតិពិតប្រាកដ ។
ការបញ្ចប់សេចក្តីព្រាងច្បាប់រដ្ឋធម្មនុញ្ញថ្មី គឺជាក្តីសង្ឃឹមសម្រាប់ការបោះឆ្នោត ដើម្បីជ្រើសរើសរដ្ឋាភិបាលតាមបែបប្រជាធិបតេយ្យមួយពិតប្រាកដនៅក្នុងឆ្នាំ ២០១៦ ។ យ៉ាងណាក៏ដោយ បញ្ហាដែលត្រូវដោះស្រាយបន្ទាប់នោះគឺ រដ្ឋធម្មនុញ្ញថ្មីនោះ ត្រូវតែមានភាពត្រឹមត្រូវ និង មានការទទួលស្គាល់ពីប្រជាជន។
ទាក់ទិនជាមួយបញ្ហានេះដែរ លោក អាភីស៊ីត វីចាជីវ៉ា ប្រធានគណបក្សប្រជាធិបតេយ្យបានបញ្ជាក់ថា ការបោះឆ្នោត មិនអាចធ្វើឡើងក្នុងស្ថានភាពបន្ទាន់បង្ខំនោះទេ។ដូច្នេះគេអាចពន្យារកាលបរិច្ឆេទបោះឆ្នោតបាន។ ក៏ប៉ុន្តែការបោះឆ្នោត ត្រូវតែធានាឲ្យបាននូវភាពយុត្តិធម៌ ស្របតាមរដ្ឋធម្មនុញ្ញ និង ទទួលស្គាល់ពីប្រជាពលរដ្ឋតាមរយៈការធ្វើប្រជាមតិជាមុនសិន។ អ្វីដែលលោកប្រធានគណបក្សប្រជាធិបតេយ្យ ចង់បាននោះ ការបោះឆ្នោតដែលល្អ តែមិនមែនបន្ទាន់នោះទេ។
ស្របជាមួយគ្នានេះ ប្រធានរណសិរ្សដើម្បីប្រជាធិបតេយ្យ ប្រឆាំងនឹងរបបផ្តាច់ការ ក៏បានគាំទ្រឲ្យមានការពន្យារ ពេលនៃការបោះឆ្នោតនេះដែរ។ ក្នុងនោះលោកបានបន្ថែមទៀតថា ការបោះឆ្នោតនៅតែប្រព្រឹត្តទៅក្នុងរយៈពេលពីរ ឬបីឆ្នាំក្រោយទៀត។ យ៉ាងណាក៏ដោយ នៅក្នុងកិច្ចប្រជុំកំពូលអាស៊ី-អាហ្វ្រិកនៅឥណ្ឌូនេស៊ី លោកនាយករដ្ឋមន្ត្រី ប្រាយុទ្ធ ចាន់អូចា បានបញ្ជាក់ទៅកាន់លោកប្រធានាធិបតីឥណ្ឌូនេស៊ី ចូកូ វីដូដូ ថា ការបោះឆ្នោតនឹងត្រូវប្រារព្ធឡើងនៅក្នុង ដើមឆ្នាំ២០១៦ ខាងមុខនេះ។
គួរបញ្ជាក់ផងដែរ ការបញ្ចប់នៃសេចក្តីព្រាងរដ្ឋធម្មនុញ្ញថ្មី មិនមែនមានន័យថាបញ្ហានយោបាយនឹងត្រូវបញ្ចប់ផងដែរនោះទេ។ ច្បាប់នេះ ទាមទារឲ្យមានការធ្វើប្រជាមតិពីសំណាក់ប្រជាជន និង អនុម័តទទួលស្គាល់ពីសភា ជាមុនសិន ទើបអាចប្រកាសឲ្យប្រើប្រាស់ជាផ្លូវការ និងដំណើរការនីតិវិធីនៃការបោះឆ្នោតបាន។ ជាមួយគ្នានេះ អ្វីដែលមានភាពមិនច្បាស់លាស់ ថាតើលោកប្រាយុទ្ធ នឹងព្រមឲ្យមានប្រជាមតិឬអត់។ មួយវិញទៀត ប្រសិនបើមានការជំទាស់ពីប្រជាពលរដ្ឋ ជាពិសេសនោះ លើបញ្ញត្តិនៃការឡើងកាន់អំណាចរបស់នាយករដ្ឋមន្ត្រី មិនចាំបាច់កើតចេញពីការបោះឆ្នោតពីប្រជាពលរដ្ឋ ថាតើនឹងមានបញ្ហាអ្វីត្រូវកើតឡើងជាបន្តបន្ទាប់ទៀត៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
