សង្គមអន្តរជាតិ
អន្តរជាតិ
ទារក Sonies Awal ក្លាយជានិមិត្តរូបនៃក្តីសង្ឃឹមរបស់ប្រជាជាតិនេប៉ាល់ទាំងមូល
×![]()
ដោយ: រួបរួម
ករណីរបស់ទារកនេប៉ាល់អាយុ៥ខែឈ្មោះ Sonies Awal ដែលស្ថិតនៅក្រោមគំនរអាគារបាក់បែកអស់រយៈ២២ម៉ោង ដោយគ្មានរបួសស្នាមអ្វីធំដុំ គឺជាមហាសំណាងដែលមិនគួរឲ្យជឿ។ ពេលនេះ ទារក Sonies Awal ត្រូវគេចាត់ទុកថា ជានិមិត្តរូបនេះក្តីសង្ឃឹមរបស់ប្រជាជាតិនេប៉ាល់ទាំងមូល ដែលបានរងគ្រោះរញ្ជួយដីកម្រិត៧,៨រិចទ័រ កាលពីព្រឹកថ្ងៃទី២៥ ខែមេសា ឆ្នាំ២០១៥ កន្លងមក។
មនុស្សនៅលើពិភពលោក បានបង្ហាញនូវអារម្មណ៍រំភើបផង និងរន្ធត់ផង បន្ទាប់សារព័ត៌មាន Kathmandou Today បានផ្សព្វផ្សាយពីរូបភាពទាក់ទងនឹងការសង្គ្រោះទារក Sonies Awal ចេញពីគំនរបាក់បែកមួយក្រោយគ្រោះរញ្ជួយដីដែលបានសម្លាប់មនុស្សជាង៦០០០នាក់ បើគិតត្រឹមថ្ងៃទី១ ខែឧសភា។
ក្រោយអព្ភូតហេតុដ៏អស្ចារ្យនេះ បណ្តាញទូរទស្សន៍ CNN បានចុះធ្វើសម្ភាសផ្ទាល់ជាមួយក្រុមគ្រួសាររបស់ទារក Sonies Awal។ អ្នកស្រី Rasmila Awal ដែលជាម្តាយ បានរៀបរាប់ថា ខណៈពេលដែលមានការរញ្ជួយដី អ្នកស្រី បានដើរចេញពីផ្ទះឆ្ពោះទៅហាងមួយ ដោយទុកកូនពីរនាក់នៅផ្ទះ គឺកូនស្រី Soniya អាយុ១០ឆ្នាំ និង Sonies អាយុ៥ខែ។
មួយប៉ព្រិចភ្នែកប៉ុណ្ណោះ ផ្ទះរបស់អ្នកស្រី និងផ្ទះផ្សេងទៀតនៅតំបន់ Muldhoka, Bhaktapur នៃក្រុង Kathmandu បានក្លាយជាគំនរបែកបាក់ ស្របពេលដែលលោក Sham Krishna Awal ជាស្វាមី បានចេញទៅប្រកបរបរជាអ្នករត់តាក់ស៊ី។
ក្រោយព្រឹត្តិការណ៍រញ្ជួយដី លោក Sham Krishna Awal បានវិលត្រឡប់មកផ្ទះវិញភ្លាមៗដើម្បីជួបគ្រួសារ ខណៈលោកស្រី Rasmila ស្ថិតក្នុងស្ថានភាពដ៏អស់សង្ឃឹម។ ស្ត្រីអាយុ៣៥ឆ្នាំរូបនេះ បានរៀបរាប់ប្រាប់ CNN ថា៖ «ខ្ញុំបានស្រែកឲ្យអ្នកជិតខាងជួយ។ ខ្ញុំមានក្តីសង្ឃឹមតិចតួចបំផុតដែលថា កូនៗនៅរស់រៀនមានជីវិត ពីព្រោះខ្ញុំមិនបានលឺសំឡេងអ្វីនោះឡើយ»។ សំណាងល្អ ពីរម៉ោងក្រោយ គ្រួសាររបស់ Awal បានទទួលដំណឹងថា កូនស្រីអាយុ១០ឆ្នាំឈ្មោះ Soniya ត្រូវបានរកឃើញ និងរស់រៀនមានជីវិត។ ប៉ុន្តែដំណឹងរបស់កូនប្រុស Sonies នៅតែគ្មានពន្លឺ។
យោងតាមការរៀបរាប់ប្រាប់ CNN ក្រុមគ្រួសារបានទូរសព្ទហៅក្រុមទាហានសង្គ្រោះនេប៉ាល់។ ក្រុមទាហានបានទៅដល់ទីតាំងនៅម៉ោង៦ល្ងាច ហើយបន្តរុករករហូតដល់ម៉ោង៩ល្ងាចនៅតែមិនឃើញ ដែលធ្វើឲ្យក្តីសង្ឃឹមកាន់តែធ្លាក់ចុះ។
អ្នកជិតខាងដែលនៅរស់រានមានជីវិតបានធ្វើការលួងលោម អ្នកស្រី Rasmila និងស្វាមី ដោយឡែកឡើងថា «បើជោគវាសនាមាន គេ [Sonies] ច្បាស់នៅរស់រៀនមានជីវិត បើមិនដូច្នោះ ព្រះជាម្ចាស់ច្បាស់នាំរូបគេទៅឆ្ងាយ»។
ជាមួយក្តីអស់សង្ឃឹម គេបានលឺសំឡេងចេញពីគំនរបាក់បែក ដែលជាពន្លឺនាំឲ្យទាហានសង្គ្រោះនេប៉ាល់រកឃើញទារក Sonies។ បច្ចុប្បន្ន គ្រួសារមួយនេះ មិនមានផ្ទះស្នាក់នៅឡើយ ពីព្រោះអ្វីទាំងអស់ត្រូវបានបំផ្លាញដោយសារការរញ្ជួយដី ដែលក្នុងនោះ បងស្រីថ្លៃរបស់លោក Sham Awal និងកូន២នាក់ សុទ្ធតែបានស្លាប់ភ្លាមៗកាលពីថ្ងៃសៅរ៍។
ទោះបីជាយ៉ាងណាក៏ដោយ អព្ហូតហេតុដែលកើតមានចំពោះទារក Sonies ត្រូវបានគេចាត់ទុកថា ជានិមិត្តរូបនៃក្តីសង្ឃឹមរបស់ប្រជាជាតិនេប៉ាល់ទាំងមូល៕
ព័ត៌មានរូបភាពទាក់ទងនឹងទារក Sonies សូមចូល អាន រន្ធត់ និងរំភើប ខណៈទារក៤ខែម្នាក់ត្រូវបានសង្គ្រោះចេញពីគំនរបាក់បែកដោយគ្មានរបួសស្នាម
មនុស្សនៅលើពិភពលោក បានបង្ហាញនូវអារម្មណ៍រំភើបផង និងរន្ធត់ផង បន្ទាប់សារព័ត៌មាន Kathmandou Today បានផ្សព្វផ្សាយពីរូបភាពទាក់ទងនឹងការសង្គ្រោះទារក Sonies Awal ចេញពីគំនរបាក់បែកមួយក្រោយគ្រោះរញ្ជួយដីដែលបានសម្លាប់មនុស្សជាង៦០០០នាក់ បើគិតត្រឹមថ្ងៃទី១ ខែឧសភា។
ក្រោយអព្ភូតហេតុដ៏អស្ចារ្យនេះ បណ្តាញទូរទស្សន៍ CNN បានចុះធ្វើសម្ភាសផ្ទាល់ជាមួយក្រុមគ្រួសាររបស់ទារក Sonies Awal។ អ្នកស្រី Rasmila Awal ដែលជាម្តាយ បានរៀបរាប់ថា ខណៈពេលដែលមានការរញ្ជួយដី អ្នកស្រី បានដើរចេញពីផ្ទះឆ្ពោះទៅហាងមួយ ដោយទុកកូនពីរនាក់នៅផ្ទះ គឺកូនស្រី Soniya អាយុ១០ឆ្នាំ និង Sonies អាយុ៥ខែ។មួយប៉ព្រិចភ្នែកប៉ុណ្ណោះ ផ្ទះរបស់អ្នកស្រី និងផ្ទះផ្សេងទៀតនៅតំបន់ Muldhoka, Bhaktapur នៃក្រុង Kathmandu បានក្លាយជាគំនរបែកបាក់ ស្របពេលដែលលោក Sham Krishna Awal ជាស្វាមី បានចេញទៅប្រកបរបរជាអ្នករត់តាក់ស៊ី។
ក្រោយព្រឹត្តិការណ៍រញ្ជួយដី លោក Sham Krishna Awal បានវិលត្រឡប់មកផ្ទះវិញភ្លាមៗដើម្បីជួបគ្រួសារ ខណៈលោកស្រី Rasmila ស្ថិតក្នុងស្ថានភាពដ៏អស់សង្ឃឹម។ ស្ត្រីអាយុ៣៥ឆ្នាំរូបនេះ បានរៀបរាប់ប្រាប់ CNN ថា៖ «ខ្ញុំបានស្រែកឲ្យអ្នកជិតខាងជួយ។ ខ្ញុំមានក្តីសង្ឃឹមតិចតួចបំផុតដែលថា កូនៗនៅរស់រៀនមានជីវិត ពីព្រោះខ្ញុំមិនបានលឺសំឡេងអ្វីនោះឡើយ»។ សំណាងល្អ ពីរម៉ោងក្រោយ គ្រួសាររបស់ Awal បានទទួលដំណឹងថា កូនស្រីអាយុ១០ឆ្នាំឈ្មោះ Soniya ត្រូវបានរកឃើញ និងរស់រៀនមានជីវិត។ ប៉ុន្តែដំណឹងរបស់កូនប្រុស Sonies នៅតែគ្មានពន្លឺ។
យោងតាមការរៀបរាប់ប្រាប់ CNN ក្រុមគ្រួសារបានទូរសព្ទហៅក្រុមទាហានសង្គ្រោះនេប៉ាល់។ ក្រុមទាហានបានទៅដល់ទីតាំងនៅម៉ោង៦ល្ងាច ហើយបន្តរុករករហូតដល់ម៉ោង៩ល្ងាចនៅតែមិនឃើញ ដែលធ្វើឲ្យក្តីសង្ឃឹមកាន់តែធ្លាក់ចុះ។
អ្នកជិតខាងដែលនៅរស់រានមានជីវិតបានធ្វើការលួងលោម អ្នកស្រី Rasmila និងស្វាមី ដោយឡែកឡើងថា «បើជោគវាសនាមាន គេ [Sonies] ច្បាស់នៅរស់រៀនមានជីវិត បើមិនដូច្នោះ ព្រះជាម្ចាស់ច្បាស់នាំរូបគេទៅឆ្ងាយ»។
ជាមួយក្តីអស់សង្ឃឹម គេបានលឺសំឡេងចេញពីគំនរបាក់បែក ដែលជាពន្លឺនាំឲ្យទាហានសង្គ្រោះនេប៉ាល់រកឃើញទារក Sonies។ បច្ចុប្បន្ន គ្រួសារមួយនេះ មិនមានផ្ទះស្នាក់នៅឡើយ ពីព្រោះអ្វីទាំងអស់ត្រូវបានបំផ្លាញដោយសារការរញ្ជួយដី ដែលក្នុងនោះ បងស្រីថ្លៃរបស់លោក Sham Awal និងកូន២នាក់ សុទ្ធតែបានស្លាប់ភ្លាមៗកាលពីថ្ងៃសៅរ៍។
ទោះបីជាយ៉ាងណាក៏ដោយ អព្ហូតហេតុដែលកើតមានចំពោះទារក Sonies ត្រូវបានគេចាត់ទុកថា ជានិមិត្តរូបនៃក្តីសង្ឃឹមរបស់ប្រជាជាតិនេប៉ាល់ទាំងមូល៕
ព័ត៌មានរូបភាពទាក់ទងនឹងទារក Sonies សូមចូល អាន រន្ធត់ និងរំភើប ខណៈទារក៤ខែម្នាក់ត្រូវបានសង្គ្រោះចេញពីគំនរបាក់បែកដោយគ្មានរបួសស្នាម
© រក្សាសិទ្ធិដោយ thmeythmey.com
