ព័ត៍មានសុខភាព
តើត្រូវធ្វើដូចម្តេចដើម្បីឱ្យកូនអ្នកមានទម្លាប់ធ្វើលំហាត់?
× ការធ្វើលំហាត់ មិនត្រឹមតែជាឱកាសឱ្យកូនរបស់អ្នក បានរៀនសូត្របន្ថែមទៀតនោះទេ ប៉ុន្តែ ក៏ជាឱកាសមួយសម្រាប់អ្នកឱ្យមានឱកាស បានចូលរួមនៅក្នុងការអប់រំកូនអ្នកផងដែរ។ ប្រសិនបើអ្នកមានភាពធូររលុង អំពីការបង្រៀនកុមារ ឱ្យមានទម្លាប់ល្អនៅក្នុងការធ្វើលំហាត់នោះ វាអាចធ្វើឱ្យកូនអ្នក មានការលំបាកក្នុងការសម្របខ្លួនទៅនឹង កិច្ចការងារដ៏លំបាកបន្ថែមទៀតនោះ។
ខាងក្រោមនេះ គឺជាគន្លឹះមួយចំនួន ដើម្បីឱ្យកូនអ្នក មានទម្លាប់ល្អ នៅក្នុងការធ្វើលំហាត់ ៖
1. ការនិយាយជាមួយគ្រូ នៅដើមឆ្នាំ
អ្នកត្រូវសួរអំពីគោលការណ៍ នៃការធ្វើលំហាត់ និងរយៈពេលដែលអ្នកគួរចំណាយ នៅពេលយប់? ប្រព័ន្ធនៃការដាក់ពិន្ទុ? តើធ្វើដូចម្តេច ដើម្បីរៀបចំសម្រាប់មេរៀន នៅពេលខាងមុខ ដើម្បីពង្រឹងការងារនៅក្នុងថ្នាក់ ដើម្បីកម្រិតសមត្ថភាពរបស់កូនអ្នក? អ្នកត្រូវកំណត់ពីរបៀប ដែលអ្នកគួរជួយកូនរបស់អ្នក។
2. ការរៀបចំពេលវេលាឱ្យបានទៀងទាត់ ដើម្បីធ្វើលំហាត់
អ្នកត្រូវរៀបចំពេលវេលាសមស្របឱ្យកូនអ្នក ព្រោះកុមារមួយចំនួន អាចធ្វើកិច្ចការបានល្អ បន្ទាប់ពីចេញពីសាលារៀន ហើយកុមារខ្លះទៀត ត្រូវការសម្រាក មុននឹងចាប់ផ្ដើមធ្វើលំហាត់បាន។ ដូច្នោះ អ្នកត្រូវដឹងថា ពេលណាដែលសមស្របនឹងកូនអ្នក។
3. តាមដានកិច្ចការផ្ទះ
អ្នកត្រូវប្រាកដថា គ្រូបង្រៀនបានដាក់កិច្ចការផ្ទះឱ្យកូនអ្នក និងប្រាកដថា កូនអ្នកបានធ្វើកិច្ចការផ្ទះ ជារៀងរាល់យប់។
4. ការផ្ដល់ទីតាំងសមរម្យឱ្យកូនរបស់អ្នក សម្រាប់ធ្វើលំហាត់
អ្នកត្រូវផ្តល់តុ និងកៅអី ដែលមានផាសុខភាព ដើម្បីឱ្យកូនអ្នកមានភាពងាយស្រួល ក្នុងការសរសេរ និងមានពន្លឺគ្រប់គ្រាន់។
5. ផ្គត់ផ្គង់សំភារៈឱ្យបានគ្រប់គ្រាន់ ដូចជា ខ្មៅដៃ ប៊ិច បន្ទាត់ ក្រដាស វចនានុក្រម និងអ្វីៗផ្សេងទៀតសម្រាប់ធ្វើកិច្ចការផ្ទះ។
6. អ្នកត្រូវបិទទូរទស្សន៍ វិទ្យុ និងវីដេអូហ្គេម
អ្នកត្រូវព្យាយាម មិននិយាយទូរស័ព្ទ នៅក្នុងបន្ទប់ដែលកូនអ្នកកំពុងធ្វើលំហាត់ ដោយអ្នកត្រូវផ្តល់ពេលវេលាគ្រប់គ្រាន់ ដើម្បីឱ្យកូនអ្នក អាចបញ្ចប់កិច្ចការទាំងនោះបាន ដោយភាពស្ងៀមស្ងាត់។ កូនរបស់អ្នកអាចនឹងធ្វើកិច្ចការបានល្អបំផុត ប្រសិនបើអ្នករាល់គ្នានៅក្នុងគ្រួសារ កំពុងអាន ឬសរសេរ ក្នុងអំឡុងពេលដែលពួកគេកំពុងធ្វើលំហាត់។
7. ការធ្វើកិច្ចការរួមគ្នា
មុនពេលកូនរបស់អ្នកចាប់ផ្តើមធ្វើកិច្ចការផ្ទះ អ្នកត្រូវនិយាយអំពីការធ្វើលំហាត់នោះ ដោយអ្នកត្រូវប្រាកដថា កូនរបស់អ្នកយល់ពីការណែនាំ
8. ការពិនិត្យមើលពីលំហាត់ដែលបានកែតម្រូវហើយ
អ្នកត្រូវត្រួតពិនិត្យលំហាត់ ដែលបានកែតម្រូវហើយ ព្រោះវាជាឱកាសដែលអ្នកអាចសរសើរ នៅពេលដែលកូនអ្នកបានធ្វើកិច្ចការបានល្អ។
9. ការជួបជាមួយគ្រូបង្រៀនឱ្យបានឆាប់រហ័ស នៅពេលអ្នកកត់សម្គាល់ឃើញថា ការធ្វើកិច្ចការផ្ទះមានបញ្ហា។
ប្រសិនបើកិច្ចការផ្ទះមានការលំបាកពេក ឬមានភាពងាយស្រួលពេក ឬកូនរបស់អ្នកកំពុងមានបញ្ហាក្នុងការផ្ដោតអារម្មណ៍ អ្នកត្រូវពិភាក្សាជាមួយគ្រូបង្រៀន ដើម្បីស្វែងរកវិធីដើម្បីជួយកូនអ្នក។
10. ការបង្ហាញអំពីឧទាហរណ៍ដ៏ល្អ
អ្នកត្រូវបង្ហាញកូនអ្នកអំពីសារៈសំខាន់នៃការអាន និងការសរសេរ ដូចជា ការអានបញ្ជីនៅផ្សារទំនើប ឬការសរសេរលិខិត៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com