ជាតិ
×![]()
សៀមរាប៖ ក្រុមយុវជននៅក្នុងខេត្តសៀមរាប និងខ្លះមកពីបណ្តាខេត្តក្រុងមួយចំនួន បានជួបជុំគ្នា រៀបចំក្បួនដង្ហែមួកស្លឹកត្នោតជាទ្រុងទ្រាយធំនៅទីក្រុងសៀមរាប។ ក្បួនដង្ហែ ដើម្បីផ្សព្វផ្សាយពីមួកត្នោតលើកទី២នេះ មានអ្នកចូលរួមប្រមាណ១០០នាក់ ក្នុងគោលបំណង លើកកម្ពស់វប្បធម៌ខ្មែរតាមរយៈមួកស្លឹកត្នោត។
ក្បួនកង់ និងម៉ូតូ ដែលក្រុមយុវជនប្រើប្រាស់ ដើម្បីផ្សព្វផ្សាយមួកត្នោត បានឆ្លងកាត់នៅទីប្រជុំសំខាន់ៗ ក្នុងទីក្រុងសៀមរាប។ ក្រោយពីកាត់តំបន់ផ្សារចាស់ និងឆ្លងតាមព្រះរាជដំណាក់ហើយនោះ ក្បួនមួកត្នោត បានសំដៅទៅប្រាសាទអង្គរវត្ត។ ទីនោះហើយ ដែលក្រុមយុវជនមានគ្នាប្រមាណ១០០នាក់ បានធ្វើសកម្មភាពចុះចែកមួកត្នោត ដល់ភ្ញៀវទេសចរទូទៅ ក្នុងនោះមានទាំងខ្មែរ និងបរទេស។
កាលពីឆ្នាំ២០១៤កន្លងទៅ សកម្មភាពបែបនេះធ្លាប់ធ្វើម្តងរួចមកហើយ។ បន្ទាប់ពីមើលឃើញពីភាពជោគជ័យ នៃការខិតខំប្រឹងប្រែងរបស់ខ្លួន យុវជនដែលភាគច្រើនគេស្គាល់ថា ជានិស្សិតនៅសាលាបញ្ញាសាស្ត្រ បានផ្តួចផ្តើមឲ្យមានសកម្មភាពលើកទី២ ដែលធ្វើឡើងកាលពីថ្ងៃទី៣ ឧសភា។ មួកស្លឹកត្នោតចំនួន១០០០មួក បានចែកទៅដល់ភ្ញៀវទេសចរ ក្នុងបំណងឲ្យពួកគេស្គាល់ និងដឹងថា វាជាផ្នែកមួយនៃអត្តសញ្ញាណជាតិខ្មែរ។
យុវជន សឿ សេរីរ័ត្ន តំណាងក្រុមយុវជនមួកត្នោតខ្មែរ បានឲ្យដឹងថា ក្រុមរបស់លោកបង្កើតឡើងដោយមិត្តភក្តិចំនួន៧នាក់។ ការបង្កើតក្រុមមួកត្នោតនេះ ក្រោយពីពួកគេជាយុវជនមើលឃើញថា និន្នាការពាក់មួកត្នោត មានការធ្លាក់ចុះគួរឲ្យកត់សម្គាល់។ សេរីរ័ត្ន បន្ថែមថា វាមានសារសំខាន់បំផុត នៅពេលប្រជាពលរដ្ឋងាកមកចូលរួម គាំទ្រមួកត្នោតខ្មែរ ឡើងវិញ ដើម្បីវប្បធម៌ ក៏ដូចជាបង្កើតមុខរបរដល់អ្នកផលិតជាដើម។
កញ្ញា ហែម គន្ធា អ្នកស្ម័គ្រចិត្តចូលរួមផ្សព្វផ្សាយមួកត្នោត បានឲ្យដឹងថា នេះជាលើកទី២ហើយ ដែលនាងបានចូលរួមផ្សព្វផ្សាយមួកត្នោត។ កញ្ញារម្លឹកថា ដោយសង្កេតឃើញពីការលែងចាប់អារម្មណ៍នឹងមួកត្នោតរបស់ភ្ញៀវទេសចរ នាងនិងមិត្តភក្តិឯទៀត បាននាំគ្នាគិតថា នឹងធ្វើសកម្មភាព លើកកម្ពស់ការប្រើប្រាស់មួកត្នោតឡើងវិញ។ នាងបន្ថែមថា ក្រោយសកម្មភាពជាហូរហែររយៈពេលពេញមួយឆ្នាំ ឃើញថាមានភ្ញៀវទេសចរជាច្រើនបានពេញនិយមពាក់មួកត្នោតឡើងវិញ ជាពិសេសអំឡុងពេលព្រឹត្តិការណ៍អង្គរសង្ក្រាន្តឆ្នាំ២០១៥ ដែលក្នុងនោះ មានទាំងថ្នាក់ដឹកនាំប្រទេស ក៏ចូលរួមពាក់មួកត្នោត ដែលបង្ហាញពីអត្តសញ្ញាណជាតិខ្មែរផងដែរ។
ការចែកមួកចំនួន១០០០មួក គឺធ្វើឡើងដោយគិតថ្លៃ។ ក្រុមយុវជនដែលមានគ្នាប្រមាណ១០០នាក់ ដែលចូលរួមដង្ហែមួកត្នោតកាលពីថ្ងៃអាទិត្យនោះ បានរៃអង្គាសគ្នាតាមរយៈការទិញអាវយឺតដែលមានរូបមួកត្នោត។ ថវិកាដែលបានមកពីការលក់អាវយឺតនោះហើយ ដែលអាចឲ្យពួកគេមានលទ្ធភាព ធ្វើសកម្មភាពនេះបាន។
គួរបញ្ជាក់ដែរថា ក្រោយពីបញ្ចប់ការចែកមួកដល់ភ្ញៀវនៅអង្គរវត្តហើយ ក្រុមមួកត្នោតខ្មែរ ក៏បានស្រែកពាក្យស្លោកមួយចំនួន ក្នុងន័យផ្សព្វផ្សាយ និងបំផុសដល់ពលរដ្ឋខ្មែរ ឲ្យងាកមកប្រើប្រាស់មួកត្នោតឡើងវិញ ជាពិសេសពេលពួកគាត់ មកកម្សាន្តក្នុងទឹកដីអង្គរវត្ត។ សម្រាប់បរទេស ពួកគេបានពន្យល់ថា មួកត្នោតបង្ហាញពីអត្តសញ្ញាណខ្មែរ ដូច្នេះពួកគេគួរពាក់មួកត្នោតទាំងអស់គ្នា ដើម្បីឲ្យតម្លៃវប្បធម៌ និងលើកកម្ពស់ជីវភាពប្រជាពលរដ្ឋខ្មែរ៕
ក្បួនកង់ និងម៉ូតូ ដែលក្រុមយុវជនប្រើប្រាស់ ដើម្បីផ្សព្វផ្សាយមួកត្នោត បានឆ្លងកាត់នៅទីប្រជុំសំខាន់ៗ ក្នុងទីក្រុងសៀមរាប។ ក្រោយពីកាត់តំបន់ផ្សារចាស់ និងឆ្លងតាមព្រះរាជដំណាក់ហើយនោះ ក្បួនមួកត្នោត បានសំដៅទៅប្រាសាទអង្គរវត្ត។ ទីនោះហើយ ដែលក្រុមយុវជនមានគ្នាប្រមាណ១០០នាក់ បានធ្វើសកម្មភាពចុះចែកមួកត្នោត ដល់ភ្ញៀវទេសចរទូទៅ ក្នុងនោះមានទាំងខ្មែរ និងបរទេស។
កាលពីឆ្នាំ២០១៤កន្លងទៅ សកម្មភាពបែបនេះធ្លាប់ធ្វើម្តងរួចមកហើយ។ បន្ទាប់ពីមើលឃើញពីភាពជោគជ័យ នៃការខិតខំប្រឹងប្រែងរបស់ខ្លួន យុវជនដែលភាគច្រើនគេស្គាល់ថា ជានិស្សិតនៅសាលាបញ្ញាសាស្ត្រ បានផ្តួចផ្តើមឲ្យមានសកម្មភាពលើកទី២ ដែលធ្វើឡើងកាលពីថ្ងៃទី៣ ឧសភា។ មួកស្លឹកត្នោតចំនួន១០០០មួក បានចែកទៅដល់ភ្ញៀវទេសចរ ក្នុងបំណងឲ្យពួកគេស្គាល់ និងដឹងថា វាជាផ្នែកមួយនៃអត្តសញ្ញាណជាតិខ្មែរ។
យុវជន សឿ សេរីរ័ត្ន តំណាងក្រុមយុវជនមួកត្នោតខ្មែរ បានឲ្យដឹងថា ក្រុមរបស់លោកបង្កើតឡើងដោយមិត្តភក្តិចំនួន៧នាក់។ ការបង្កើតក្រុមមួកត្នោតនេះ ក្រោយពីពួកគេជាយុវជនមើលឃើញថា និន្នាការពាក់មួកត្នោត មានការធ្លាក់ចុះគួរឲ្យកត់សម្គាល់។ សេរីរ័ត្ន បន្ថែមថា វាមានសារសំខាន់បំផុត នៅពេលប្រជាពលរដ្ឋងាកមកចូលរួម គាំទ្រមួកត្នោតខ្មែរ ឡើងវិញ ដើម្បីវប្បធម៌ ក៏ដូចជាបង្កើតមុខរបរដល់អ្នកផលិតជាដើម។
កញ្ញា ហែម គន្ធា អ្នកស្ម័គ្រចិត្តចូលរួមផ្សព្វផ្សាយមួកត្នោត បានឲ្យដឹងថា នេះជាលើកទី២ហើយ ដែលនាងបានចូលរួមផ្សព្វផ្សាយមួកត្នោត។ កញ្ញារម្លឹកថា ដោយសង្កេតឃើញពីការលែងចាប់អារម្មណ៍នឹងមួកត្នោតរបស់ភ្ញៀវទេសចរ នាងនិងមិត្តភក្តិឯទៀត បាននាំគ្នាគិតថា នឹងធ្វើសកម្មភាព លើកកម្ពស់ការប្រើប្រាស់មួកត្នោតឡើងវិញ។ នាងបន្ថែមថា ក្រោយសកម្មភាពជាហូរហែររយៈពេលពេញមួយឆ្នាំ ឃើញថាមានភ្ញៀវទេសចរជាច្រើនបានពេញនិយមពាក់មួកត្នោតឡើងវិញ ជាពិសេសអំឡុងពេលព្រឹត្តិការណ៍អង្គរសង្ក្រាន្តឆ្នាំ២០១៥ ដែលក្នុងនោះ មានទាំងថ្នាក់ដឹកនាំប្រទេស ក៏ចូលរួមពាក់មួកត្នោត ដែលបង្ហាញពីអត្តសញ្ញាណជាតិខ្មែរផងដែរ។
ការចែកមួកចំនួន១០០០មួក គឺធ្វើឡើងដោយគិតថ្លៃ។ ក្រុមយុវជនដែលមានគ្នាប្រមាណ១០០នាក់ ដែលចូលរួមដង្ហែមួកត្នោតកាលពីថ្ងៃអាទិត្យនោះ បានរៃអង្គាសគ្នាតាមរយៈការទិញអាវយឺតដែលមានរូបមួកត្នោត។ ថវិកាដែលបានមកពីការលក់អាវយឺតនោះហើយ ដែលអាចឲ្យពួកគេមានលទ្ធភាព ធ្វើសកម្មភាពនេះបាន។
គួរបញ្ជាក់ដែរថា ក្រោយពីបញ្ចប់ការចែកមួកដល់ភ្ញៀវនៅអង្គរវត្តហើយ ក្រុមមួកត្នោតខ្មែរ ក៏បានស្រែកពាក្យស្លោកមួយចំនួន ក្នុងន័យផ្សព្វផ្សាយ និងបំផុសដល់ពលរដ្ឋខ្មែរ ឲ្យងាកមកប្រើប្រាស់មួកត្នោតឡើងវិញ ជាពិសេសពេលពួកគាត់ មកកម្សាន្តក្នុងទឹកដីអង្គរវត្ត។ សម្រាប់បរទេស ពួកគេបានពន្យល់ថា មួកត្នោតបង្ហាញពីអត្តសញ្ញាណខ្មែរ ដូច្នេះពួកគេគួរពាក់មួកត្នោតទាំងអស់គ្នា ដើម្បីឲ្យតម្លៃវប្បធម៌ និងលើកកម្ពស់ជីវភាពប្រជាពលរដ្ឋខ្មែរ៕
© រក្សាសិទ្ធិដោយ thmeythmey.com
