សង្គមអន្តរជាតិ
អន្តរជាតិ
កម្មករធ្វើការក្នុងវិស័យរុករករ៉ែ ជាក្រុមមនុស្សដែលចូលចិត្តផឹកស្រាច្រើនជាងគេ
× ការប្រើប្រាស់សារធាតុញៀន នៅតែបន្តធ្វើឱ្យមានផលប៉ះពាល់ដល់ផលិតភាព នៃកម្លាំងពលកម្មនៅក្នុងសហរដ្ឋអាមេរិក ដូច្នេះហើយទើបរដ្ឋាភិបាលអាមេរិក បានយកបញ្ហានេះធ្វើជាទិន្នន័យសិក្សា ដើម្បីដោះស្រាយអត្រាការពិសាសុរា ក្នុងចំណោមកម្មករនៅក្នុងប្រភេទការងារផ្សេងៗគ្នាជាច្រើនវិស័យ។
នៅក្នុងរបាយការណ៍មួយ ដែលចេញផ្សាយដោយរដ្ឋាភិបាលអាមេរិក ដែលធ្វើការស្ទង់មតិទៅលើកម្មករដែលមានអាយុចាប់ពី ១៨ ដល់ ៦៤ ឆ្នាំ បានបង្ហាញថា កម្មករដែលធ្វើការនៅក្នុងអាជីវកម្មរុករករ៉ែ ត្រូវបានគេចាត់ទុកថាមាន អត្រាខ្ពស់បំផុតក្នុងការប្រើប្រាស់គ្រឿងស្រវឹង រហូតដល់ ១៧,៥ ភាគរយក្នុងមួយខែ។
យ៉ាងណាក៏ដោយ អត្រាខ្ពស់នេះគឺមិនបានកំណត់ពី អាយុ និងភេទនោះទេ។ ទិន្នន័យនេះបានបង្ហាញថា អត្រាខ្ពស់នៃផឹកស្រា នៅក្នុងឧស្សាហកម្មរុករករ៉ែនេះ អាចឲ្យគេអាចកំណត់បានពីសមាសភាពប្រជាសាស្ត្រនៃឧស្សាហកម្មរ៉ែនេះ។
វិស័យមួយទៀតដែលមានអ្នកប្រើប្រាស់គ្រឿងស្រវឹងច្រើនជាងគេ ដែរនោះគឺកម្មករធ្វើការក្នុងវិស័យសំណង់ដែលមានអត្រា ១៦,៥ ភាគរយ នៃកម្មករក្នុងវិស័យផ្សេងៗដែលបានប្រើប្រាស់ជាតិអាល់កុល។
បើតាមទិន្នន័យដដែលនោះ កម្មករដែលធ្វើការក្នុងវិស័យសុខាភិបាល និងថែទាំសុខភាព ជាក្រុមមនុស្សដែលផឹកស្រាតិចជាងគេ គឺមានអត្រាតែ ៤,៤ ភាគរយប៉ុណ្ណោះ ខណៈពេលដែលអ្នកធ្វើការក្នុងវិស័យអប់រំ ក៏មិនសូវចូលចិត្តផឹកគ្រឿងស្រវឹងផងដែរ ដែឡមានអត្រា ៤,៧ ភាគរយ៕
© រក្សាសិទ្ធិដោយ thmeythmey.com