ជាតិ
មហោស្រពសៀកអន្តរជាតិ«ទីនេះទីនោះ»លើកទី៩ ចាប់ផ្តើមនៅថ្ងៃស្អែក
×
សិល្បករសៀកជាង៥០នាក់ មកពី៥ប្រទេស រួមមានកម្ពុជា បារាំង ស្វីស តៃវ៉ាន់ និងប្រទេសវៀតណាម នឹងមកជួបជុំគ្នានៅសម្តែងកម្ពុជា នៅក្នុងព្រឹត្តិការណ៍មហោស្រពសៀកអន្តរជាតិ«ទីនោះទីនោះ» លើកទី៩ ដែលនឹងចាប់ផ្តើមធ្វើនៅថ្ងៃទី៧ខែឧសភាស្អែកនេះ។
មហោស្រពសៀកអន្តរជាតិ«ទីនេះទីនោះ» លើកទី៩ រៀបចំឡើងដោយសហគ្រាសសង្គមហ្វារ PPSE ក្នុងគោលបំណងផ្សព្វផ្សាយពីសិល្បៈសៀកខ្មែរឲ្យកាន់តែទូលំទូលាយទៅដល់ពិភពលោក ផ្តល់ឱកាសការងារឲ្យសិល្បករ សិល្បការិនីសៀកខ្មែរ និងឲ្យពួកគាត់ទទួលបានបទពិសោធន៍ ព្រមទាំងរៀនសូត្រពីបច្ចេកទេសសម្តែងជាមួយសិល្បករបរទេសផ្សេងទៀត។
នេះគឺជាឆ្នាំទី២ហើយ ដែលមហាស្រពសៀកអន្តរជាតិ«ទីនេះទីនោះ» ត្រូវបានរៀបចំឡើងនៅកម្ពុជា។ មហាស្រពសៀកអន្តរជាតិ«ទីនេះទីនោះ» នឹងធ្វើការសម្តែងនៅក្រុង៣ដាច់ដោយឡែកពីគ្នា។ ការបង្ហាញពីទស្សនីយភាពសៀក នៅភ្នំពេញ ចាប់ពីថ្ងៃទី៧ដល់ទី៩ខែឧសភា ខេត្តសៀមរាបពីថ្ងៃទី ១១ដល់ទី១៣ ខែឧសភា និងចុងក្រោយគឺខេត្តបាត់ដំបង ពីថ្ងៃទី១៥ដល់ថ្ងៃទី១៦ខែឧសភា៕
© រក្សាសិទ្ធិដោយ thmeythmey.com