សង្គមអន្តរជាតិ
អន្តរជាតិ
×![]()
ការរីកចម្រើននៃបច្ចេកវិទ្យា បានធ្វើឲ្យមានការគំរាមកំហែងជាខ្លាំង ដល់ជីវភាពរស់នៅប្រចាំថ្ងៃរបស់មនុស្ស។ ជាក់ស្ដែងមនុស្សចាប់ផ្ដើមកាត់បន្ថយការចំណាយជាសាច់ប្រាក់សុទ្ធ ដោយងាកទៅរកការចំណាយមួយដែលជំនួសឲ្យការទូទាត់ជាសាច់ប្រាក់ ដូចជាការប្រើកាត ATM កាតឥណពន្ធ ការទូទាត់ចំណាយតាមរយៈទូរសព្ទជាដើម។
បច្ចុប្បន្ននេះ នៅក្នុងបណ្ដាប្រទេសជាច្រើនបានចាប់ផ្ដើមផ្លាស់ប្ដូរនិន្នាការ ក្នុងការចាយសាច់ប្រាក់សុទ្ធនេះ ដោយជំនួសវិញជាការទូទាត់ដោយមិនមែនជាសាច់ប្រាក់។ ស្របពេលជាមួយគ្នានេះផងដែរ មានប្រទេសចំនួន ១០ នៅលើពិភពលោក ដែលអត្រានៃការចាយក្រដាសប្រាក់ពួកគេ គឺនៅទាបបំផុត ដោយពួកគេងាកទៅរកការទូទាត់តាមសេវា ធនាគារ និងសេវាផ្សេងៗទៀត ជំនួសឲ្យការចាយសាច់ប្រាក់សុទ្ធ។ ខាងក្រោមនេះគឺជាប្រទេស ១០ ដែលមានប្រជាជនមិនសូវចាយក្រដាសប្រាក់ សម្រាប់ការទូទាត់ផ្សេងៗ ៖
ទី១០ ប្រទេសកូរ៉េខាងត្បូង៖ ប្រទេសនេះមានប្រជាជន មិនចាយសាច់ប្រាក់សម្រាប់ការទូទាត់ រហូតដល់ទៅ ៧០ ភាគរយនៃអតិថិជនសរុបទូទាំងប្រទេស ខណៈពេលដែលមានអ្នកប្រើកាតឥណពន្ធ ប្រហែល ៥៨ ភាគរយុ។
ទី៩ ប្រទេសអាឡឺម៉ង់៖ មានអត្រាប្រជាជនមិនចាយសាច់ប្រាក់សុទ្ធប្រមាណជា ៧៦ ភាគរយ ក្នុងចំណោមអ្នកដែលមានកាតឥណពន្ធ ៨៨ ភាគរយ។
ទី៨ សហរដ្ឋអាមេរិក៖ មានប្រជាជនមិនចាយសាច់ប្រាក់ ៨០ ភាគរយ នៃចំនួនប្រជាជនដែលមានកាតឥណពន្ធ ៧២ ភាគរយ។
ទី៧ ប្រទេសហូឡង់៖ មានអត្រាប្រជាជនមិនប្រើសាច់ប្រាក់សម្រាប់ទូទាត់រហូតដល់ ៨៥ ភាគរយ ក្នុងចំណោមប្រជាដែលមានកាតឥណពន្ធ ៩៨ ភាគរយ។
ទី៦ ប្រទេសអូស្ត្រាលី៖ មានប្រជាជន ៨៦ ភាគរយមិនចាយសាច់ប្រាក់សុទ្ធ ក្នុងចំណោមអ្នកប្រើកាតឥណពន្ធ ៧៩ ភាគរយ។
ទី៥ ប្រទេសស៊ុយអ៊ែត៖ មានអត្រាអ្នកមិនចាយក្រដាសប្រាក់ ៨៩ ភាគរយ ក្នុងចំណោមប្រជាដែលមានកាតឥណពន្ធប្រើ ៩៦ ភាគរយ។
ទី៤ ចក្រភពអង់គ្លេស៖ មានប្រជាដែលមិនសូវចាយក្រដាសប្រាក់ ៨៩ ភាគរយ ក្នុងចំណោមអ្នកដែលមានកាតឥណពន្ធប្រើប្រាស់ជាង ៨៨ ភាគរយ។
ទី៣ ប្រទេសកាណាដា៖ មានអត្រាប្រជាជនដែលមិនចាយក្រដាសប្រាក់រហូតដល់ ៩០ ភាគរយ ក្នុងចំណោប្រជាជនដែលមានកាតឥណពន្ធប្រើ ៨៨ ភាគរយ។
ទី២ ប្រទេសបារាំង៖ មានប្រជាជណមិនចូលចិត្តចាយក្រដាសប្រាក់ ៩២ ភាគរយ ក្នុងចំណោមអ្នកចាយប្រាក់តាមកាតឥណពន្ធ ៦៩ ភាគរយ។
ទី១ ប្រទេសប៊ែលហ្សិក មានប្រជាជនមិនប្រើសាច់ប្រាក់ ៩៣ ភាគរយនៃប្រជាជនសរុប ហើយ ៨៦ ភាគរយនៃពួកគេ ដែលមានកាតឥណពន្ធប្រើប្រាស់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
