ទស្សនារូបភាពនៃការប្រារព្ធពិធីចងចាំ «២០ ឧសភា» នៅជើងឯក

ជាតិ

ទស្សនារូបភាពនៃការប្រារព្ធពិធីចងចាំ «២០ ឧសភា» នៅជើងឯក

20, May 2015 , 7:39 pm

រូបភាព

ដោយ: ថ្មីៗ

អភិបាលរាជធានីភ្នំពេញ លោក ប៉ា សុជាតិវង្ស និងមន្ត្រីរាជការ សិស្ស និស្សិត ប្រជាពលរដ្ឋ ជាច្រើនរយនាក់នៅព្រឹកថ្ងៃទី២០ ខែឧសភា បាននាំគ្នាធ្វើពិធីបង្សុកូល រាប់បាតព្រះសង្ឃ ជាង២០០ អង្គ នៅមជ្ឈមណ្ឌលប្រល័យពូជសាសន៍ជើងឯក ដើម្បីឧទ្ទិសកុសល ដល់ប្រជាពលរដ្ឋ ដែលបានស្លាប់ ក្នុងរបបខ្មែរក្រហម។

ថ្ងៃ២០ឧសភា ត្រូវបានចាត់ទុកជាថ្ងៃនៃទិវាចងចាំដែលរំលឹកពីអំពើឃោឃៅនៃរបប ប៉ុល ពត និងជាថ្ងៃប្រវត្តិសាស្ត្រ ដែលប្រជាជនកម្ពុជាចងចាំ មិនអាចបំភ្លេចបាន នូវសោកនាដកម្មខ្លោចផ្សាក្នុងរបបអាវខ្មៅ។

របបកម្ពុជាប្រជាធិបតេយ្យ ប្រល័យពូជសាសន៍ ប៉ុល ពត គឺបានធ្វើឲ្យប្រជាជនរស់នៅដោយទុក្ខវេទនាអស់រយៈពេល ៣ឆ្នាំ ៨ខែ ២០ថ្ងៃ ហើយរបបខ្មែរក្រហមមួយនេះ ក៍បានសម្លាប់ប្រជាជនកម្ពុជា ជាង២លាននាក់។ កន្លងមក គេហៅថ្ងៃទី២០ ខែឧសភា ថា ជា «ទិវាចងកំហឹង» ៕