អត្ថបទពាណិជ្ជកម្ម
×![]()
×![]()
×![]()
ដោយ: ថ្មីៗ
វិទ្យាស្ថានអន្តរជាតិ កម្ពុជា-អាស៊ាន (CAM-ASEAN) និងសមាគមសហគ្រិនវ័យក្មេងកម្ពុជា (YEAC) នឹងសហការរៀបចំសិក្ខាសាលាជាសាធាណៈមួយស្តីពី “ការវិភាគលើកិច្ចប្រជុំកំពូលអាស៊ានលើកទី២៦ និងកិច្ចប្រជុំពាក់ព័ន្ធ នៅទីក្រុង Kualar Lumpur៖ លទ្ធផល តថភាព និងផែនការទៅអនាគត" នៅថ្ងៃសៅរ៍ ទី៣០ ខែឧសភា ឆ្នាំ២០១៥ វេលាម៉ោង ២រសៀល នៅវិទ្យាស្ថានអន្តរជាតិ កម្ពុជា-អាស៊ាន។
អញ្ជើញចូលរួមជាវាគ្មិនកិត្តិយសរួមមាន (១)លោកគង់ រដ្ឋា ប្រធាននាយកដ្ឋានអាស៊ាន ក្រសួងសេដ្ឋកិច្ច និងហិរញ្ញវត្ថុ (២) ឧកញ្ញ៉ា សុខ ពិសិដ្ឋ ប្រធានសមាគមសហគ្រិនវ័យក្មេងកម្ពុជា និង(៣) លោកស៊ាង សុបញ្ញា នាយកវិទ្យាស្ថានអន្តរជាតិ កម្ពុជា-អាស៊ាន។ វាគ្មិនទាំងបីសុទ្ធតែបានចូលរួមក្នុងកិច្ចប្រជុំខាងលើ។ សិក្ខាសាលានេះត្រូវបានរៀបចំទ្បើងក្នុងគោលបំណងរួមចំណែកបញ្ជ្រាបព័ត៌មានអំពីវឌ្ឍនភាព បច្ចុប្បន្នភាព និងចក្ខុវិស័យសហគមអាស៊ាន។លោក គង់ រដ្ឋា ក្នុងនាមជាមន្ត្រីជំនាញជាន់ខ្ពស់នឹងបង្ហាញពីវឌ្ឍភាពលើការកសាងសហគមអាស៊ាន និងគោលនយោបាយជាក់ស្តែងនានាដើម្បីសម្រេចចក្ខុវិស័យ និងដោះស្រាយបញ្ហាប្រឈមរួមរបស់អាស៊ាន។ លោកឧកញ្ញ៉ាសុខ ពិសិដ្ឋ ដែលបានចូលរួមក្នុងក្រុមប្រឹក្សាផ្តល់យោបល់ធុរកិច្ចអាស៊ាន នឹងគូសបញ្ជាក់ពីការរៀបចំគោលនយោបាយ ក្របខណ្ឌគតិយុត្តិ និងបរិយាកាសធុរកិច្ច ព្រមទាំងកាលានុវត្តភាពនានាទាំងក្នុងអាស៊ាន និងជាមួយដៃគូពាណិជ្ជកម្មអាស៊ាន តំណាងឲ្យវិស័យឯកជន។ លោក ស៊ាង សុបញ្ញា ដែលបានចូលរួមក្នុងវេទិកាភាពជាអ្នកដឹកនាំអាស៊ាន និងកិច្ចពិភាក្សាតុមូលរបស់អ្នកដឹកនាំវ័យក្មេងអាស៊ាន នឹងផ្តល់បច្ចុប្បន្នភាពលើកិច្ចខិតខំកសាងសហគមអាស៊ានដែលផ្តោតលើប្រជាជន និងការរំពឹងចង់បានរបស់យុវជនជំនាន់ក្រោយ។
សូម មិត្តអ្នកសារព័ត៌មាន អ្នកស្រាវជ្រាវ ធុរជន សិស្ស-និស្សិត និងសាធារណជនអញ្ជើញចូលរួម ដោយឥតគិតថ្លៃ។
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
