ពិភពតារា៖ ហេង ម៉ារ៉ាឌី រវល់ប្រមូលប្រាក់ទុកសិល្បៈមួយអន្លើ
ភ្នំពេញ៖តារាសម្តែងនិងជាពិធីការិនីកញ្ញាហេងម៉ារ៉ាឌីមួយរយៈចុងក្រោយនេះគេមិនសូវឃើញវត្តមាននាងនៅតាមបណ្តាស្ថានីយទូរទស្សន៍ឬភាពយន្តណាមួយឡើយខណៈដែលប្រភពទម្លាយឲ្យដឹងថានាងជាប់ដៃរវល់ការងារនៅហាងសាឡនដែលនាងបានបើកដំណើរការជាង៣ឆ្នាំមកនេះ។
ក្រៅពីមានអាជីពជាអ្នកសិល្បៈកញ្ញាហេងម៉ារ៉ាឌីក៏ជាថៅកែហាងកែសម្ផស្សនិងអ៊ុតសក់មួយកន្លែងផងដែរដែលមានឈ្មោះថា“ម៉ារ៉ាឌីសាឡន។មួយរយៈកន្លងមកនេះគេមិនសូវឃើញនាងបង្ហាញវត្តមាននៅក្នុងកម្មវិធីអ្នកសិល្បៈឬថតខ្សែភាពយន្តនោះទេ។ទោះជាយ៉ាងណាការស្ងាត់មិនសូវឃើញមុខបង្ហាញនៅក្នុងអាជីពសិល្បៈត្រូវបានប្រភពមួយទម្លាយឲ្យដឹងថាតារាស្រីរូបស្រស់នេះជាប់រវល់ប្រមូលប្រាក់នៅក្នុងហាងសាឡនរបស់នាង។ប៉ុន្តែចំណុចនេះហេងម៉ារ៉ាឌីទទួលស្គាល់ទាំងស្ទាក់ស្ទើរថាការមិនសូវបានឡើងនៅតាមបណ្តាប៉ុស្តិ៍ទូរទស្សន៍ឬសម្តែងភាពយន្តនោះដោយសារតែនាងជាប់រវល់ការងារនៅហាងសាឡន។
តារាសម្តែងនិងជាអតីតពិធីការិនីក្នុងកម្មវិធីRevlon រូបនេះបើទោះបីជាបានធីបការងារសិល្បៈទៅមួយឡែកនិងកំពុងទទួលបានជោគជ័យយ៉ាងខ្លាំងលើមុខជំនួញក្នុងការងារបើកហាងសាឡននោះយ៉ាងណាក៏ដោយប៉ុន្តែជីវិតហឺហារបស់នាងដែលកំពុងក្តោបក្តាប់លុយរាប់ម៉ឺនដុល្លារនោះនៅតែត្រូវគេសង្ស័យថានាងប្រាកដជាមានការជ្រោមជ្រែងពីនរណាម្នាក់ឬបុរសជាគូស្នេហ៍មិនខាន។
ទោះបីជាមានការលើកឡើងយ៉ាងណាក៏ដោយនៅពេលដែលសួរថាក្នុងជីវិតហឺហាសព្វថ្ងៃដែលមនុស្សមួយចំនួនមើលឃើញថាម៉ារ៉ាឌីកំពុងក្តោបក្តាប់ប្រាក់រាប់ម៉ឺនដុល្លារក្នុងដៃត្រូវគេសង្ស័យថាមានគេឧបត្ថម្ភនោះនាងបានឆ្លើយយ៉ាងរហ័សថាវាជារឿងមិនពិតទាល់តែសោះខណៈដែលរហូតមកដល់សព្វថ្ងៃនេះខ្ញុំខិតខំរកប្រាក់ស្ទើរតែមិនហ៊ានឈប់សម្រាកទម្រាំបានប៉ុណ្ណេះប៉ុន្តែបែរជាមានពាក្យចចាមអារ៉ាមថាខ្ញុំត្រូវបានគេឧបត្ថម្ភទៅវិញ។
ទោះជាមានការអះអាងយ៉ាងនេះក្តីប៉ុន្តែមហាជនមួយចំនួននៅតែដាក់ការសង្ស័យថាតារាសម្តែងដែលជាម្ចាស់ហាងសាឡនរូបនេះនៅតែស្ថិតក្នុងការជួយជ្រោមជ្រែងពីនរណាម្នាក់មិនខានខណៈដែលការងារសិល្បៈរបស់នាងសព្វថ្ងៃបូករួមទាំងអាជីពសាឡននោះទៀតក៏មិនអាចបង្ហាញនូវភាពឡូយឆាយហឺហាដុល្លារកាន់ក្នុងដៃក្រាស់ក្រែលយ៉ាងនេះទេ៕
© រក្សាសិទ្ធិដោយ thmeythmey.com