មិនទាន់ដឹងពីកាលបរិច្ឆេទមកដល់កម្ពុជារបស់ជនភៀសខ្លួនទាំង៤នាក់ពីប្រទេសណូរូ

ជាតិ

មិនទាន់ដឹងពីកាលបរិច្ឆេទមកដល់កម្ពុជារបស់ជនភៀសខ្លួនទាំង៤នាក់ពីប្រទេសណូរូ

27, May 2015 , 10:47 am

រូបភាព

ដោយ:

ភ្នំពេញ៖ ព័ត៌មានស្តីពីការបញ្ជូនជនភៀសខ្លួនពីប្រទេសណូរូ មកកម្ពុជានៅតែជាព័ត៌មានក្តៅ រសើប និងលាក់កំបាំង។ ព័ត៌មានស្តីជនភៀសខ្លួន៤នាក់បានយល់ព្រមមករស់នៅកម្ពុជា ត្រូវបានសារព័ត៌មាននៅប្រទេសអូស្ត្រាលីចេញផ្សាយកាលពី២សប្តាហ៍មុន។ នៅពេលនេះកាសែតភ្នំពេញប៉ុស្ត៍បានស្រង់សំដីសមាជិកព្រឹទ្ធសភា និងមន្ត្រីប៉ូលីសអន្តោប្រវេសន៍ដែលនិយាយថារដ្ឋាភិបាលអូស្ត្រាលី នឹងបន្ថែមផ្តល់ជំនួយជាង១២លានដុល្លារអាមេរិកទៀត ពីលើជំនួយជាង៣១លានដុល្លារអាមេរិក ដែលត្រូវប្រើដើម្បីកសាងហេដ្ឋារចនាសម្ព័ន្ធនានាសម្រាប់ជនភៀសខ្លួន។

មន្ត្រីជាន់ខ្ពស់នៃក្រសួងមហាផ្ទៃ ហាក់នៅដឹងតិចតួចនៅឡើយអំពីព័ត៌មានស្តីពីជនភៀសខ្លួន។ អ្នកនាំពាក្យក្រសួងមហាផ្ទៃ លោកនាយឧត្តមសេនីយឯក ខៀវ សុភ័គ គ្រាន់តែបញ្ជាក់ថាឡើងវិញអំពីជនភៀសខ្លួនទាំង៤នាក់ដែលយល់ព្រមចាកចេញពីប្រទេសណូរូ មករស់នៅកម្ពុជា។ ជនភៀសខ្លួនទាំង៤ទាំងនាក់ត្រូវបានគេដឹងថា មានម្នាក់ជាជនជាតិ ភាគតិច រ៉ូហ៊ីងយ៉ាមកពីប្រទេសមីយ៉ាន់ម៉ា និងប្តីប្រពន្ធជនជាតិអ៊ីរ៉ង់២នាក់ និងបុរសម្នាក់ទៀតក៏ជាជនជាតិអ៊ីរ៉ង់។

ប៉ុន្តែលោកនាយឧត្តមសេនីយបញ្ជាក់ថា លោកនៅមិនទាន់ដឹងថា តើជនភៀសខ្លួនទាំង៤នាក់ នឹងមកដល់កម្ពុជានៅថ្ងៃណា? ហើយថាតើពួកគេនឹងត្រូវតាំងទីលំនៅ នៅកន្លែងនោះដែរ?

កាលពីចុងខែកញ្ញា ឆ្នាំ២០១៤ កម្ពុជាបានចុះហត្ថលេខាជាមួយប្រទេសអូស្ត្រាលីក្នុងការទទួលយកជនភៀស ដែលស្ថិតនៅក្រោមការទទួលខុសត្រូវរបស់អូស្ត្រាលី។ នៅពេលនោះ សារព័ត៌មានអូស្ត្រាលីបានផ្សាយថា ទំនងជាអាចអាចមានជនភៀសខ្លួន១០០០នាក់ ដែលអាចស្ថិតនៅក្នុងក្របខណ្ឌនៃកិច្ចព្រមព្រៀងនេះ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

5 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 ថ្ងៃ

អត្ថបទពេញនិយមបន្ថែម