កីឡាជាតិ
ជាតិ
លោក ហ៊ុន សែន៖ កីឡាជានយោយបាយការទូតដ៏មានប្រសិទ្ធភាព
× លោកនាយករដ្ឋមន្ត្រី ហ៊ុន សែន កាលពីថ្ងៃទី២៦ ខែឧសភា ឆ្នាំ២០១៥ បានចេញសារជូនពរមួយដល់ប្រតិភូកីឡា និងអត្តពលិកកម្ពុជា ដែលត្រូវបំពេញបេសកកម្មក្នុងការប្រកួតកីឡាស៊ីហ្គេមលើកទី២៨នៅប្រទេសសឹង្ហបុរីចាប់ពីថ្ងៃទី៥ ដល់ថ្ងៃទី១៦ ខែមិថុនា ឆ្នាំ២០១៥ ក្រោមពាក្យស្លោក «អបអរសាទរភាពអស្ចារ្យ» ។
លោក ហ៊ុន សែន បានលើកឡើងថា ស៊ីហ្គេមដែលជាព្រឹត្តិការណ៍កីឡារៀបចំរៀងរាល់២ឆ្នាំម្តង ផ្តល់ឱកាសឲ្យអត្តពលិកនៅបណ្តាប្រទេសទាំង១១ បញ្ចេញទេពកោសល្យ និងជំនាញកីឡារបស់ខ្លួន ក៏ដួចជាឱកាសបង្កើនចំណងមិត្តភាព សាមគ្គីភាព កិច្ចសហប្រតិបត្តិការ និងការផ្លាស់ប្តូរវប្បធម៌រវាងគ្នា។
លោកនាយករដ្ឋមន្ត្រីកម្ពុជា បានបន្ថែមថា កីឡាមិនត្រឹមតែពង្រឹងកម្លាំងកាយ មិត្តភាព និងកិច្ចសហប្រតិបត្តិការប៉ុណ្ណោះទេ ប៉ុន្តែវាក៏ជានយោបាយការទូតដ៏មានប្រសិទ្ធភាពផងដែរ។ លោកបានបញ្ជាក់ថា៖«ជាមួយនឹងការបន្តខិតខំប្រឹងប្រែងបន្ថែមទៀត រាជរដ្ឋាភិបាលបានអនុម័តគម្រោងសាងសង់ពហុកីឡដ្ឋានថ្មីមួយឈ្មោះថា ពហុកីឡដ្ឋានជាតិមរតកតេជោ ដែលកំពុងដំណើរការសាងសង់ដើម្បីត្រៀមខ្លួនរៀបចំធ្វើជាម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣នៅព្រះរាជាណាចក្រកម្ពុជា»។
សូមបញ្ជាក់ថា សម្រាប់ព្រឹត្តិការណ៍កីឡាស៊ីហ្គេមលើកទី២៨ នេះ កម្ពុជាបញ្ជូនកីឡាចំនួន២២ប្រភេទ។ កាលពីថ្ងៃទី១២ ខែឧសភា លោកនាយករដ្ឋមន្ត្រី ហ៊ុន សែន ក៏បានអនុញ្ញាតឲ្យប្រភិភូ និងអត្តពលិកកីឡាស៊ីហ្គេមកម្ពុជាចំនួន២៥៦នាក់ចូលរួមសម្តែងការគួរសមផងដែរ៕
© រក្សាសិទ្ធិដោយ thmeythmey.com