អន្តរជាតិ
ស្ត្រីចិនម្នាក់លេបដងវែកឆាប្រវែង ០,៣ ម៉ែត្រដើម្បីព្យាបាលជំងឺឈឺបំពង់ក
×![]()
ស្ត្រីជនជាតិចិនម្នាក់បានយកដងវែកឆាប្រវែង ៣០ សង់ទីម៉ែត្រលេបចូលក្នុងបំពង់ករបស់នាង ហើយកូរវាចុះឡើងៗដើម្បីព្យាបាលជំងឺឈឺករបស់នាង ប៉ុន្តែបែរជាធ្វើឲ្យនាងស្ទើរតែមានគ្រោះថ្នាក់ដល់ជីវិតទៅវិញ។ នេះបើយោងតាមកាសែត Daily China ។
កាសែតក៏បានរាយការណ៍ថា ស្ត្រីដែលត្រូវគេលាក់អត្តសញ្ញាណម្នាក់នោះ មានអាយុ ៣១ ឆ្នាំរស់នៅក្នុងតំបន់Humenទីក្រុង Dongguan នៃខេត្តក្វាងទុងភាគខាងត្បូងប្រទេសចិន។ស្ត្រីម្នាក់នេះធ្វើកាជាមេផ្ទះ ហើយនៅផ្ទះមើលថែរក្សាកូនស្រីអាយុបួនឆ្នាំម្នាក់ ខណៈពេលដែលប្ដីរបស់នាងបានបើកអាជីវកម្មតូចមួយនោះ។
នាងបាននិយាយប្រាប់កាសែតក្នុងស្រុកថា នាងមានការលំបាកក្នុងការដកដង្ហើមនៅពេលចម្អិនអាហារពេលល្ងាចហើយនាងក៏មានអារម្មណ៍ថាដូចជាមានពងស្បែកតូចៗនៅក្នុងបំពង់ករបស់នាង ដែលធ្វើឲ្យនាងឈឺបំពង់កជាខ្លាំង។ នៅពេលនោះនាងក៏បាននឹកឃើញវិធីព្យាបាលតាមបែបបុរាណមួយ ដោយប្រើប្រាស់វត្ថុអ្វីមួយដើម្បីបើកបំពង់ក។
ពីដំបូងឡើយស្ត្រីម្នាក់នោះ បានព្យាយាមខ្វេះបំពង់ករបស់នាងជាមួយម្រាមដៃ ប៉ុន្តែមិនអាចបំបាត់អាការៈឈឺកបាន ហើយក្រោយមកនាងក៏បានប្រើចង្កឹះចំនួន ៣ រុកចូលក្នុងបំពង់ក តែវាបាក់ទាំងអស់ហើយគ្នាប្រសិទ្ធិភាពនោះទេ។ចុងក្រោយនាងបានយកដងវែកធ្វើពីអាលុយមីញ៉ូម រួចលេបចូលទៅក្នុងមាត់របស់នាងប៉ុន្តែវាបានចូលទៅយ៉ាងជ្រៅក្នុងបំពង់ករបស់នាង ធ្វើឲ្យនាងមិនអាចទាញចេញមកវិញបាន ទើបនាងទោះរកគ្រូពេទ្យដើម្បីវះកាត់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
