ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ក្រសួងពន្យារពេលទទួលពាក្យ និងប្រកាសលទ្ធផលប្រកួតបច្ចេកវិទ្យាគមនាគមន៍ និងព័ត៌មាន ២០១៥
29, May 2015 ,
1:53 pm
រូបភាព
×
ដោយ:
ថ្មីៗ
ភ្នំពេញ៖ ក្រសួងប្រៃសណីយ៍ និងទូរគមនាគន៍បានសម្រេចពន្យារពេលទទួលពាក្យបេក្ខជន និងក្រុមហ៊ុន ទាំងវិស័យសាធារណៈ និងឯកជនទូទាំងប្រទេស ដែលមានបំណងចូលរួមប្រកួតប្រជែងយកពានរង្វាន់ បច្ចេកវិទ្យាគមនាគមន៍ និងព័ត៌មានកម្ពុជា ២០១៥ ចាប់ថ្ងៃទី២៩ ខែឧសភានេះ រហូតដល់ ថ្ងៃទី៥ ខែមិថុនា ឆ្នាំ២០១៥ វិញ។
កម្មវិធីប្រកួតប្រជែងពានរង្វាន់បច្ចេកវិទ្យាគមនាគមន៍ និងព័ត៌មានកម្ពុជា២០១៥ (Cambodia ICT Awards 2015) ដែលបានប្រកាសរៀបចំឡើងនាពេលកន្លងមកនេះ បានពន្យារ ពេលទទួលពាក្យរហូតដល់ថ្ងៃទី៥ ខែមិថុនា ហើយលទ្ធផលនឹងប្រកាសនៅថ្ងៃទី២៥ ខែមិថុនាវិញ។ ការពន្យារពេលនេះ គឺធ្វើឡើងតប តាមការស្នើសុំពេលវេលាថែមទៀត ក្នុងការ រៀបចំសំណុំបែបបទរបស់បេក្ខជន ក៏ដួចជាក្រុមហ៊ុនដែលមានបំណងដាក់ពាក្យចូលរួមប្រកួតប្រជែង។
ប្រធានមជ្ឈមណ្ឌលស្រាវជ្រាវ និងអភិវឌ្ឍន៍ក្រសួងប្រៃសណីយ៍ លោក ស៊ុន រ៉ាពីដ បានឲ្យសារព័ត៌មានថ្មីៗដឹងថា ក្រសួងនឹងឈប់ទទួលពាក្យប្រកួតប្រជែងពានរង្វាន់បច្ចេកវិទ្យា គមនាគមន៍ និងព័ត៌មានកម្ពុជា នៅថ្ងៃទី៥ ខែមិថុនាវិញ។ មូលហេតុដែលនាំឲ្យការពន្យាពេលនេះ លោកពន្យល់ថា៖«បេក្ខជន ដែលមានបំណងដាក់ពាក្យប្រឡង បានស្នើសុំមកយើងឲ្យពន្យាពេលទទួលពាក្យចូលរួម ប្រកួត ដោយពួកគាត់ថា គាត់ត្រូវការពេលវេលាបន្ថែមទៀត ដើម្បីរៀបចំដាក់ពាក្យ»។
បេក្ខជនដែលមានបំណងចូលរួមប្រកួតអាចទាយយក និងផ្ញើរសំណុំបែបបទចូលរួមកម្មវិធីប្រកួតប្រជែងនេះ តាមរយៈគេហទំព័រ www.cambodiaictaward.com ដោយផ្ទាល់។ បន្ទាប់មក បេក្ខជនត្រូវបំពេញពាក្យចុះឈ្មោះតាមរយៈ ទម្រង់ពាក្យអេឡិចត្រូនិក រួចហើយ បេក្ខជនត្រូវផ្ញើ URL វីដេអូ នៅលើ Youtube មុននឹងចុចប៊ូតុង Submit ។ ជ័យលាភី ក្នុងកម្មវិធីនេះ នឹងទទួលបានពានរង្វាន់ និងថវិកាជាង ១ពាន់ដុល្លារអាមេរិក ពិសេសទៀតនោះ ជ័យលាភីឆ្នើមនឹងក្លាយជាតំណាងឲ្យកម្ពុជាចូលរួមប្រកួតថ្នាក់ តំបន់អាស៊ាន (ASEAN ICT Awards) ។
ក្រសួងប្រៃសណីយ៍រៀបចំកម្មវិធីប្រកួតបើកទូលាយជាសាធារណៈលើកដំបូងនេះ ក្នុងគោលបំណងលើកតម្កើងនូវការយល់ដឹង និងពង្រីកទីផ្សារខាងផ្នែកបច្ចេកវិទ្យាគមនាគន៍ និងព័ត៌មានកម្ពុជាក្នុងស្រទាប់សាធារណជន និងកាត់បន្ថយគម្លាតឌីជីថលនៅក្នុងសហគមន៍ជំនួញ និងប្រជាជន។
ប្រធានមជ្ឈមណ្ឌលស្រាវជ្រាវក្រសួងប្រៃសណីយ៍ បាននិយាយថា ក្រុមហ៊ុនដែលធ្វើការ ពាក់ព័ន្ធនឹងការងារបច្ចេកវិទ្យា និងព័ត៌មានចំនួន ២០ នឹងចុះឈ្មោះចូលរួមប្រកួត យកពានរង្វាន់នេះ។ «គិតមកត្រឹមថ្ងៃទី២៩នេះ ក្រសួងបានទទួលពាក្យចូលរួមប្រកួតផ្លូវការពីក្រុមហ៊ុនចំនួន ៩ក្រុមហ៊ុន ហើយផ្នែក Start-up Company ចំនួន ៣រូបដែរ។ ដោយឡែក ក្រុមហ៊ុន សាធារណៈ និងឯកជនចំនួន ១២ទៀត កំពុងរៀបចំដាក់ពាក្យប្រកួត»។ នេះជាការបញ្ជាក់របស់លោក ស៊ុន រ៉ាពីដ។
បេក្ខជន និងក្រុមហ៊ុនដែលមានបំណងដាក់ពាក្យចូលរួមប្រកួតប្រជែងនឹងត្រូវទទួល ការវាយតម្លៃដោយផ្អែកលើលក្ខណៈវិនិច្ឆ័យមួយចំនួន ក្នុងនោះ រួមមាន គំនិតច្នៃបង្កើត មានតែមួយ អះអាងបញ្ជាក់ពីសក្តានុពលទីផ្សារ ឬប្រសិទ្ធភាពនៃការប្រើប្រាស់ផលិតផល និងលក្ខណៈសម្បត្តិរបស់ផលិតផល ព្រមទាំងការប្រើប្រាស់បច្ចេកវិទ្យានោះ។
លោក ស៊ុន រ៉ាពីដ រំពឹងថា៖«នេះជាការជំរុញការប្រកួតប្រជែងបច្ចេកវិទ្យានៅកម្ពុជា ឆ្ពោះទៅកាន់តែទំនើបដូចប្រទេសអភិវឌ្ឍន៍នានា ជាពិសេសគឺ ធនធានយុវជនជំនាន់ក្រោយ»។
ពានរង្វាន់ (Categories of Award) ក្នុងកម្មវិធីនេះមាន ៥ប្រភេទ រួមមាន៖
ទី១, ពាន់រង្វាន់សម្រាប់វិស័យសាធារណៈ(Public Sector) សំដៅលើកម្រងកម្មវិធី ឧបករណ៍ ឬ ផលិតផលដែល អភិវឌ្ឍន៍ឡើង ក្នុងគោលបំណងផ្តល់ប្រសិទ្ធិភាព កាត់បន្ថយពេល វេលា តម្លាភាព និងមាន តម្លៃទាបសម្រាប់បម្រើវិស័យសាធារណៈ។ កម្មវិធីអាចត្រូវអភិវឌ្ឍដោយស្ថាប័នឯកជន ស្ថាប័នរដ្ឋសហគ្រាសរដ្ឋដែលផ្តល់មូលនិធិដោយរដ្ឋាភិបាល ឬជំនួយបរទេស និងអាចស្ថិតក្នុង ដំណាក់កាលសាកល្បងនៅឡើយ។
ទី២, ពាន់រង្វាន់សម្រាប់វិស័យឯកជន(Private Sector) សំដៅលើកម្រងកម្មវិធី ឧបករណ៍ ឬ ផលិតផលដែល សម្រាប់បម្រើសេចក្តីត្រូវការរបស់វិស័យឯកជនរួមមានដូចជា កម្រង កម្មវិធីសម្រាប់គ្រប់គ្រង ឧស្សាហកម្មកម្រង កម្មវិធីសម្រាប់គ្រប់គ្រងភុស្តភារតាមអេឡិចត្រូនិក (e-Logistics) កម្រងកម្មវិធីសម្រាប់ការគ្រប់គ្រងខ្សែសង្វាក់ផលិតកម្មជាដើម ។ កម្រងកម្មវិធីឧស្សាហកម្ម ហិរញ្ញវត្ថុ ទំនាក់ទំនង សេវាសុខាភិបាលតាមអេឡិចត្រូនិក ទេសចរណ៍ និងបដិសណ្ឋាកិច្ច ជាដើម។ល។ ក្រុមហ៊ុនចុះបញ្ជីក្នុងប្រទេសកម្ពុជា ហើយ ក្រុមហ៊ុននោះ មានម្ចាស់ភាគហ៊ុន ក្នុងស្រុក ១០០ភាគរយ។ សម្រាប់ក្រុមហ៊ុនសហកម្មសិទ្ធិរវាងក្រុមហ៊ុនក្នុងស្រុក និងក្រុមហ៊ុនបរទេសម្ចាស់ភាគហ៊ុនក្នុងស្រុកត្រូវមានភាគហ៊ុន យ៉ាងតិច ៥០ភាគរយ។
ប្រភេទទី៣, ពាន់រង្វាន់សម្រាប់មាតិកាឌីជីថល (Digital Content) សំដៅលើកម្រងកម្មវិធី ឧបករណ៍ ឬ ផលិតផលដែលអភិវឌ្ឍន៍ឡើងសម្រាប់ផ្តល់នូវការគ្រប់គ្រង និងគាំទ្រ បច្ចេកទេសទៅដល់ ព័ត៌មាន និងឧស្សាហកម្មកំសាន្តដូចជា ការផ្សាយទូរទស្សន៍ វិទ្យុ រោងភាពយន្ត តន្ត្រី ទស្សនាវដ្តី កាសែត ព័ត៌មានលើអ៊ីនធឺណែត ហ្គេមកំសាន្ត។ ផលិតផលនោះអាចបង្កើតឡើង ជាទម្រង់អត្ថបទសំឡេងរូបភាពនិងវីដេអូជាដើម។
ប្រភទទី៤, ពាន់រង្វាន់សម្រាប់ការបង្កើតធុរកិច្ច(Start-up Company) សំដៅលើកម្រងកម្មវិធី ឧបករណ៍ ឬ ផលិតផលដែលអភិវឌ្ឍន៍ឡើងដោយក្រុមហ៊ុនធុរកិច្ច បង្កើតតិចជាង រយៈពេល៣ឆ្នាំ ពីកាលបរិច្ឆេទចុះឈ្មោះដាក់ពាក្យប្រកួតប្រជែង។ ម្ចាស់ភាគហ៊ុនធំត្រូវតែជាអ្នកដែលរកឃើញ ឬជាអ្នកផ្តួចផ្តើមគំនិតមុនដំបូង និងមិនមែនជាក្រុមហ៊ុនបុត្រ សម្ព័ន្ធរបស់ក្រុមហ៊ុន មេណាមួយ។
ប្រភេទទី៥, ពាន់រង្វាន់សម្រាប់ការស្រាវជ្រាវ និងការអភិវឌ្ឍន៍ (Research and Development) សំដៅលើកម្រង កម្មវិធីឧបករណ៍ ឬផលិតផលដែលទើបតែស្រាវជ្រាវ រកឃើញ ចេញពីគំនិតថ្មី សម្រាប់បម្រើតម្រូវការទីផ្សារចេញពីសាកលវិទ្យាល័យ ស្ថាប័នស្រាវជ្រាវ ឬក្រុមហ៊ុនដែលរកឃើញ និងបង្កើតគំនិតថ្មី។
គួរបញ្ជាក់ថា សំណុំបែបបទចូលរួមកម្មវិធីប្រកួតប្រជែង និងឯកសារពាក់ព័ន្ធនានា ត្រូវដាក់ ក្នុងស្រោមសំបុត្របិទជិតដោយដៃជាមួយត្រាបញ្ជាក់ក្រុមហ៊ុនរបស់សាម៉ីខ្លួន។ រួចហើយ បេក្ខជនត្រូវផ្ញើរបែបបទនេះ ទៅកាន់អាសយដ្ឋានអ៊ីម៉ែល info@cambodiaictaward.com ។ លទ្ធផលនៃការប្រកួតវគ្គផ្តាច់ព្រ័ត្រ នឹងប្រកាសនៅថ្ងៃទី២៥ ខែមិថុនា ២០១៥ ។
លោកអ្នកអាចទាក់ទងព័ត៌មានលម្អិតតាមរយៈ លោក អៀង កំរ៉ង ទូរស័ព្ទ លេខ ០១២ ៧១៣ ៧១៤ និងលោក ស៊ុន រ៉ាពីដ ទូរសព្ទលេខ ០១៦ ៨៦៨ ៩៨៤ ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
អត្ថបទពេញនិយមបន្ថែម