អត្ថបទពាណិជ្ជកម្ម
eMoney បទពិសោធថ្មីសម្រាប់ប្រជាជនកម្ពុជាក្នុងការប្រតិបត្ដិការសាច់ប្រាក់កាន់តែងាយស្រួល
×
ភ្នំពេញ: នៅក្នុងគោលបំណងយ៉ាងមុតមាំដើម្បីបំពេញសេចក្ដីត្រូវការចម្បងសម្រាប់អតិថិជននូវអត្ថប្រយោជន៍ដ៏សម្បូរបែបថ្មីៗ ចាប់ពីថ្ងៃទី១៥ ខែមីនាតទៅ ក្រុមហ៊ុនមិត្ដហ្វូន បានចាប់ផ្ដើមផ្ដល់សេវាកម្ម eMoney ដល់អ្នកចុះឈ្មោះប្រើប្រាស់ប្រព័ន្ធទូរស័ព្ទលំដាប់លេខ១នៅកម្ពុជានេះទាំងអស់។
គួរបញ្ជាក់ថា នេះគឺជាលើកទីមួយហើយ ដែលអតិថិជនអាចប្រើទូរស័ព្ទគ្រប់ស៊េរីរបស់ខ្លួនដើម្បីធ្វើការផ្ទេរប្រាក់ បង់ថ្លៃប្រើប្រាស់បណ្ដាញផ្សេងៗជាមួយនឹងគុណប្រយោជន៍ជាច្រើន ដូចជា ប្រតិបត្ដិការដោយមិនចាំបាច់មានគណនីធនាគារ ងាយស្រួល និងរហ័សទាន់ចិត្ដ ដោយគ្រាន់តែទៅកាន់បណ្ដាញការិយាល័យ និងភ្នាក់ងារចែកវាយណាមួយក្នុងចំណោមជាង ៣០០០ កន្លែងនៅទូទាំងប្រទេស។
ជាមួយនឹងបទពិសោធថ្មី មជ្ឈដ្ឋានអ្នកប្រើប្រាស់សេវាកម្ម eMoney បាននាំគ្នាលាន់មាត់ថា៖ «ពិតជាអស្ចារ្យណាស់! eMoney មិនត្រឹមតែងាយស្រួល និងរហ័សប៉ុណ្ណោះទេ ប៉ុន្ដែអាចប្រតិបត្ដិការនៅគ្រប់ទីកន្លែង និងគ្រប់ពេលវេលាថែមទៀត។ ការទូទាត់ និងការចំណាយផ្សេងៗស្ថិតនៅលើបាតដៃទាំងអស់»។
ក្រៅពីយុទ្ធនាការណែនាំអំពីការប្រើប្រាស់សេវាកម្ម eMoney ដ៏ថ្មីសន្លាង អមដោយសកម្មភាពផ្សព្វផ្សាយផ្សេងៗ ត្រូវបានធ្វើឡើងនៅទូទាំង ២៥ រាជធានី-ខេត្ដ មិត្ដហ្វូនក៏បានពាំនាំយកបទពិសោធកាន់តែអស្ចារ្យថែមទៀតសម្រាប់អតិថិជនទាំងអស់ ដោយបានត្រៀមរៀបចំព្រឹត្ដិការណ៍សំខាន់ៗជាហូរហែរទៀត។
ជាក់ស្ដែង កម្មវិធី Color Race - Colorful road ជាព្រឹត្ដិការណ៍កីឡារដ៏រស់រវើក និងមានតែមួយគត់ដែលត្រូវបានរៀបចំឡើងនៅក្នុងទឹកដីនៃព្រះរាជាណាចក្រកម្ពុជា។ ព្រឹត្ដិការណ៍កីឡារបែបកម្សាន្ដនេះនឹងត្រូវប្រារឰឡើងនៅថ្ងៃទី៣០ ខែឧសភា ឯបរិវេណមជ្ឈមណ្ឌលសន្និបាតកោះពេជ្រក្នុងរាជធានីភ្នំពេញ។
រយៈពេល ៦ឆ្នាំ ក្រោយពីបានចូលរួមក្នុងទីផ្សារទូរគមនាគមន៍កម្ពុជា មិត្ដហ្វូន បាននិងកំពុងបន្ដិចកិច្ចខិតខំប្រឹងប្រែងរបស់ខ្លួនក្នុងការអភិវឌ្ឍវិស័យជាច្រើនដើម្បីផ្ដល់ភាពងាយស្រួលដល់ប្រជាជនកម្ពុជាគ្រប់កាលៈទេសៈក្រោមបាវច្ចនា «មិត្ដហ្វូន កាន់តែជិតស្និទ្ធ Closer»៕
© រក្សាសិទ្ធិដោយ thmeythmey.com