ជាតិ
សេដ្ឋកិច្ច
រដ្ឋមន្ត្រីសេដ្ឋកិច្ច ប្រាប់មន្ត្រីខ្លួនឲ្យប្រើប្រាស់រថយន្ដរដ្ឋប្រកបដោយសេចក្តីថ្លៃថ្នូរ
×
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ណែនាំដល់មន្ត្រីថ្នាក់ដឹកនាំក្រសួងឲ្យប្រើប្រាស់នូវរថយន្តដែលជាកម្មសិទ្ធរបស់រដ្ឋប្រកបដោយភាពថ្លៃថ្នូរ ក្នុងគោលបំណងដើម្បីធានាប្រសិទ្ធិភាពក្នុងការគ្រប់គ្រងទ្រព្យសម្បត្តិរដ្ឋ កិត្យានុភាព និងសេចក្ដីថ្លៃថ្នូររបស់ស្ថាប័ន និងមន្ត្រីរាជការ។
សេចក្ដីណែនាំរបស់លោករដ្ឋមន្ត្រី អូន ព័ន្ធមុនីរ័ត្ន ចុះថ្ងៃទី២៨ ឧសភា បានឲ្យដឹងថា មន្ត្រីត្រូវប្រើប្រាស់រថយន្ដ ជាពិសេសរថយន្ដរបស់រដ្ឋ ឲ្យបានត្រឹមត្រូវ។ ត្រូវបើកបរដោយសេចក្ដីថ្លៃថ្នូរ និងគោរពឲ្យបានម៉ឺងម៉ាត់ស្ដីពីច្បាប់ចរាចរផ្លូវគោក ដោយមិនត្រូវរំលោភបំពានឡើយ។
លើសពីនេះមិនត្រូវប្រើប្រាស់រថយន្ដពាក់ស្លាក់លេខរដ្ឋ ក្រៅពីម៉ោងដែលខ្លួនបំពេញភារកិច្ចឡើយ។ ជាពិសេសមិនត្រូវបើកបររថយន្ដទាំងនោះ ទៅកន្លែងកំសាន្ដសប្បាយគ្រប់ប្រភេទ រួមមានក្លឹបកំសាន្ដ កន្លែងខារ៉ាអូខេ កន្លែងម៉ាស្សាជាដើម។ ទន្ទឹមនឹងនេះក្រសួងក៏មិនអនុញ្ញាតិឲ្យអ្នកដទៃប្រើប្រាស់រថយន្ថ ទោះជាក្នុងគោលបំណងផ្សេងៗ ដែលមិនពាក់ព័ន្ធនឹងការបំពេញភារកិច្ចរបស់ខ្លួនឡើយ៕
© រក្សាសិទ្ធិដោយ thmeythmey.com