×![]()
ដោយ: ថ្មីៗ
ភ្នំពេញ៖ ក្រោយពីហក់ចូលសិល្បៈជាថ្មីរហូតដល់ក្លាយតារាចម្រៀងនៅផលិតកម្ម ហនុមាន អស់ពេលជាង ១ឆ្នាំមកនោះ ឌី សូនីតា ប្រាប់ថា មកទល់នឹងពេលនេះ នាងអាចច្រៀងបានដល់ទៅ ៦ភាសាផ្សេងគ្នាឯណោះ។
ទាំង ៦ភាសា ដោយដកតែភាសាកំណើតចេញ កញ្ញា ឌី សូនីតា អាចច្រៀងបាន៥ភាសាផ្សេងទៀត មានដូចជា អង់គ្លេស កូរ៉េ ចិន វៀតណាម និងថៃ។ សូនីតា ថ្លែងថា “មិនដឹងយ៉ាងម៉េចទេ ខ្ញុំជាមួយភាសាហ្នឹងដូចឆាប់ចាប់បានតាម៉ង!។ ទោះយ៉ាងណា កញ្ញា បញ្ជាក់ថា មិនមែនមានន័យថា នាងសុទ្ធតែចេះនិយាយ និងស្តាប់បានគ្រប់ភាសានោះទេ គឺខ្លះនាងអាចនិយាយ និងស្តាប់បានមែន ប៉ុន្តែផ្សេងទៀតក៏អត់ដែរ។
តារាចម្រៀងមានកំណើតនៅខេត្តកំពង់ឆ្នាំងរូបនេះ ថ្លែងថា “អង់គ្លេស ខ្ញុំអាចនិយាយ និងស្តាប់បានច្រើន ឯកូរ៉េបានខ្លះៗ ព្រោះខ្ញុំធ្លាប់រៀន និងធ្វើការជាមួយកូរ៉េ ដោយឡែក ចិន បានតិចៗ ប៉ុន្តែធ្លាប់រៀនដែរ តែបានទម្លាក់ចោលវិញ មករៀនកូរ៉េ។ យ៉ាងណា សូនីតា បញ្ជាក់ថា ក្នុងចំណោមភាសាទាំងនេះ ភាសាចិន គឺនាងច្រៀងបានល្អជាងគេ ហើយមានការទទួលស្គាល់ថែមទៀតផង។
កញ្ញា លើកឡើងបន្ថែមថា “មិត្តភ័ក្តិ និងអ្នករួមការងារជាច្រើន និងបងៗអ្នកដឹកនាំកម្មវិធីខ្លះ សរសើរថា ខ្ញុំច្រៀងភាសាអី គឺដូចគ្មានខុស បើច្រៀងវៀតណាម តុង(ការបញ្ចេញសំឡេង)ដូចវៀតណាម បើច្រៀងចិន តុងហ្នឹង ដូចចិនយកមែនទែនតែម្តង(សើច)!។ ដោយសារតែបែបនេះ តារាចម្រៀងវ័យ ២១ឆ្នាំរូបនេះ បន្តថា កញ្ញា គ្រោងចូលរៀនចិនវិញក្នុងពេលឆាប់ៗ ដើម្បីពង្រីកសមត្ថភាព និងការគាំទ្រលើការច្រៀងភាសាចិន។
កញ្ញា ឌី សូនីតា ធ្លាប់បានលាឈប់ពីសិល្បៈម្តង អំឡុងឆ្នាំ២០០៨ បន្ទាប់ពីប្រឡងធ្លាក់នៅវគ្គផ្តាច់ព្រ័ត្រក្នុងការប្រឡងចម្រៀងមួយជាមួយលោក គូម៉ា តារាចម្រៀងផលិតកម្ម M។ កញ្ញា ថ្លែងថា កាលណោះ កញ្ញា បាក់ទឹកចិត្តមែនទែនទើបសម្រេចថាឈប់ ព្រោះតែយល់ថា លទ្ធផលហាក់ដូចអយុត្តិធម៌ពេកសម្រាប់កញ្ញា៕
ទាំង ៦ភាសា ដោយដកតែភាសាកំណើតចេញ កញ្ញា ឌី សូនីតា អាចច្រៀងបាន៥ភាសាផ្សេងទៀត មានដូចជា អង់គ្លេស កូរ៉េ ចិន វៀតណាម និងថៃ។ សូនីតា ថ្លែងថា “មិនដឹងយ៉ាងម៉េចទេ ខ្ញុំជាមួយភាសាហ្នឹងដូចឆាប់ចាប់បានតាម៉ង!។ ទោះយ៉ាងណា កញ្ញា បញ្ជាក់ថា មិនមែនមានន័យថា នាងសុទ្ធតែចេះនិយាយ និងស្តាប់បានគ្រប់ភាសានោះទេ គឺខ្លះនាងអាចនិយាយ និងស្តាប់បានមែន ប៉ុន្តែផ្សេងទៀតក៏អត់ដែរ។
តារាចម្រៀងមានកំណើតនៅខេត្តកំពង់ឆ្នាំងរូបនេះ ថ្លែងថា “អង់គ្លេស ខ្ញុំអាចនិយាយ និងស្តាប់បានច្រើន ឯកូរ៉េបានខ្លះៗ ព្រោះខ្ញុំធ្លាប់រៀន និងធ្វើការជាមួយកូរ៉េ ដោយឡែក ចិន បានតិចៗ ប៉ុន្តែធ្លាប់រៀនដែរ តែបានទម្លាក់ចោលវិញ មករៀនកូរ៉េ។ យ៉ាងណា សូនីតា បញ្ជាក់ថា ក្នុងចំណោមភាសាទាំងនេះ ភាសាចិន គឺនាងច្រៀងបានល្អជាងគេ ហើយមានការទទួលស្គាល់ថែមទៀតផង។
កញ្ញា លើកឡើងបន្ថែមថា “មិត្តភ័ក្តិ និងអ្នករួមការងារជាច្រើន និងបងៗអ្នកដឹកនាំកម្មវិធីខ្លះ សរសើរថា ខ្ញុំច្រៀងភាសាអី គឺដូចគ្មានខុស បើច្រៀងវៀតណាម តុង(ការបញ្ចេញសំឡេង)ដូចវៀតណាម បើច្រៀងចិន តុងហ្នឹង ដូចចិនយកមែនទែនតែម្តង(សើច)!។ ដោយសារតែបែបនេះ តារាចម្រៀងវ័យ ២១ឆ្នាំរូបនេះ បន្តថា កញ្ញា គ្រោងចូលរៀនចិនវិញក្នុងពេលឆាប់ៗ ដើម្បីពង្រីកសមត្ថភាព និងការគាំទ្រលើការច្រៀងភាសាចិន។
កញ្ញា ឌី សូនីតា ធ្លាប់បានលាឈប់ពីសិល្បៈម្តង អំឡុងឆ្នាំ២០០៨ បន្ទាប់ពីប្រឡងធ្លាក់នៅវគ្គផ្តាច់ព្រ័ត្រក្នុងការប្រឡងចម្រៀងមួយជាមួយលោក គូម៉ា តារាចម្រៀងផលិតកម្ម M។ កញ្ញា ថ្លែងថា កាលណោះ កញ្ញា បាក់ទឹកចិត្តមែនទែនទើបសម្រេចថាឈប់ ព្រោះតែយល់ថា លទ្ធផលហាក់ដូចអយុត្តិធម៌ពេកសម្រាប់កញ្ញា៕
© រក្សាសិទ្ធិដោយ thmeythmey.com
