ជាតិ
សង្គមជាតិ
ព្រះមហាក្សត្រ៖«ព្រះធម៌ជាមាគ៌ាដ៏ត្រឹមត្រូវ នាំយើងឲ្យរស់នៅក្នុងសេចក្តីស្ងប់ និងសន្តិភាព»!
× ប្រជារាស្ត្រខ្មែររាប់ពាន់នាក់ រួមទាំងថ្នាក់ដឹកនាំព្រះពុទ្ធសាសនាមកពីប្រទេសដទៃផង បានចូលរួមក្នុងព្រះរាជពិធីដង្ហែព្រះព្រះរាជបរមងារ «ព្រះស្រីលោកធម្មិករាជ»ថ្វាយព្រះមហាក្សត្រព្រះបាទ សម្តេច ព្រះបរមនាថ នរោត្តម សីហមុនី យ៉ាងឱឡារិកនៅថ្ងៃពុធ ទី ០៣ ខែមិថុនា នេះ។ ក្រោយពីព្រះរាជពិធីដង្ហែព្រះរាជបរមងារនៅតាមដងវិថីព្រះសុធារស ក្បែរនាគបាញ់ទឹកឆ្ពោះទៅព្រះបរមរាជវាំងរួចមក ព្រះមហាក្សត្រកម្ពុជា បានមានព្រះរាជបន្ទូលស្វាគមន៍ព្រះរាជពិធីដង្ហែព្រះបរមងារនេះ។
មានបន្ទូលទៅកាន់មន្ត្រីសង្ឃជាន់ខ្ពស់ជាតិ អន្តរជាតិ និងថ្នាក់ដឹកនាំប្រទេស ព្រមទាំងប្រជារាស្ត្រដែលស្តាប់ព្រះសូរសៀងតាមឧគ្ឃោសនសព្ទនៅខាងក្រៅព្រះបរមរាជវាំង ព្រះអង្គបានសរសើរពីគុណតម្លៃរបស់ព្រះពុទ្ធសាសនាយ៉ាងនេះថា៖« ការប្រតិបត្តិព្រះធម៌ព្រះពុទ្ធសាសនា ជាគុណធម៌ខ្ពង់ខ្ពស់គឺជាមរតកដ៏មានតម្លៃ ដែលអតីតព្រះមហាក្សត្រ គ្រប់ព្រះអង្គ ព្រះបរមរតនកោដ្ឋ និងព្រះរាជមាតាជាតិខ្មែរព្រះអង្គតែងតែគោរពព្រះពុទ្ធសាសនា ខ្ជាប់ខ្ជួនតាំងពីបុរាណកាលមក រួមទាំងព្រះរាជវង្សានុវង្ស ថ្នាក់ដឹកនាំជាតិគ្រប់ថ្នាក់ និងប្រជារាស្ត្រកម្ពុជាផង។ព្រះធម៌ព្រះពុទ្ធសាសនាជាមាគ៌ា ដ៏ត្រឹមត្រូវ នាំយើងទាំងអស់គ្នា ឲ្យរស់នៅក្នុងសេចក្តីស្ងប់ សេចក្តីសុខ សន្តិភាព និងរីកចម្រើន» ។
សូមស្តាប់ព្រះសូរសៀងរបស់ព្រះមហាក្សត្រ៖
© រក្សាសិទ្ធិដោយ thmeythmey.com