ជាតិ
ខុន សម្ផស្ស បង្ហើបប្រាប់ពីម្ចាស់បេះដូង
×
ភ្នំពេញ៖ តារាសម្តែង និងបង្ហាញម៉ូដក្នុងក្រុម Sun Super Model សម្បុរខ្មៅស្រអែម កញ្ញា ខុស សម្ផស្ស ដែលកំពុងមមាញឹកថតខ្សែវីដេអូភាគរឿង “ទឹកចិត្តប្រពន្ធ” បានបង្ហើបប្រាប់ពីជីវិតផ្ទាល់ខ្លួនថា ពេលនេះបេះដូងនាងមានម្ចាស់ចិត្តហើយ ដែលបានស្រលាញ់គ្នាជាង៣ឆ្នាំមកនេះ។ នាងបន្ថែមថា បើទោះជាពួកនាងមិនទាន់បានភ្ជាប់ពាក្យ ប៉ុន្តែជាស្នេហាមួយដែលមានចាស់ទុំទាំងសងខាងដឹងឮ។
ការទំលាយឲ្យដឹងពីជីវិតឯកជនផ្ទាល់ខ្លួនរបស់តារាសិល្បៈមួយចំនួន ហាក់នៅជារឿងស្រពិចស្រពិលនៅឡើយ ខណៈដែលតារាសិល្បៈខ្លះ មិនសូវមានភាពក្លាហានក្នុងការទំលាយអាថ៌កំបាំង និងអ្នកមួយចំនួនទៀតគឺនិយាយកុហក់តែម្តង បើទោះជាគេមានគូស្នេហ៍ ឬរហូតអ្នកខ្លះមានគ្រួសារហើយក្តី។
ដោយឡែក ចំពោះកញ្ញា ខុន សម្ផស្ស វិញនាងបានបង្ហើបឲ្យដឹងថា សព្វថ្ងៃនាងមានម្ចាស់ចិត្តហើយ ដែលស្រលាញ់គ្នាជាង៣ឆ្នាំ ដោយមានចាស់ទុំទាំងសងដឹងឮ បើទោះជាមិនទាន់បានភ្ជាប់ពាក្យក្តី។
តួអង្គម្តាយចុងចិត្តធម៌ កញ្ញា ខុន សម្ផស្ស បានបន្ថែមឲ្យដឹងថា គូស្នេហ៍របស់នាង សូត្រ ពិទូ ជានិស្សិតឆ្នាំទី៤ ហើយក៏ជាតារាសិល្បៈមួយរូបដែរ ប៉ុន្តែមិនដែលបានសម្តែងរួមគ្នាឡើយ។
សម្ផស្ស ជាកូនអ្នកភ្នំពេញ នាងមានបងប្អូន៤នាក់ ស្រី៣ ប្រុស១ នាងជាកូនទី។ សម្ផស្ស ចូលសិល្បៈក្នុងអំឡុងឆ្នាំ២០១១ រហូតមកដល់ពេលនេះ នាងសម្តែងបាន៥រឿងហើយ។ ក្រៅពីអាជីពសិល្បៈ សម្ផស្ស មានអាជីពមួយទៀត ដែលនាងបង្ហើបថា ស្រដៀងធនាគារ។
នៅពេលដែលសួរថា តើនាងមានគំរោងរៀបការពេលណា? សម្ផស្ស ប្រាប់នៅមិនទាន់អាចកមណត់បានទេ រង់ចាំការសន្សំលុយឲ្យបានដុំកំភួនសិន៕
© រក្សាសិទ្ធិដោយ thmeythmey.com