ជាតិ
សេដ្ឋកិច្ច
សភាពាណិជ្ជកម្មអឺរ៉ុបនៅកម្ពុជារំពឹងថាមនុស្ស១ម៉ឺននាក់នឹងចូលរួមក្នុងវេទិកាការងារ
×![]()
ដោយ: ថ្មីៗ
សភាពាណិជ្ជកម្មអឺរ៉ុបនៅកម្ពុជា នឹងរៀបចំវេទិកាការងារឆ្នាំ២០១៥ (Career Forum 2015) រយៈពេលពីរថ្ងៃ ចាប់ពីថ្ងៃទី២០ ដក់ទី២១ ខែកក្កដា ឆ្នាំ២០១៥ ខាងមុខ នៅមជ្ឈមណ្ឌលកោះពេជ្យ ដោយរំពឹងថា នឹងមានមនុស្សចូលរួមជាង ១ ម៉ឺននាក់។ 
បើតាមសេចក្តីជូនដំណឹងរបស់សភាពាណិជ្ជកម្មអឺរ៉ុបនៅកម្ពុជា វេទិកាការងារឆ្នាំ២០១៥ នេះ នឹងមានការចូលរួមពីសំណាក់ លោក ឱក ប៊ុង រដ្ឋលេខាធិការក្រសួងពាណិជ្ជកម្ម និងលោក ហ្សង់ ហ្វ្រង់ស័រ កូតាំង ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា រួមទាំងអ្នកពាក់ព័ន្ធជាតិ និងអន្តរជាតិផងដែរ។
សេចក្តីជូនដំណឹងនៅថ្ងៃទី ១៨ ខែមិថុនាបាន បន្តថា វេទិកាការងារនេះ នឹងបើកលំហដល់ក្រុមហ៊ុនធំៗនៅកម្ពុជា មកផ្សព្វផ្សាយពីឱកាសការងារ ការអភិវឌ្ឍខ្លួនក្នុងវិស័យការងារ និងគម្រោងបណ្តុះបណ្តាលធនធានមនុស្ស តាមរយៈការតាំងពិពរណ៍ និងការធ្វើបទបង្ហាញពីសំណាក់អ្នកជំនាញ និងនិយោជកសំខាន់ៗជាដៃគូ។
សេចក្តីប្រកាសព័ត៌មានដដែល បញ្ជាក់យ៉ាងនេះថា៖ «វេទិកាការងារឆ្នាំ២០១៥នេះ វាស័ក្តិសមបំផុតសម្រាប់និស្សិតទើបបញ្ចប់ និងជិតបញ្ចប់ការសិក្សាថ្នាក់ឧត្តមសិក្សា ដែលមានគោលបំណងបង្កើតទំនាក់ទំនងរវាងឱកាសការងារ និងតម្រូវការការងាររបស់និស្សិតនិងអ្នកជំនាញវ័យក្មេង និងចង់ជម្រុញឲ្យនិយោជកបង្ហាញពីជំនាញ និងសមត្ថភាពដែលខ្លួនត្រូវការក្នុងវិស័យការងារ» ។
សភាពាណិជ្ជកម្មអឺរ៉ុបប្រចាំនៅកម្ពុជា បានបង្កើតឡើងក្នុងឆ្នាំ២០១១ ដោយមានការគាំទ្រពីសភាពាណិជ្ជកម្មចំនួនបី បារាំង អង់គ្លេស និងអាឡឺម៉ង់។ នេះជាលើកទី១១ ហើយដែលវេទិកាការងារត្រូវបានប្រារព្ធធ្វើឡើង ក្រោយពីវេទិកានេះ បានរៀបចំឡើងដំបូងដោយសភាពាណិជ្ជកម្មបារាំងក្នុងឆ្នាំ២០០៥៕
ដោយ សឿន វណ្ណដេត
បើតាមសេចក្តីជូនដំណឹងរបស់សភាពាណិជ្ជកម្មអឺរ៉ុបនៅកម្ពុជា វេទិកាការងារឆ្នាំ២០១៥ នេះ នឹងមានការចូលរួមពីសំណាក់ លោក ឱក ប៊ុង រដ្ឋលេខាធិការក្រសួងពាណិជ្ជកម្ម និងលោក ហ្សង់ ហ្វ្រង់ស័រ កូតាំង ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា រួមទាំងអ្នកពាក់ព័ន្ធជាតិ និងអន្តរជាតិផងដែរ។
សេចក្តីជូនដំណឹងនៅថ្ងៃទី ១៨ ខែមិថុនាបាន បន្តថា វេទិកាការងារនេះ នឹងបើកលំហដល់ក្រុមហ៊ុនធំៗនៅកម្ពុជា មកផ្សព្វផ្សាយពីឱកាសការងារ ការអភិវឌ្ឍខ្លួនក្នុងវិស័យការងារ និងគម្រោងបណ្តុះបណ្តាលធនធានមនុស្ស តាមរយៈការតាំងពិពរណ៍ និងការធ្វើបទបង្ហាញពីសំណាក់អ្នកជំនាញ និងនិយោជកសំខាន់ៗជាដៃគូ។
សេចក្តីប្រកាសព័ត៌មានដដែល បញ្ជាក់យ៉ាងនេះថា៖ «វេទិកាការងារឆ្នាំ២០១៥នេះ វាស័ក្តិសមបំផុតសម្រាប់និស្សិតទើបបញ្ចប់ និងជិតបញ្ចប់ការសិក្សាថ្នាក់ឧត្តមសិក្សា ដែលមានគោលបំណងបង្កើតទំនាក់ទំនងរវាងឱកាសការងារ និងតម្រូវការការងាររបស់និស្សិតនិងអ្នកជំនាញវ័យក្មេង និងចង់ជម្រុញឲ្យនិយោជកបង្ហាញពីជំនាញ និងសមត្ថភាពដែលខ្លួនត្រូវការក្នុងវិស័យការងារ» ។
សភាពាណិជ្ជកម្មអឺរ៉ុបប្រចាំនៅកម្ពុជា បានបង្កើតឡើងក្នុងឆ្នាំ២០១១ ដោយមានការគាំទ្រពីសភាពាណិជ្ជកម្មចំនួនបី បារាំង អង់គ្លេស និងអាឡឺម៉ង់។ នេះជាលើកទី១១ ហើយដែលវេទិកាការងារត្រូវបានប្រារព្ធធ្វើឡើង ក្រោយពីវេទិកានេះ បានរៀបចំឡើងដំបូងដោយសភាពាណិជ្ជកម្មបារាំងក្នុងឆ្នាំ២០០៥៕
ដោយ សឿន វណ្ណដេត
© រក្សាសិទ្ធិដោយ thmeythmey.com
