អន្តរជាតិ
នាឡិកាកប់ក្រោមដីអស់២០ឆ្នាំ ប៉ុន្តែនៅតែដំណើរការធម្មតា
× ២០ឆ្នាំនៅក្រោមដី ប៉ុន្តែទ្រនិចនាឡិកាម៉ាក Casio នៅតែដំណើរការដូចធម្មតា។ វាអាចចំណេញពាណិជ្ជកម្មដល់ក្រុមហ៊ុន Casio ប៉ុន្តែនេះជារឿងពិតដែលបានអះអាងដោយបុរសជនជាតិអង់គ្លេសម្នាក់ឈ្មោះ Tony Wagstaff។
កាលពីថ្ងៃទី១៤ ខែមិថុនា Toby អាយុ២៧ឆ្នាំ បានរកឃើញនាឡិការបស់ខ្លួនដែលបានបាត់កាលពី២០ឆ្នាំមុននៅក្នុងសួនច្បារ។ អ្វីដែលគេភ្ញាក់ផ្អើលនោះ នាឡិកាមានដំណើរការធម្មតា។ Toby បានចែករំលែកព័ត៌មានពីគណនីហ្វេសប៊ុករបស់ខ្លួនទៅកាន់ទំព័រហ្វេសប៊ុករបស់ក្រុមហ៊ុន Casio ហើយក្រុមហ៊ុនបានបន្តចែករំលែកព័ត៌មាន។
Toby បានសរសេរថា ខ្លួនបានបាត់នាឡិកាកាលពីខ្លួននៅអាយុ៦ ឬ៧ឆ្នាំ ពោលគឺមានរយៈពេល២០ឆ្នាំមកហើយ។ គេបានរកឃើញនៅក្នុងសួនច្បារ ដោយវាដើរយឺតជាងម៉ោងធម្មតា៧នាទី។
ទោះបីជាយ៉ាងណាក៏ដោយ នាឡិការម៉ូដែល Casio F-91W ដែល Toby អះអាងថា បាត់អស់២០ឆ្នាំនោះ បង្កឲ្យមានការចោទសួរជាច្រើននៅឡើយ គេមិនដឹងថា វាជាការពិត ឬយ៉ាងណានោះដែរ៕
© រក្សាសិទ្ធិដោយ thmeythmey.com