អន្តរជាតិ
×![]()
ដោយ: ថ្មីៗ
យ៉ាងហោចណាស់មនុស្ស៣០នាក់ស្លាប់ដោយសារករណីធ្លាក់យន្តហោះសង្កត់លើសណ្ឋាគារ និងផ្ទះសម្បែងប្រជាជននៅលើកោះស៊ូម៉ាត្រា ប្រទេសឥណ្ឌូនេស៊ីនៅថ្ងៃអង្គារនេះ។ នេះបើយោងតាមសារព័ត៌មានSouth China Morning Post។
យន្តហោះដឹកជញ្ជូនសម្ភារៈយោធាមួយគ្រឿងបានធ្លាក់ចុះទៅលើសណ្ឋាគារនិងលំនៅដ្ឋានរបស់ប្រជាជននៅកោះស៊ូម៉ាត្រា ដោយសម្លាប់មនុស្សយ៉ាងហោចណាស់៣០នាក់ផង។ បើតាមសាក្សីនៅកន្លែងកើតហេតុ យន្តហោះយោធាហោះចេញពីមូលដ្ឋានទ័ពនៅលើកោះ ហើយស្រាបតែធ្លាក់ចុះលើទីប្រជុំជន ក្រោយពីហោះឡើងបានបន្តិចប៉ុណ្ណោះ។ ម៉ោងដែលយន្តហោះធ្លាក់ ប្រហែល ១២៖០៨នាទីថ្ងៃត្រង់។ សាក្សីដដែលបានបញ្ជាក់ថា យន្តហោះនេះ បានធ្លាក់លើសំណង់ទើបសាងសង់ថ្មី ប៉ុន្តែគេមិនដឹងថា មានមនុស្សចូលទៅរស់នៅហើយឬអត់ឡើយ។
ចំណែកអ្នកនាំពាក្យក្រសួងការពារជាតិឥណ្ឌូនេស៊ីលោក Fuad Basya បានឲ្យដឹងថា យន្តហោះដែលធ្លាក់នោះដឹកជញ្ជូនសម្ភារយោធាពីក្រុង Medan ប៉ុន្តែលោកមិនដឹងថា មូលហេតុអ្វីដែលបណ្តាលឲ្យយន្តហោះធ្លាក់ឡើយ ហើយជុំវិញចំនួនអ្នកស្លាប់ក៏មិនទាន់ដឹងច្បាស់ដូចគ្នាដែរ។ យោងតាមការសន្និដ្ឋានជាបឋមរបស់អាជ្ញាធរមូលដ្ឋាន ចំនួនអ្នកស្លាប់អាចលើសពី ៣០នាក់ ។
យន្តហោះដឹកជញ្ជូនសម្ភារៈយោធាមួយគ្រឿងបានធ្លាក់ចុះទៅលើសណ្ឋាគារនិងលំនៅដ្ឋានរបស់ប្រជាជននៅកោះស៊ូម៉ាត្រា ដោយសម្លាប់មនុស្សយ៉ាងហោចណាស់៣០នាក់ផង។ បើតាមសាក្សីនៅកន្លែងកើតហេតុ យន្តហោះយោធាហោះចេញពីមូលដ្ឋានទ័ពនៅលើកោះ ហើយស្រាបតែធ្លាក់ចុះលើទីប្រជុំជន ក្រោយពីហោះឡើងបានបន្តិចប៉ុណ្ណោះ។ ម៉ោងដែលយន្តហោះធ្លាក់ ប្រហែល ១២៖០៨នាទីថ្ងៃត្រង់។ សាក្សីដដែលបានបញ្ជាក់ថា យន្តហោះនេះ បានធ្លាក់លើសំណង់ទើបសាងសង់ថ្មី ប៉ុន្តែគេមិនដឹងថា មានមនុស្សចូលទៅរស់នៅហើយឬអត់ឡើយ។
ចំណែកអ្នកនាំពាក្យក្រសួងការពារជាតិឥណ្ឌូនេស៊ីលោក Fuad Basya បានឲ្យដឹងថា យន្តហោះដែលធ្លាក់នោះដឹកជញ្ជូនសម្ភារយោធាពីក្រុង Medan ប៉ុន្តែលោកមិនដឹងថា មូលហេតុអ្វីដែលបណ្តាលឲ្យយន្តហោះធ្លាក់ឡើយ ហើយជុំវិញចំនួនអ្នកស្លាប់ក៏មិនទាន់ដឹងច្បាស់ដូចគ្នាដែរ។ យោងតាមការសន្និដ្ឋានជាបឋមរបស់អាជ្ញាធរមូលដ្ឋាន ចំនួនអ្នកស្លាប់អាចលើសពី ៣០នាក់ ។
© រក្សាសិទ្ធិដោយ thmeythmey.com
