ជាតិ
នយោបាយជាតិ
រូបខាងឆ្វេងលោក រៀល ខេមរិន្ទ្រ រីឯរូបខាងស្ដាំលោក Le Hai Binh ក្រសួងការបរទេសវៀតណាម
×![]()
តំណាងរាស្ត្របក្សប្រឆាំង និងអ្នកវិភាគ រិះគន់ក្រសួងការបរទេសថា មានភាពកម្សោយនិងផ្ដល់ភាពអាម៉ាសសម្រាប់កម្ពុជា ដែលមិនអើពើចំពោះការប៉ះទង្គិចគ្នា រវាងភាគីវៀតណាម និងកម្ពុជា នៅព្រំដែនខេត្តស្វាយរៀង ខណៈដែលក្រសួងការបរទេសវៀតណាមថ្កោលទោសភាគីកម្ពុជា។ ក្រសួងការបរទេសវៀតណាម រិះគន់យ៉ាងខ្លាំងថាសកម្មភាពហិង្សា ដែលប្រព្រឹត្តដោយជនជ្រុលនិយមកម្ពុជា ល្មើស សន្ធិសញ្ញា អនុសញ្ញា និងកិច្ចព្រមព្រៀងរវាងប្រទេសវៀតណាម និងកម្ពុជា។
តំណាងរាស្រ្តគណបក្សប្រឆាំង លោក អ៊ុំ សំអាន រិះគន់ក្រសួងការបរទេសកម្ពុជាថា ការនៅស្ងៀមមិនអើពើ ប្រតិកម្មទៅភាគីវៀតណាមនៅពេលនេះ គឺជាភាពកម្សោយមួយសម្រាប់ប្រទេសកម្ពុជា ដោយទុកឲ្យវៀតណាមថ្កោលទោសប្រជាពលរដ្ឋកម្ពុជាដែលការពារបូរណភាពទឹកដីរបស់ខ្លួនទៅវិញ ។ តំណាងរាស្ត្រគណបក្សសង្គ្រោះជាតិ កំពុងរិះគន់ក្រសួងការបរទេសកម្ពុជា ដែលមិនមានប្រតិកម្មទៅលើភាគីវៀតណាមយ៉ាងដូច្នេះថា៖«ក្រសួងការបរទេសកម្ពុជាគួរតែចេញលិខិតប្រតិកម្ម ថ្កោលទោសទៅវៀតណាមចំពោះការប៉ះទង្គិចគ្នានៅព្រំដែន មិនគួរទុកឲ្យភាគីវៀតណាមថ្កោលទោសកម្ពុជាយើងវិញនោះទេ»។តំណាងរាស្រ្តបក្សប្រឆាំងដែលតែងតែដឹកនាំពលរដ្ឋចុះទៅត្រួតពិនិត្យព្រំដែនរូបនេះ រិះគន់ថាការមិនអើពើរបស់ក្រសួងការបរទេសនេះ កំពុងធ្វើឲ្យប្រជាពលរដ្ឋខ្មែរនៅតាមព្រំដែនរងគ្រោះ ខណៈដែលវៀតណាមកំពុងរំលោភបូរណភាពទឹកដីកម្ពុជា ។ «ការមិនអើពើនេះដូចជាធ្វើឲ្យចោររួចខ្លួន បែរជាម្ចាស់ផ្ទះរងគ្រោះ។ អ្នករងគ្រោះជាប្រជាពលរដ្ឋខ្មែរ ព្រោះខាងយួនចូលមកទឹកដីកម្ពុជា និងជាអ្នកបង្កហេតុ បង្កហិង្សាមកលើប្រជាពលរដ្ឋកម្ពុជាមុន ព្រោះតំបន់ដែលខ្ញុំនឹងពលរដ្ឋខ្មែរចុះទៅមើលត្រួតពិនិត្យនោះជាតំបន់ស ដែលវៀតណាមរំលោភកិច្ចព្រមព្រៀងប្រទេសទាំងពីរ ឆ្នាំ១៩៩៥»។ នេះជាការបញ្ជាក់របស់លោក អ៊ុំ សំអាន។
លោក អ៊ុំ សំអាន បន្ថែមថា រូបលោកនិងតំណាងរាស្ត្រដទៃទៀត នឹងសរសេរលិខិតជូនទៅលោក ហោ ណាំហុង ក្រសួងការបរទេសកម្ពុជា នៅថ្ងៃសុក្រសប្ដាហ៍នេះ ដើម្បីឲ្យចេញលិខិតថ្កោលទោសភាគីវៀតណាម និងកោះហៅទូតវៀតណាមនៅកម្ពុជា មកបកស្រាយពីបញ្ហាព្រំដែននេះ។
ដោយឡែកអ្នកវិភាគសង្គមលោក កែម ឡី យល់ថា ការថ្កោលទោសរបស់វៀតណាមនេះ គឺបង្ហាញពីភាពអាម៉ាសនិងភាពកម្សោយរបស់ប្រទេសកម្ពុជា ដោយគ្រាន់តែទៅត្រួតពិនិត្យមើលទឹកដីរបស់ខ្លួនឯងទៅវិញ។អ្នកវិភាគរូបនេះអត្ថាធិប្បាយដូច្នេះថា៖«ជារឿងគួរឲ្យអាម៉ាស សម្រាប់កម្ពុជា ដែលមានព្រះមហាក្សត្រ ជាប្រមុខរដ្ឋ មានរដ្ឋធម្មនុញ្ញ ឯករាជភាព បូរណភាពទឹកដី តែគ្រាន់តែចុះទៅមើលទឹកដីខ្លួនដែរគេឈ្លានពាន បែរជាត្រូវបានគេថ្កោលទោស ហើយកម្ពុជាខ្លួនឯងបែរក្លាយជាអ្នកខុសទៅវិញ។ លោកបន្ថែមថា «ព្រះមហាក្សត្រជាប្រមុខរដ្ឋ គួរតែបង្កើតគណៈកម្មាធិការពិសេស ដើម្បីសិក្សាពីបញ្ហាព្រំដែន ដើម្បីឲ្យទទួលបានពត៌មានច្បាស់លាស់ និងដាក់ពាក្យទៅសហគមន៍អាស៊ាន ឬទីក្រុងឡាអេ ប្រសិនបើមិនអាចដោះស្រាយបាន ដោយពឹងផ្អែកលើកិច្ចព្រៀមព្រៀងទីក្រុងបារីស ឆ្នាំ ១៩៩១»។
ការរិះគន់របស់តំណាងរាស្រ្តបក្សប្រឆាំង និងអ្នកវិភាគនេះ ធ្វើឡើងក្រោយពីក្រសួងការបរទេសវៀតណាម លោកLe Hai Binh ចេញសេចក្ដីប្រកាសព័ត៌មាននៅថ្ងៃទី៣០ មិថុនា ដោយចាត់ទុកថាហិង្សាកើតឡើងដោយសារ«ពួកជ្រុលនិយមកម្ពុជាមួយចំនួន ដែលរំលោភបំពានច្បាប់កម្ពុជា និងវៀតណាម ក៏ដូចជាសន្ធិសញ្ញា និងកិច្ចព្រមព្រៀងប្រទេសទាំងពីរ»។ លោកបញ្ជាក់ថា«យើងបានស្នើឲ្យអាជ្ញាធរកម្ពុជារៀបចំជាវិធានការ ក្នុងការដោះស្រាយឧបទ្ទវហេតុនេះឲ្យបានត្រឹមត្រូវ និងបង្ការសកម្មភាពបែបនេះកុំឲ្យកើតឡើងម្តងទៀត ដើម្បីធានាពីការអនុវត្តឲ្យបានរលូននៃការកំណត់ព្រំដែន និងបោះបង្គោលព្រំដែន ដើម្បីជាប្រយោជន៍រួមនៃប្រជាជនទាំងពីរ»។
សារព័ត៌មានថ្មីៗមិនអាចសុំការអត្ថាធិប្បាយពីលោក ជុំ សន្ទរី អ្នកនាំពាក្យក្រសួងការបទេស ជុំវិញប្រតិកម្មចំពោះការប៉ះទង្គិចគ្នានៅព្រំដែនកម្ពុជា-វៀតណាមនៅខេត្តស្វាយរៀងបានឡើយទេ។
កន្លងមកអ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានបង្ហាញការសោកស្តាយចំពោះហេតុការណ៍ហិង្សានេះ។ មន្ត្រីរដ្ឋាភិបាលរូបនេះ មិនចង់បន្ទោសក្រុមអ្នកតំណាងរាស្ត្រគណបក្សប្រ ឆាំងដែលបានដឹកនាំពលរដ្ឋតវ៉ាបញ្ហាព្រំដែននោះទេ ប៉ុន្តែសម្រាប់លោក ការដោះស្រាយបញ្ហាព្រំដែនតាមយន្តការរដ្ឋាភិបាល គឺជារឿងល្អបំផុត។ អ្នកនាំពាក្យរូបនេះថ្កោលទោសទាំងភាគីកម្ពុជា និងរៀតណាមដែលបានប៉ះទង្គិចគ្នាដោយហិង្សានៅព្រំដែនក្នុងខេត្តស្វាយរៀង។
យ៉ាងហោចណាស់ភាគីកម្ពុជា១០នាក់រងរបួស រីឯភាគីវៀតណាមរងរបួស៨នាក់ ក្នុងការប៉ះទង្គិចដោយហិង្សា។ នេះបើយោងតាមរបាយការណ៍របស់អាជ្ញាធរខេត្តស្វាយរៀង។
ការប៉ះទង្គិចគ្នាបណ្ដាលឲ្យមានអ្នករងរបួសនេះ គឺកើតឡើងខណៈដែលតំណាងរាស្ត្របក្សសង្គ្រោះជាតិដែលដឹកនាំដោយលោក រៀល ខេមរិន្ទ្រ និងលោក អ៊ុំ សំអាន ចុះពិនិត្យព្រំដែនខេត្តស្វាយរៀង ត្រង់ចំណុចភូមិគោកធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។ ប្រជាពលរដ្ឋខ្មែរនៅតំបន់នោះចោទថា វៀតណាមបានរំលោភទឹកដីខ្មែរ និងកំពុងធ្វើផ្លូវក្នុងតំបន់ស ដែលភាគីកម្ពុជានិងវៀតណាម មិនទាន់ឯកភាពគ្នា៕
តំណាងរាស្រ្តគណបក្សប្រឆាំង លោក អ៊ុំ សំអាន រិះគន់ក្រសួងការបរទេសកម្ពុជាថា ការនៅស្ងៀមមិនអើពើ ប្រតិកម្មទៅភាគីវៀតណាមនៅពេលនេះ គឺជាភាពកម្សោយមួយសម្រាប់ប្រទេសកម្ពុជា ដោយទុកឲ្យវៀតណាមថ្កោលទោសប្រជាពលរដ្ឋកម្ពុជាដែលការពារបូរណភាពទឹកដីរបស់ខ្លួនទៅវិញ ។ តំណាងរាស្ត្រគណបក្សសង្គ្រោះជាតិ កំពុងរិះគន់ក្រសួងការបរទេសកម្ពុជា ដែលមិនមានប្រតិកម្មទៅលើភាគីវៀតណាមយ៉ាងដូច្នេះថា៖«ក្រសួងការបរទេសកម្ពុជាគួរតែចេញលិខិតប្រតិកម្ម ថ្កោលទោសទៅវៀតណាមចំពោះការប៉ះទង្គិចគ្នានៅព្រំដែន មិនគួរទុកឲ្យភាគីវៀតណាមថ្កោលទោសកម្ពុជាយើងវិញនោះទេ»។តំណាងរាស្រ្តបក្សប្រឆាំងដែលតែងតែដឹកនាំពលរដ្ឋចុះទៅត្រួតពិនិត្យព្រំដែនរូបនេះ រិះគន់ថាការមិនអើពើរបស់ក្រសួងការបរទេសនេះ កំពុងធ្វើឲ្យប្រជាពលរដ្ឋខ្មែរនៅតាមព្រំដែនរងគ្រោះ ខណៈដែលវៀតណាមកំពុងរំលោភបូរណភាពទឹកដីកម្ពុជា ។ «ការមិនអើពើនេះដូចជាធ្វើឲ្យចោររួចខ្លួន បែរជាម្ចាស់ផ្ទះរងគ្រោះ។ អ្នករងគ្រោះជាប្រជាពលរដ្ឋខ្មែរ ព្រោះខាងយួនចូលមកទឹកដីកម្ពុជា និងជាអ្នកបង្កហេតុ បង្កហិង្សាមកលើប្រជាពលរដ្ឋកម្ពុជាមុន ព្រោះតំបន់ដែលខ្ញុំនឹងពលរដ្ឋខ្មែរចុះទៅមើលត្រួតពិនិត្យនោះជាតំបន់ស ដែលវៀតណាមរំលោភកិច្ចព្រមព្រៀងប្រទេសទាំងពីរ ឆ្នាំ១៩៩៥»។ នេះជាការបញ្ជាក់របស់លោក អ៊ុំ សំអាន។
លោក អ៊ុំ សំអាន បន្ថែមថា រូបលោកនិងតំណាងរាស្ត្រដទៃទៀត នឹងសរសេរលិខិតជូនទៅលោក ហោ ណាំហុង ក្រសួងការបរទេសកម្ពុជា នៅថ្ងៃសុក្រសប្ដាហ៍នេះ ដើម្បីឲ្យចេញលិខិតថ្កោលទោសភាគីវៀតណាម និងកោះហៅទូតវៀតណាមនៅកម្ពុជា មកបកស្រាយពីបញ្ហាព្រំដែននេះ។
ដោយឡែកអ្នកវិភាគសង្គមលោក កែម ឡី យល់ថា ការថ្កោលទោសរបស់វៀតណាមនេះ គឺបង្ហាញពីភាពអាម៉ាសនិងភាពកម្សោយរបស់ប្រទេសកម្ពុជា ដោយគ្រាន់តែទៅត្រួតពិនិត្យមើលទឹកដីរបស់ខ្លួនឯងទៅវិញ។អ្នកវិភាគរូបនេះអត្ថាធិប្បាយដូច្នេះថា៖«ជារឿងគួរឲ្យអាម៉ាស សម្រាប់កម្ពុជា ដែលមានព្រះមហាក្សត្រ ជាប្រមុខរដ្ឋ មានរដ្ឋធម្មនុញ្ញ ឯករាជភាព បូរណភាពទឹកដី តែគ្រាន់តែចុះទៅមើលទឹកដីខ្លួនដែរគេឈ្លានពាន បែរជាត្រូវបានគេថ្កោលទោស ហើយកម្ពុជាខ្លួនឯងបែរក្លាយជាអ្នកខុសទៅវិញ។ លោកបន្ថែមថា «ព្រះមហាក្សត្រជាប្រមុខរដ្ឋ គួរតែបង្កើតគណៈកម្មាធិការពិសេស ដើម្បីសិក្សាពីបញ្ហាព្រំដែន ដើម្បីឲ្យទទួលបានពត៌មានច្បាស់លាស់ និងដាក់ពាក្យទៅសហគមន៍អាស៊ាន ឬទីក្រុងឡាអេ ប្រសិនបើមិនអាចដោះស្រាយបាន ដោយពឹងផ្អែកលើកិច្ចព្រៀមព្រៀងទីក្រុងបារីស ឆ្នាំ ១៩៩១»។
ការរិះគន់របស់តំណាងរាស្រ្តបក្សប្រឆាំង និងអ្នកវិភាគនេះ ធ្វើឡើងក្រោយពីក្រសួងការបរទេសវៀតណាម លោកLe Hai Binh ចេញសេចក្ដីប្រកាសព័ត៌មាននៅថ្ងៃទី៣០ មិថុនា ដោយចាត់ទុកថាហិង្សាកើតឡើងដោយសារ«ពួកជ្រុលនិយមកម្ពុជាមួយចំនួន ដែលរំលោភបំពានច្បាប់កម្ពុជា និងវៀតណាម ក៏ដូចជាសន្ធិសញ្ញា និងកិច្ចព្រមព្រៀងប្រទេសទាំងពីរ»។ លោកបញ្ជាក់ថា«យើងបានស្នើឲ្យអាជ្ញាធរកម្ពុជារៀបចំជាវិធានការ ក្នុងការដោះស្រាយឧបទ្ទវហេតុនេះឲ្យបានត្រឹមត្រូវ និងបង្ការសកម្មភាពបែបនេះកុំឲ្យកើតឡើងម្តងទៀត ដើម្បីធានាពីការអនុវត្តឲ្យបានរលូននៃការកំណត់ព្រំដែន និងបោះបង្គោលព្រំដែន ដើម្បីជាប្រយោជន៍រួមនៃប្រជាជនទាំងពីរ»។
សារព័ត៌មានថ្មីៗមិនអាចសុំការអត្ថាធិប្បាយពីលោក ជុំ សន្ទរី អ្នកនាំពាក្យក្រសួងការបទេស ជុំវិញប្រតិកម្មចំពោះការប៉ះទង្គិចគ្នានៅព្រំដែនកម្ពុជា-វៀតណាមនៅខេត្តស្វាយរៀងបានឡើយទេ។
កន្លងមកអ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានបង្ហាញការសោកស្តាយចំពោះហេតុការណ៍ហិង្សានេះ។ មន្ត្រីរដ្ឋាភិបាលរូបនេះ មិនចង់បន្ទោសក្រុមអ្នកតំណាងរាស្ត្រគណបក្សប្រ ឆាំងដែលបានដឹកនាំពលរដ្ឋតវ៉ាបញ្ហាព្រំដែននោះទេ ប៉ុន្តែសម្រាប់លោក ការដោះស្រាយបញ្ហាព្រំដែនតាមយន្តការរដ្ឋាភិបាល គឺជារឿងល្អបំផុត។ អ្នកនាំពាក្យរូបនេះថ្កោលទោសទាំងភាគីកម្ពុជា និងរៀតណាមដែលបានប៉ះទង្គិចគ្នាដោយហិង្សានៅព្រំដែនក្នុងខេត្តស្វាយរៀង។
យ៉ាងហោចណាស់ភាគីកម្ពុជា១០នាក់រងរបួស រីឯភាគីវៀតណាមរងរបួស៨នាក់ ក្នុងការប៉ះទង្គិចដោយហិង្សា។ នេះបើយោងតាមរបាយការណ៍របស់អាជ្ញាធរខេត្តស្វាយរៀង។
ការប៉ះទង្គិចគ្នាបណ្ដាលឲ្យមានអ្នករងរបួសនេះ គឺកើតឡើងខណៈដែលតំណាងរាស្ត្របក្សសង្គ្រោះជាតិដែលដឹកនាំដោយលោក រៀល ខេមរិន្ទ្រ និងលោក អ៊ុំ សំអាន ចុះពិនិត្យព្រំដែនខេត្តស្វាយរៀង ត្រង់ចំណុចភូមិគោកធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។ ប្រជាពលរដ្ឋខ្មែរនៅតំបន់នោះចោទថា វៀតណាមបានរំលោភទឹកដីខ្មែរ និងកំពុងធ្វើផ្លូវក្នុងតំបន់ស ដែលភាគីកម្ពុជានិងវៀតណាម មិនទាន់ឯកភាពគ្នា៕
© រក្សាសិទ្ធិដោយ thmeythmey.com
