ជាតិ
នយោបាយជាតិ
×![]()
ដោយ: វិច្ឆិកា
ទិដ្ឋភាពរបស់លោក ឈាង វុន អ្នកតំណាងរាស្ត្រគណបក្សប្រជាជនកម្ពុជា បណ្តេញតំណាងរាស្ត្រគណបក្សសង្គ្រោះជាតិលោក អ៊ុំ សំអាន មិនអោយផ្តល់បទសម្ភាសន៍ដល់អ្នកកាសែតនៅក្នុងទីធ្លារដ្ឋសភានោះ បានធ្វើឲ្យគេគិតអំពីតម្លៃនៃសេរីភាពសារព័ត៌មាននៅក្នុងស្ថាប័នកំពូលមួយនេះ។ ខណៈលោក ពុយ គា ដែលជាអគ្គលេខាធិការក្លិបអ្នកកាសែតកម្ពុជាចង់ឃើញអ្នកនយោបាយអាចប្រើអកប្បកិរិយា និងភាសាទន់ភ្លន់ទៅកាន់អ្នកកាសែត លោក អ៊ូ វីរៈ បានរិះគន់បទបញ្ជាផ្ទៃក្នុងរដ្ឋសភាដែលមិនបានចែងច្បាស់លាស់អំពីការផ្តល់សារៈសំខាន់ដល់ការងារអ្នកសារព័ត៌មាន។
ដោយសំអាងថា លោក អ៊ុំ សំអាន អ្នកតំណាងរាស្ត្រគណបក្សសង្គ្រោះជាតិមិនបានសុំការអនុញ្ញាតពីប្រធានរដ្ឋសភាដើម្បីផ្តល់សម្ភាសន៍ដល់អ្នកកាសែត លោក ឈាង វុន ប្រធានគណកម្មការកិច្ចការបរទេស និងព័ត៌មាន និងទទួលបន្ទុកជាអ្នកនាំពាក្យនៃរដ្ឋសភាផងនោះ ក៏បានបញ្ឈប់ការសម្ភាសន៍នេះ។ លោក ឈាង វុន បានបណ្តេញលោក អ៊ុំ សំអាន និងអ្នកកាសែតចេញក្រៅពីទីធ្លារដ្ឋសភា ប្រសិនបើពួកគេចង់បន្តកិច្ចសម្ភាសន៍ ហើយបានព្រមានហៅសន្តិសុខអោយចាប់អ្នកកាសែតចេញទៀតផង។
លោក ពុយ គា ហាក់មានអារម្មណ៍រំខានក្នុងចិត្ត នៅពេលដែលលោកឃើញវីដេអូឃ្លីបដែលបង្ហាញសកម្មភាពរបស់អ្នកតំណាងរាស្ត្រ ឈាង វុន ដេញអ្នកកាសែត និងអ្នកតំណាងរាស្ត្របក្សប្រឆាំង។ សម្រាប់អ្នកកាសែតដ៏មានពិសោធន៍រូបនេះ ការប្រើប្រាស់កាយវិការ និងភាសាទន់ភ្លន់ គឺជាអ្វីដែលគេត្រូវប្រព្រឹត្តចំពោះអ្នកកាសែត។ លោក ពុយ គា បានចែករម្លែកពិសោធន៍ដែលបានឃើញអ្នកនយោបាយ និងស្ថាប័នមានតម្លៃធំៗ ដោយបញ្ជាក់យ៉ាងដូច្នេះថា៖«ជាទម្លាប់ ជាពិសេសស្ថាប័នធំៗ រាប់ទាំងរាល់កិច្ចប្រជុំខ្នាតអន្តរជាតិផង គេមិនដេញអ្នកកាសែតទេ។ តែបើចាំបាច់ដូចជាមានកិច្ចប្រជុំចង្អៀតឬកិច្ចប្រជុំផ្ទៃក្នុងសម្ងាត់ គេប្រើភាសាអញ្ជើញអ្នកសារព័ត៌មានឲ្យរង់ចាំនៅខាងក្រៅជាដើម។ ហើយខ្ញុំគិតថាវប្បធម៌បែបនេះគួរបន្តអនុវត្ត ព្រោះវាជាវប្បធម៌ដ៏ចំណាស់របស់ខ្មែរ ដែលបរទេសជាច្រើនបានសរសើរ។ គេសរសើរថាខ្មែរទន់ភ្លន់»។
អគ្គលេខាធិការនៃក្លិបអ្នកកាសែតកម្ពុជាដដែលបានពន្យល់ថា អ្នកសារព័ត៌មាន មានក្រមសីលធម៌របស់ខ្លួនដូចស្ថាប័នដទៃទៀតដែរ ហើយតាមរយៈវិជ្ជាជីវៈនេះ អ្នកសារពត៌មានតែងគោរពមនុស្សទូទៅ។
លោក អ៊ូ វីរៈ ដែលជាអ្នកវិភាគឯករាជ្យមួយរូបបានថ្លែងសោកស្តាយចំពោះហេតុការណ៍បណ្តេញអ្នកកាសែត និងអ្នកតំណាងរាស្ត្រចុងក្រោយនេះ ហើយលោកមើលឃើញថា នេះជា«រូបភាពរញ៉េរញ៉ៃ»មួយ។ អតីតប្រធានមជ្ឈមណ្ឌលសិទិ្ធមនុស្សកម្ពុជាបានរិះគន់បទបញ្ជាផ្ទៃក្នុងនៃរដ្ឋសភាដែលមិនមានចែងលើកតម្កើងវិស័យសារព័ត៌មាន។ លោក អ៊ូ វីរៈ បញ្ជាក់ថា៖«គួរតែមានការកំណត់ឲ្យមានបន្ទប់សន្និសីទកាសែតមួយដែលអ្នកតំណាងរាស្ត្រក៏អាចធ្វើសន្និសីទ ឬផ្តល់សម្ភាសន៍ជាមួយអ្នកកាសែតដោយមិនចាំបាច់ស្នើសុំការយល់ព្រមពីប្រធានរដ្ឋសភា»។
លោក អ៊ូ វីរៈ បន្តថា៖«សព្វថ្ងៃនេះបើអ្នកកាសែតចង់បានឯកសារអ្វីមួយនៅរដ្ឋសភា ពួកគេមិនដឹងទៅរកនៅកន្លែងណាទេ។ ម្យ៉ាងទៀត អ្វីៗត្រូវមានការយល់ព្រមពីប្រធានរដ្ឋសភា។ នេះមិនបានបង្ហាញថារដ្ឋសភាជាតួអង្គប្រជាធិបតេយ្យនោះទេ»។
នេះជាលើកទី២ហើយ ដែលអ្នកតំណាងរាស្ត្រ ឈាង វុន ដេញអ្នកតំណាងរាស្ត្រគណបក្សប្រឆាំងពីទីធ្លារដ្ឋសភា។ លើកទីមួយលោក ឈាង វុន បានដេញលោក សុន ឆៃ។ រូបភាពបែបនេះ អាចធ្វើឲ្យធ្លាក់តម្លៃស្ថាប័នរដ្ឋសភា ដែលកំពុងគ្រប់គ្រងដោយគណបក្សប្រជាជនកម្ពុជា៕
ដោយសំអាងថា លោក អ៊ុំ សំអាន អ្នកតំណាងរាស្ត្រគណបក្សសង្គ្រោះជាតិមិនបានសុំការអនុញ្ញាតពីប្រធានរដ្ឋសភាដើម្បីផ្តល់សម្ភាសន៍ដល់អ្នកកាសែត លោក ឈាង វុន ប្រធានគណកម្មការកិច្ចការបរទេស និងព័ត៌មាន និងទទួលបន្ទុកជាអ្នកនាំពាក្យនៃរដ្ឋសភាផងនោះ ក៏បានបញ្ឈប់ការសម្ភាសន៍នេះ។ លោក ឈាង វុន បានបណ្តេញលោក អ៊ុំ សំអាន និងអ្នកកាសែតចេញក្រៅពីទីធ្លារដ្ឋសភា ប្រសិនបើពួកគេចង់បន្តកិច្ចសម្ភាសន៍ ហើយបានព្រមានហៅសន្តិសុខអោយចាប់អ្នកកាសែតចេញទៀតផង។
លោក ពុយ គា ហាក់មានអារម្មណ៍រំខានក្នុងចិត្ត នៅពេលដែលលោកឃើញវីដេអូឃ្លីបដែលបង្ហាញសកម្មភាពរបស់អ្នកតំណាងរាស្ត្រ ឈាង វុន ដេញអ្នកកាសែត និងអ្នកតំណាងរាស្ត្របក្សប្រឆាំង។ សម្រាប់អ្នកកាសែតដ៏មានពិសោធន៍រូបនេះ ការប្រើប្រាស់កាយវិការ និងភាសាទន់ភ្លន់ គឺជាអ្វីដែលគេត្រូវប្រព្រឹត្តចំពោះអ្នកកាសែត។ លោក ពុយ គា បានចែករម្លែកពិសោធន៍ដែលបានឃើញអ្នកនយោបាយ និងស្ថាប័នមានតម្លៃធំៗ ដោយបញ្ជាក់យ៉ាងដូច្នេះថា៖«ជាទម្លាប់ ជាពិសេសស្ថាប័នធំៗ រាប់ទាំងរាល់កិច្ចប្រជុំខ្នាតអន្តរជាតិផង គេមិនដេញអ្នកកាសែតទេ។ តែបើចាំបាច់ដូចជាមានកិច្ចប្រជុំចង្អៀតឬកិច្ចប្រជុំផ្ទៃក្នុងសម្ងាត់ គេប្រើភាសាអញ្ជើញអ្នកសារព័ត៌មានឲ្យរង់ចាំនៅខាងក្រៅជាដើម។ ហើយខ្ញុំគិតថាវប្បធម៌បែបនេះគួរបន្តអនុវត្ត ព្រោះវាជាវប្បធម៌ដ៏ចំណាស់របស់ខ្មែរ ដែលបរទេសជាច្រើនបានសរសើរ។ គេសរសើរថាខ្មែរទន់ភ្លន់»។
អគ្គលេខាធិការនៃក្លិបអ្នកកាសែតកម្ពុជាដដែលបានពន្យល់ថា អ្នកសារព័ត៌មាន មានក្រមសីលធម៌របស់ខ្លួនដូចស្ថាប័នដទៃទៀតដែរ ហើយតាមរយៈវិជ្ជាជីវៈនេះ អ្នកសារពត៌មានតែងគោរពមនុស្សទូទៅ។
លោក អ៊ូ វីរៈ ដែលជាអ្នកវិភាគឯករាជ្យមួយរូបបានថ្លែងសោកស្តាយចំពោះហេតុការណ៍បណ្តេញអ្នកកាសែត និងអ្នកតំណាងរាស្ត្រចុងក្រោយនេះ ហើយលោកមើលឃើញថា នេះជា«រូបភាពរញ៉េរញ៉ៃ»មួយ។ អតីតប្រធានមជ្ឈមណ្ឌលសិទិ្ធមនុស្សកម្ពុជាបានរិះគន់បទបញ្ជាផ្ទៃក្នុងនៃរដ្ឋសភាដែលមិនមានចែងលើកតម្កើងវិស័យសារព័ត៌មាន។ លោក អ៊ូ វីរៈ បញ្ជាក់ថា៖«គួរតែមានការកំណត់ឲ្យមានបន្ទប់សន្និសីទកាសែតមួយដែលអ្នកតំណាងរាស្ត្រក៏អាចធ្វើសន្និសីទ ឬផ្តល់សម្ភាសន៍ជាមួយអ្នកកាសែតដោយមិនចាំបាច់ស្នើសុំការយល់ព្រមពីប្រធានរដ្ឋសភា»។
លោក អ៊ូ វីរៈ បន្តថា៖«សព្វថ្ងៃនេះបើអ្នកកាសែតចង់បានឯកសារអ្វីមួយនៅរដ្ឋសភា ពួកគេមិនដឹងទៅរកនៅកន្លែងណាទេ។ ម្យ៉ាងទៀត អ្វីៗត្រូវមានការយល់ព្រមពីប្រធានរដ្ឋសភា។ នេះមិនបានបង្ហាញថារដ្ឋសភាជាតួអង្គប្រជាធិបតេយ្យនោះទេ»។
នេះជាលើកទី២ហើយ ដែលអ្នកតំណាងរាស្ត្រ ឈាង វុន ដេញអ្នកតំណាងរាស្ត្រគណបក្សប្រឆាំងពីទីធ្លារដ្ឋសភា។ លើកទីមួយលោក ឈាង វុន បានដេញលោក សុន ឆៃ។ រូបភាពបែបនេះ អាចធ្វើឲ្យធ្លាក់តម្លៃស្ថាប័នរដ្ឋសភា ដែលកំពុងគ្រប់គ្រងដោយគណបក្សប្រជាជនកម្ពុជា៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
